1 Tẹsalonaika 5:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Kidie otu re vwerhẹ ason e vwọ vwerhẹ, otu rẹ idi rhe muẹ ke je vwẹ ason idi rhe vwo muẹ ayen.

1 Tẹsalonaika 5:7 ပူးပေါင်းရင်းမြစ်များ

ỌBE RẸ JOB 33:15

Vwẹ evwerhẹn, vwẹ emramrẹ vwẹ ason, rẹ ovwerhẹn rode de mu ihwo, rẹ ayen da vwerhẹn vwẹ ehwa rayen,

ỌBE RẸ JOB 4:13

Vwẹ uherevie rẹ iroro rẹ evwerhẹ rẹ ason, rẹ okpovwerhẹ vwo mu ihwo,

Iyẹnrẹ Esiri ri Jọn 2:10

Ọ da ta kẹ, Udi ọvwevwerhe ọye kohwo kohwo ka jẹ karo; ọke rẹ udi de mu ihwo re, kẹsiẹye a ke vwẹ idi ebrabra cha; ẹkẹvuọvo wo si udi ọvwevwerhe nana nu rhi te ọke nana.

Iruo rẹ Iyinkọn na 2:15

Ihwo nana da udi-i, kirobo rẹ ovwan roro na ọnana irhioke vwobọ;

Ọbe ri Pọl si rhe Ihwo ri Rom 13:13

E gbe jẹn avwanre vwẹ oma kpotọ yan vwẹ uvo koko na, ọ dia o rẹ emu ẹriọ kugbe udi-ẹda-a, ọ dia ophiẹvwe kugbe ozighi-i, ọ dia ohọre kugbe omaeriọ-ọ.

1 Kọrẹnt 15:34

Nabọ vwẹ udu kpotọ, wo gbi ruẹ imwemwu ọfa-a. Kidie ẹvo vwọ erianriẹn rẹ Ọghẹnẹ na-a. Me ta ọnana rere oma vwọ vo ovwan.

Ẹfesọs 5:14

Vwẹ ọtiọye na kọye ọ vwọ ta, We rọ vwerhẹ, rhọvwọ, ọ ro ghwuru, varhe, Kristi kọ kẹ wẹ orẹmrẹ.

Ẹfesọs 5:18

We gbi jẹ idi muẹ ovwa-an, kidie ọye ozighi; ẹkẹvuọvo gbe jẹ Erhi na vọn ovwan oma.

2 Pita 2:13

Kẹ ayen cha reoja vwi fiki rẹ oruchọ rẹ ayen. Omavwerha ayen siẹ rẹ ayen de di muẹ do vwẹ ogheruvo. Ayen họhọ apa vẹ upe, ri muẹ van vwẹ ọke re da ghwọ, ye vwẹ aghẹghẹ nene ovwan ha eha.