1 Tẹsalonaika 2:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Kidie uyono rẹ avwanre ghwa rhe dia ọchọchọ-ọ eyẹ ọ rẹ ijefuọ-ọn, eyẹ ọ rẹ ophiẹvwe-e.

1 Tẹsalonaika 2:3 ပူးပေါင်းရင်းမြစ်များ

Ukeri 16:15

Ophu de mu Mosis gangan, ọ da ta kẹ Ọrovwohwo, Wọ reyọ izobo rẹ ihwo nana-a, fikiridie me je reyọ ekẹtẹkẹtẹ ọvuọvo mie ayeen, mi ji ru ayen ohwo ọvuọvo obo re chọre dẹvo-o.

Iruo rẹ Iyinkọn na 13:15

Ọke re vwo se ọbe rẹ urhi na vẹ emraro na nu, isun ri Sinegọg na de ji ohwo ra vuẹ ayen, tanẹ, Imoni, ọ da dianẹ we vwo ota rẹ uchebro ru we bru ihwo na, wa ta.

Iruo rẹ Iyinkọn na 4:36

Kẹ enẹ Josẹf je shẹ otọ rọye ohwo rẹ iyinkọn na mu odẹ kẹ nẹ Banabas (otọ rọye, Ọmọ rẹ obruche) ohwo ri Livae, ohwo ri Saiprọs,

2 Kọrẹnt 11:13

Kidie ihwo etieye na hẹ iyinkọn rẹ efian, iruiruo rẹ ophiẹvwe, re vwẹ oma nẹ nẹ ayen iyinkọn ri Kristi.

2 Kọrẹnt 2:17

Kidie avwanre rha họhọ ihwo buebu, re shẹ ota rẹ Ọghẹnẹ-ẹ; ẹkẹvuọvo kerẹ ihwo rẹ uyota, rẹ Ọghẹnẹ ji uwevwi, vwẹ obaro rẹ Ọghẹnẹ evun ri Kristi avwanre da ta ota na.

2 Kọrẹnt 4:2

Avwanre gba sen emu rẹ omaẹvuọ, rẹ idjerhe ri kini kini, avwanre gbi hworo aghwanre-e eyẹ vwẹ ota rẹ Ọghẹnẹ jọdẹ-ẹ, ẹkẹvuọvo vwẹ uyota na rẹ avwanre ta phia gbonozẹ na kọye avwanre vwọ vwẹ oma rẹ avwanre vwọ phia kẹ udu ri kohwo kohwo vwẹ obaro rẹ Ọghẹnẹ.

2 Kọrẹnt 4:5

Kidie ọ dia oma rẹ avwanre avwanre ghwoghwo na-a, ẹkẹvuọvo Kristi avwanre ghwoghwo kerẹ Ọrovwohwo, avwanre ke rha vwẹ idibo rẹ ovwan fiki ri Jesu.

2 Kọrẹnt 6:8

vwẹ ọghọ vẹ ijọghọ evwo, vwẹ odẹ omiomiovwi vẹ odẹ oyoyovwi. Kẹ ru avwanre kerẹ ihwo ri muẹ ọrho bare oma, yẹ ayen ihwo rẹ uyota;

2 Kọrẹnt 7:2

Rhie udu rẹ ovwan phihọ kẹ avwanre; avwanre ru ohwo ọvuọvo chọ-ọ, avwanre miovwo ohwo ọvuọvo-o, avwanre re erere rẹ ohwo ọvuọvo-o.

1 Tẹsalonaika 2:11

kidie ovwan riẹn obo, rẹ ọsẹ vẹ emọ rọye yerẹ, ọtiọye avwanre yono ovwan ọvuọvo bru ovwan uche dje kẹ ovwan.

1 Tẹsalonaika 4:7

Kidie Ọghẹnẹ se avwanre rhe iruo rẹ inuhu-u, ẹkẹvuọvo vwẹ evun rẹ ẹfuọn.

2 Tẹsalonaika 2:11

Vwẹ ọtiọye na Ọghẹnẹ da vwẹ erhi rẹ ibeghe ọgangan kẹ ayen, rere ayen vwo se efian gbuyota.

2 Pita 1:16

Kidie avwanre nene ona rẹ esia ẹrhọghọ-ọ vwẹ ọke rẹ avwanre vwo dje ogangan na kugbe ẹcha rẹ Ọrovwavwanre Jesu Kristi kẹ ovwa-an, ẹkẹvuọvo avwanre rhie ẹro mrẹ avwanre jẹ dia iseri rẹ ọrho rọye.

1 Samuẹl 12:3

Mẹvwẹ na; we gbe se oseri mu vwe vwẹ obaro rẹ Ọrovwohwo kugbe obaro rẹ ohwo ra vwẹ evwri te. Ono ri vwo erhuẹn ọshare ri mi muru? Eyẹ konọ vwo ekẹtẹkẹrẹ ri mi muru? Eyẹ kono me ghwarẹ? Ono mi shenyẹ? Eyẹ kono me re udi mie ro rhu vwẹ ẹro? We se oseri hwe vwe re me rhan ayen rhivwi kẹ ovwan.