1 Samuẹl 9:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Asakiephana ekẹtẹkẹtẹ ri Kish, ọsẹ ri Sọl, de ghwru. Etiyin Kish da ta kẹ Sọl rẹ ọmọ rọye, Reyọ odibo ọvo vwọ ba oma, wo vrẹn, yanran ra guọnọ ekẹtẹkẹtẹ na

1 Samuẹl 9:3 ပူးပေါင်းရင်းမြစ်များ

Iguẹdjọ 10:4

O de vwo emọ eshare ọgban ri vwo ekẹtẹkẹtẹ ọgban rẹ ayen vwọ gua; ayen ji vwo irere ride ọgban, re se nẹ Havvotjair rhi te ẹdẹ ri nonẹ na, rẹ otọ ri Giliad.

Iguẹdjọ 5:10

Gbe ikun rọye, ovwan re gua ekẹtẹkẹtẹ re vwara gbagbagba, ovwan ri tidia eruẹ rẹ edafe kugbe ovwan re yan vwẹ idjerhe.

1 Samuẹl 10:14

Oniọvo rẹ ọsẹ ri Sọl da ta kẹ vẹ odibo rọye, Tivọ wọ rare? ọ da ta, Avwanre ra guọnọ ekẹtẹkẹtẹ na; ọke rẹ avwanre rha mrẹ aye-en, kẹ avwanre kpo obo ri Samuel.

1 Samuẹl 10:2

Ọke wo de nẹ etinẹ kpo nonẹ na wọ cha vwa ọshare ivẹ vwẹ asan ushi ri Rachel vwẹ otọ ri Bẹnjamin vwi Zẹlzah, ayen ke ta kẹ wẹ, Ekẹtẹkẹtẹ ru wọ ra guọnọ na a mrẹ ayen re, Asakiephana ọsẹ wẹn gbe rha davwerhọ rẹ ekẹtẹkẹtẹ na-a ẹnwa wẹ kọye ọ rua, tanẹ, kemavo mi ru ọmọ mẹ?

1 Samuẹl 9:2

o de vwo ọmọ re se odẹ rọye Sọl, emeghele yoyovwi. O vwo ohwo ọvuọvo vwẹ Izrẹl na ro yovwi te-e o vwi ki igabọ kpenu gro nọ kohwo kohwo ejobi.

1 Samuẹl 9:20

Vwọ kpahe ekẹtẹkẹtẹ wẹn ri ghwruru rhanwe ẹdẹ erha re na, wọ rha ruẹ ẹnwa rẹ aye-en, kidie a mrẹ ayen nure. Ki fiki rẹ ono a vwọ guọnọ ọyena ejobi vwẹ Izrẹl na? ọ rha dia ifiki wẹ vẹ uwevwi rẹ ọsẹ wẹn ejobi?

1 Samuẹl 9:4

Ayen da rhe wan vrẹn orho rẹ ubgenu na Ifrem rhe wan vrẹn otọ ri Shalisha, ẹkẹvuọvo ayen mrẹ aye-en. Ayen da wan vrẹn otọ ri Shaalim, ẹkẹvuọvo ayen hẹ etiyi-in. Etiyin ayen da wan vrẹn otọ ri Bẹnjamin, ẹkẹvuọvo ayen je mrẹ aye-en.