1 Samuẹl 9:25 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁵ Ọke rẹ ayen vwo wotọ nẹ enu rẹ ugbenu na cha obo orere na, a da hwa ehwa kẹ Sọl vwẹ obo okpo rẹ uwevwi na, o de she vwerhẹ.

1 Samuẹl 9:25 ပူးပေါင်းရင်းမြစ်များ

2 Samuẹl 11:2

Emu ọvo da rhe phia vwẹ oghẹruvo ọvo, ri Devid vwo vrẹn nẹ ehwa rọye kọ vwẹ enu rẹ uwevwi rọye, ọ da dia obenu rẹ uwevwi na kparo mrẹ aye ọvo rọ họ; aye na yovwiri gangan.

Nehemaya 8:16

Ọtiọye ihwo na da yanran ra ghwẹ ayen rhe ayen da vwẹ ayen bọn egarivi kẹ oma rayen, dohwo dọkpọ re uwevwi rọye, kugbe evun re eguan rayen kugbe evun re eguan re uwevwi rẹ Ọghẹnẹ, kugbe unuada rẹ Anurhoro re Ame kugbe unuada vwẹ Anurhoro rẹ Ifrem.

Jerimaya 19:13

Iwevwi ri Jerusalẹm kugbe iwevwi rẹ ivie ri Juda–iwevwi ra dia enu rayen da torhẹ izobo kẹ otu rẹ obenu ejobi, ra da vwẹ idi gọ iye kẹ eghẹnẹ efa, e che gbe ayen ẹgua vwi Tọfẹt.

Matiu 10:27

Obo re me ta kẹ ovwan vwẹ odjahọ ọye ovwan ta vwẹ azagba, obo ra bẹbẹ ta kẹ ovwan, ọye we ghwoghwo vwẹ enu rẹ uwevwi.

Matiu 24:17

E jẹn ohwo rọ hẹ enu rẹ uwevwi wotọ cha reyọ emu ọvuọvo nẹ uwevwi na-a.

Iyẹnrẹ Esiri ri Luk 5:19

ayen rha mrẹ idjerhe muo ro uwevwi-i, fiki rẹ ihwo buebu na ayen de yeri kpo obo okpo ayen da lọrọ vẹ eruẹ na wan ebọn ra uherevie vwẹ asan ri Jesu epha.

Iruo rẹ Iyinkọn na 10:9

Ẹdẹ rivẹ rẹ ayen vwọ yanran kẹ amasan rẹ ayen che vwo te orere na, Pita da yanran kpo obenu rẹ uwevwi ra nẹ erhuvwu, kerẹ emu rẹ unọke esan.

Urhi Rivẹ 22:8

Wọ da bọn uwevwi ọkpokpọ, wo mi fi igbẹhẹ otete riariẹ akọkọ rẹ ebọ rọye, rere abe rẹ ọbara rẹ ohwo ro she norhe, vwo jẹ uwevwi wẹn ete.

1 Samuẹl 9:26

Rẹ ọke vwo rhie Samuẹl de se Sọl vwẹ obo okpo rẹ uwevwi na, Vrẹn, re mi sun we kpo. Etiyin Sọl de vrẹn, te ọye te Samuẹl da yan ro evun rẹ urhuvwu.