1 Samuẹl 9:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Odẹ rọ cha vwẹ oghẹre rẹ ọke etiọna mi che ji ohwo ọvo nẹ otọ ri Bẹnjamin bru we rhe, ku wọ vwẹ evwri te rọ dia oviẹ vwe enu rẹ ihwo mẹ Izrẹl. Ko sivwi ihwo mẹ nẹ obọ rẹ ihwo ri Filistia, kidie Me mrẹ oma ẹlaghọ rẹ ihwo mẹ, fikiridie oviẹ rayen rhi te vwẹ oma re.

1 Samuẹl 9:16 ပူးပေါင်းရင်းမြစ်များ

2 Samuẹl 3:18

Asakiephana gbe jọ dia ọtiọye; kidie Ọrovwohwo ve kẹ Devid, tanẹ, Vwẹ obọ rẹ odibo mẹ Devid mi de sivwi ihwo mẹ Izrẹl nẹ obọ ri Filistia, kugbe obọ rẹ ivwighrẹn rayen.

Ivie rẹ Ivẹ 20:5

Rhivwi yanran wọ ta kẹ Hẹzikaya, ovie rẹ ihwo mẹ, Enẹ Ọrovwohwo, Ọghẹnẹ ri Devid ọsẹ wẹn tare. Mi nyo orẹ wẹn, Mi nyo oviẹ wẹn, nighe, Mi che sivwi uwe; ẹdẹ rerha ku wo kpo uwevwi rẹ Ọrovwohwo.

Une rẹ Ejiro 102:1

Nyo ẹrhovwo mẹ, E Ọrovwohwo; jẹn oviẹ mẹ bru we rhe!

Une rẹ Ejiro 106:44

Yi dede o vughe ọdjarhe rayen, vwẹ ọke ro vwo nyo oviẹ rayen.

Une rẹ Ejiro 25:18

Roro ọdjarhe mẹ vẹ ukpokpogho mẹ, rere wọ vwẹ imwemwu mẹ vwo ghovwo uvwe.

Isẹ 16:9

Iroro rẹ ohwo ọye ọ vwọ gbẹn idjerhe rọye, ekẹvuọvọ Ọrovwohwo kọye rhe suẹn ichiyi rọye kẹ.

Jerimaya 32:8

Kọye Hanamẹl rẹ oniọvo mẹ de bru vwe rhe vwẹ obo uwodi rẹ ọguan na kirobo rẹ ota rẹ Ọrovwohwo na epha, ọ da vuẹ vwẹ nẹ, Dẹ udju mẹ rọ hẹ obo Anatọt vwẹ otọ ri Benjamin, kidie we yi fo ohwo rọ je sa tan, dẹ ke oma wẹn. Me ke ghwa riẹn nẹ ọnana ota rẹ Ọrovwohwo na.

1 Samuẹl 10:1

Etiyin Samuẹl da reyẹ ukoko rẹ evwri o de kuo ku uyovwi rọye, ọ da fiọnfiọn unu ọ da ta, ọ dianẹ Ọrovwohwo re vwẹ evwri ghworo uwe nẹ wọ dia ovie vwẹ enu rẹ ihwo rọye Izrẹl? Ku wọ re vwẹ enu rẹ ihwo rẹ Ọrovwohwo na ku wo sivwi ayen nẹ obọ re ivwighrẹ re riariẹ ayen phihọ na. Ọnana kọ dia oka kẹ wẹ nẹ Ọrovwohwo ghine vwẹ evwri ghworo uwe nẹ wọ dia ovie vwẹ enu rẹ ughwẹ rọye.

1 Samuẹl 14:20

Etiyin Sọl vẹ ihwo re vẹ ọye gba herọ da ghwẹ koko kpo ofovwi na; nighe, ayen ohwohwo ke nyavwe ohwo, asan ejobi de rhi tighi ku.

1 Samuẹl 14:23

Etiyin Ọrovwohwo de sivwi Izrẹl vwẹ ẹdẹ yena; ofovwi na da ghworiẹ kpo abọ oboyi ri Bẹtavẹn.

1 Samuẹl 15:1

Samuẹl da ta kẹ Sọl, Ọrovwohwo ji vwe rhe nẹ me vwẹ evwri ghworo uwe ru wọ dia ovie vwẹ enu rẹ ihwo rọye Izrẹl; Asakiephana gba kerhọ rẹ eta rẹ Ọrovwohwo na.

1 Samuẹl 16:1

Ọrovwohwo da ta kẹ Samuel, Mavọ wo vwerhi Sọl kri te, yu wọ mrẹre nẹ Me senrọ nọ dia ovie vwẹ Izrẹli-i? Ku evwri phihọ ukoko wẹn, wọ yanran; mi ji we bru Jesse ohwo ri Bẹtlẹhẹm, kidie Me sanọ ovie kẹ oma mẹ vwẹ ohri rẹ emọ rọye nure.

1 Samuẹl 16:3

Gbe se Jesse rhe izobo na, ki mi dje obo wo ru kẹ wẹ; ku wọ cha vwẹ evwri ghworo ohwo ri mi che se odẹ rọye kẹ wẹ na kẹ vwẹ.