1 Samuẹl 9:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Wa da ghwa ro orere na, wa cha mrẹ, tavwe ro ki kpo obenu rẹ ugbenu na ra re emu; kidie ihwo na cha re emu bẹsiẹ ro vwọ rhe-e, rọ vwọ dia ohwo ro muẹdia ze izobo na; kẹsiẹye ihwo re seri na ke ria. Asakiephana wa yanran, kidie wa cha vwa nana nana.

1 Samuẹl 9:13 ပူးပေါင်းရင်းမြစ်များ

2 Samuẹl 15:11

Ihwo uri de nene Absalọm rhe; ayen da yanran vugheghẹn, ayen riẹn emu ọvuọvo-o.

Matiu 14:19

Ọ da ta kẹ ihwo na nẹ, ovwan tidia te otọ vwẹ enu rẹ odi; ọ da reyọ ikara iyori na kugbe imiyeri ivẹ na, ro vwo ni odjuvwu, ọ da nẹ ẹrhovwo, o de bru ikara na vwọ kẹ idibo rọye nẹ a vwọ kẹ ayen.

Matiu 26:26

Rẹ ayen vwọ ria emu na, Jesu da reyọ ikara, ọ da nẹ ẹrhovwo ọ de bro, ọ da vwọ kẹ idibo na, ọ da ta nẹ, Reyọ ona re, ọnana oma mẹ.

Iyẹnrẹ Esiri ri Mak 6:41

Rọ vwọ reyọ ikara iyori na kugbe imiyeri ivẹ na re o de ni enu, ọ da kpẹvwẹ o de bru ikara na; vwọ kẹ idibo rọye re ayen ghare kẹ ayen; ọ da je ghare imiyeri ivẹ na kẹ ayen ejobi.

Iyẹnrẹ Esiri ri Luk 24:30

Ọke rọ vẹ ayen vwo tidia udoemu re, ọ da reyọ ikara ọ da nẹ ẹrhovwo phihọ, o de bro, ọ da vwọ kẹ ayen.

Iyẹnrẹ Esiri ri Luk 9:16

Rọ vwọ reyọ ikara iyori na kugbe iyeri ivẹ na o de ni odjuvwu, ọ da nẹ ẹrhovwo o de bru ayen, ọ da vwẹ ayen kẹ idibo na re muo vwọ kẹ otu na.

Iyẹnrẹ Esiri ri Jọn 6:11

Jesu da reyọ ikara na, rọ vwọ kpẹvwẹ nu, ọ da gharọ kẹ ayen otu ri tidia na; ọtiọye je hẹ eri na, kirobo rẹ ayen guọnọre.

Iyẹnrẹ Esiri ri Jọn 6:23

Kọye, ekọ efa ri nẹ Taberas rhe de rhi bi kẹrẹ asan na rẹ ayen da re ikara na rẹ Ọrovwohwo vwọ kpẹvwẹ nu na.

1 Kọrẹnt 10:30

Ọ da dianẹ me rerọ vẹ ẹkpẹvwẹ, die a rha vwọ bọphiẹ ovwẹ kpahe obo re me kpẹvwẹ phihọ nu?

1 Timoti 4:4

Kidie emu kemu rẹ Ọghẹnẹ mare yovwiri, o vwo obo ra gba vwọ-ọ ọ da dianẹ a rerọ vẹ ẹkpẹvwẹ;

1 Samuẹl 2:35

Ke me cha vwẹ ọrherẹn esiri vwo mu kẹ oma mẹ, ro che ru kirobo ri mi roro kugbe obo rẹ udu mẹ guọnọre; ke me cha bọn omamọ uwevwi kẹ, kọ ro uwevwi ro otafe vwẹ obaro rẹ ihwo re me vwẹ evwri ghworo na bẹdẹ.

1 Samuẹl 9:14

Etiyin ayen de kpo obo orere na; Rẹ ayen ghwa vwọ ro orere na, ayen da mrẹ Samuẹl rọ yan cha ro kpo obenu rẹ ugbenu na.