1 Samuẹl 8:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Asakiephana, kerhọ rẹ ayen; takpe, jomaotọ vwẹ ayen; ru wo dje kẹ ayen idjerhe rọ ovie ro che sun ayen na.

1 Samuẹl 8:9 ပူးပေါင်းရင်းမြစ်များ

Jerimaya 11:7

Kidie me da nabọ kpokpa kẹ esẹ rẹ ovwan re me vwọ reyọ ayen nẹ otọ rẹ Ijipt cha, kọke kọke rhi te nonẹ na, tanẹ, Nyo urhuru mẹ.

Izikiẹl 3:18

Ọ da dianẹ me ta kẹ oruimwemwu, Wo ghini ghwu, wo gbi rhe ghwoghwo kẹ-ẹ, eyẹ wọ gbe rha ta kẹ oruimwemwu ro jẹ idjerhe umwemwu rọye vwo-o, rere o sivwi arhọ rọye, oruimwemwu yena ko ghwu phihọ orukuruku rọye, ẹkẹvuọvo ọbara rọye ke me nọ ekpẹn rọye vwẹ obọ wẹn.

Izikiẹl 46:18

Osun na sa reyọ ughwẹ re ihwo na, rọ da djẹ ayen nẹ otọ na-a, otọ robọ rọye ọ vwọ ghare ughwẹ kẹ emọ rọye, rere e vwọ jẹ otọ rẹ ihwo mẹ ẹreyọ mie ayen.

1 Samuẹl 10:25

Etiyin Samuẹl de dje kẹ ihwo na ọtiẹ ogangan rẹ ovie na kugbe iruo rẹ ovie se ruẹ o de si ayen phihọ ọbe ọ da bẹre ọbe na sa opharo rẹ Ọrovwohwo. Etiyin Samuẹl de siobọ nẹ ihwo na kpo, dohwo duwevwi rọye da ra.

1 Samuẹl 12:1

Samuẹl da ta kẹ ihwo rẹ Izrẹl ejobi, Nighe, mi nyo obo rẹ ovwan ta kẹ vwẹ ejobi, me da vwẹ ovie mu kẹ ovwan.

1 Samuẹl 14:52

Ofovwi ọgangan ọye Sọl vẹ ihwo ri Filistia phiri vwẹ ẹdẹ rẹ akpọ rọye ejobi; ọke ejobi ri Sọl da mrẹ ọgba, eyẹ ohwo ro yivwaro, o mi ghwe sio te oma.

1 Samuẹl 2:13

Uruemu rẹ irherẹn na vẹ ihwo na kẹ ọna nẹ ọke rẹ ohwo de ze izobo, odibo rẹ orherẹn na kọ cha vwẹ ọke re de chere eranvwe na, ọ vẹ isosogho ra sa abada ivẹ vwẹ obọ.

1 Samuẹl 8:8

Kerẹ emu ejobi rẹ ayen ru kẹ vwẹ na, nẹ ẹdẹ Me vwọ reyọ ayen nẹ otọ rẹ Ijipt rhe rhi te nonẹ, ayen sẹn vwẹ ayen ga edjọ ọtiọye rhe ayen ji ruẹ kẹ wẹ na.