1 Samuẹl 8:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Kerẹ emu ejobi rẹ ayen ru kẹ vwẹ na, nẹ ẹdẹ Me vwọ reyọ ayen nẹ otọ rẹ Ijipt rhe rhi te nonẹ, ayen sẹn vwẹ ayen ga edjọ ọtiọye rhe ayen ji ruẹ kẹ wẹ na.

1 Samuẹl 8:8 ပူးပေါင်းရင်းမြစ်များ

Une rẹ Ejiro 78:8

rere ayen vwo jẹn esẹ rayen ẹhọhọ, uvwiẹ vẹ udu kpoi uvwiẹ rẹ okpetu, uvwiẹ rẹ vwẹ udu rayen kpahe ovwẹ-ẹ, rẹ erhi rọye se Ọghẹnẹ gbuyota-a.

Ẹyano 16:3

ayen da ta kẹ ayen, Manẹ kẹ avwanre ghwuru vwẹ obọ rẹ Ọrovwohwo vwẹ otọ rẹ Ijipt vwonẹ, ọke rẹ avwanre vwo tidia kerẹ evwẹrẹ rẹ eranvwe rẹ avwanre da re ikara vọn evun; etinẹ na wọ rọye avwanre rhe aton nana rere wọ rhe vwẹ owẹvwe hwe ukoko nana ejobi ghwu.

Ẹyano 17:2

Fiki rẹ ọtiọye na ivun ri Mosis ko miovwi ihwo na, ayen da ta, Kẹ avwanre ame da. Mosis da ta kẹ ayen, Die we vwo duota mẹ? Die wa vwọ davwẹ Ọrovwohwo nẹ?

Ẹyano 32:1

Ọke rẹ ihwo na vwọ mrẹ nẹ Mosis kri enu rẹ ugbenu na nọ, ihwo na de koko oma bru Erọn, ayen da ta kẹ, Vrẹn wọ ma edjọ kẹ avwanre; ono kọye cha ka obaro kẹ avwanre; vwọ kẹ Mosis na, ohwo ro sun avwanre nẹ otọ rẹ Ijipt rhe na, ma gbe riẹn obo ri ruro-o.

Jerimaya 34:14

Oba rẹ ikpe esan ohwo kohwo mi siobọ nẹ ohwo ri Hibru rọ dẹre rọ garọ ikpe esan nure; sio nẹ iruo wẹn ro ruẹ kẹ wẹ Ẹkẹvuọvo esẹ rẹ ovwan kerhọ-ọn e je davwerhọn mẹ-ẹ.

Izikiẹl 2:3

O da ta kẹ vwẹ, Ọmọ rẹ ohwo, mi ji we bru ihwo rẹ Izrẹl, bru ẹgborho ri muẹ kpahe ihwo, ri mu kpahe ovwẹ, te ayen te ese rayen gbe urhi mẹ ku rhi te nonẹ na.

Ukeri 16:41

Ẹkẹvuọvo ọke vwo rhie ihwo rẹ ukoko rẹ Izrẹl ejobi ki gu Mosis vẹ Erọn tanẹ, Wo hwe ihwo rẹ Ọrovwohwo re.

Urhi Rivẹ 9:24

Nẹ ẹdẹ Me vwo riẹn ovwan rhe na, we mu kpahe Ọrovwohwo na gangan.

Iguẹdjọ 13:1

Ihwo rẹ Izrẹl na da rhoma ru emu omiomiovwi vwẹ obaro rẹ Ọrovwohwo; Ọrovwohwo de phi ayen phihọ obọ rẹ Philistia ikpe ujuvẹ.

Iguẹdjọ 2:20

Ọtiọye na ophu rẹ Ọrovwohwo da rhe tua phihọ kpahe Izrẹl, ọ da ta, Fikiridie ihwo nana ru umwemwu kpahe ọphọ mẹ ri mi ji urhi rọye kẹ esẹ rayen, ayen mu ọghọ kẹ urhuru mẹ-ẹ,

Iguẹdjọ 4:1

Ihwo rẹ Izrẹl na da rhoma ru uruemu miomiovwi vwẹ obaro rẹ Ọrovwohwo na, rẹ Ehud vwo ghwu nu.

Iguẹdjọ 6:1

Ihwo rẹ Izrẹl de ru obo re chọre vwẹ obaro rẹ Ọrovwohwo na; Ọrovwohwo de phi ayen phihọ obọ ri Midian ikpe ighwrẹn.

1 Samuẹl 8:7

Ọrovwohwo da ta kẹ Samuẹl, Nyo obo rẹ ihwo na ta kẹ wẹ ejobi; kidie ọ dia owẹ ayen sẹnre-e, ẹkẹvuọvo mẹvwẹ ayen sẹnre nẹ ọ dia ovie kẹ aye-en.

1 Samuẹl 8:9

Asakiephana, kerhọ rẹ ayen; takpe, jomaotọ vwẹ ayen; ru wo dje kẹ ayen idjerhe rọ ovie ro che sun ayen na.