1 Samuẹl 8:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Ọrovwohwo da ta kẹ Samuẹl, Nyo obo rẹ ihwo na ta kẹ wẹ ejobi; kidie ọ dia owẹ ayen sẹnre-e, ẹkẹvuọvo mẹvwẹ ayen sẹnre nẹ ọ dia ovie kẹ aye-en.

1 Samuẹl 8:7 ပူးပေါင်းရင်းမြစ်များ

Ẹyano 16:8

Mosis da ta, ọke rẹ Ọrovwohwo da vwẹ eranvwe ke we re vwẹ ovwọnvwọn, irhiọke kẹ wa re ikara vọn evun, fikiridie Ọrovwohwo nyo iguegun rẹ ovwan gun kpahọ, die avwanre epha? Ọ dia avwanre we guẹ-ẹn ẹkẹvuọvo Ọrovwohwo we guẹn.

Aizaya 66:4

Mẹvwẹ ọvo kọ cha je okpetu kẹ ayen, Me djẹ oshọ mu ayen; kidie, ọke mi vwo se, ohwo ọvuọvo nyori-i, Me vwọ ta ota ayen kerhọ-ọn, ẹkẹvuọvo ayen ru umwemwu vwẹ obaro Mẹ, ayen da je obo ri tu vwe oma ru.

Jerimaya 34:14

Oba rẹ ikpe esan ohwo kohwo mi siobọ nẹ ohwo ri Hibru rọ dẹre rọ garọ ikpe esan nure; sio nẹ iruo wẹn ro ruẹ kẹ wẹ Ẹkẹvuọvo esẹ rẹ ovwan kerhọ-ọn e je davwerhọn mẹ-ẹ.

Izikiẹl 2:3

O da ta kẹ vwẹ, Ọmọ rẹ ohwo, mi ji we bru ihwo rẹ Izrẹl, bru ẹgborho ri muẹ kpahe ihwo, ri mu kpahe ovwẹ, te ayen te ese rayen gbe urhi mẹ ku rhi te nonẹ na.

Izikiẹl 3:7

Ẹkẹvuọvo uwevwi rẹ Izrẹl cha sa kerhọn wẹ-ẹ; kidie ayen rhọvwe kerhọn mẹ-ẹ; fikiridie uwevwi rẹ Izrẹl ejobi epha vẹ arhare gangan vẹ udu kokoroko kpoi.

Ukeri 22:20

Ọghẹnẹ de bru Balaam rhe vwẹ ason ọ da ta kẹ, ọ da dianẹ ihwo na rhi se we, vrẹn, wo nene ayen ra; ẹkẹvuọvo obo re me vuẹ wẹ ọye wo ji ru.

Matiu 10:40

Ohwo rọ reyọ ovwan yọ reyọ ovwẹ, ọ rọ rha reyọ ovwẹ-ẹ, yọ reyọ ọ ro ji vwe rhe na-a.

Iyẹnrẹ Esiri ri Luk 10:16

Ọ ro nyo ota rẹ ovwan yo nyo ọ mẹ, ọ rọ sen ovwan yọ sen vwẹ, ọ rọ sen vwẹ yọ sen ọ ro ji vwe rhe.

Iyẹnrẹ Esiri ri Luk 19:14

Ẹkẹvuọvo ivun rọye gbe vwerhe emotọ na-a ayen de ji ikọn nene, tanẹ, Avwanre gbe guọnọ nẹ ohwo nana re vwẹ enu rẹ avwanre-e.

Iyẹnrẹ Esiri ri Luk 19:27

Ẹkẹvuọvo vwọ kẹ ivwighrẹ mẹ nana, re guọnọre nẹ me ria vwẹ enu rẹ aye-en na, vwẹ ayen rhe etinẹ ra teyọ ayen hwe vwẹ irharo mẹ.

Iyẹnrẹ Esiri ri Jọn 13:16

Uyota, uyota, me ta kẹ ovwan, odibo rhonọ onini rọye-e, eyẹ ohwo re jiri rhonọ ọ ro jiro-o.

Iguẹdjọ 8:23

Gidiọn da ta kẹ ayen nẹ, Mi che sun ovwa-an, ọmọ me rẹ ọshare che sun ovwa-an; Ọrovwohwo na ri che sun ovwan.

1 Samuẹl 10:19

Ẹkẹvuọvo ẹdọke ri nonẹ na wa sen Ọghẹnẹ rẹ ovwan, ro sivwi ovwan nẹ okpetu rẹ ovwan kugbe uvwerhe rẹ ovwan; ovwan da ta, Ẹjo, ẹkẹvuọvo vwẹ ovie mu kẹ avwanre. Asakiephana wa gba vwẹ oma rẹ ovwan phia kẹ Ọrovwohwo vwẹ oruorua rẹ ovwan kugbe ururiori.

1 Samuẹl 12:1

Samuẹl da ta kẹ ihwo rẹ Izrẹl ejobi, Nighe, mi nyo obo rẹ ovwan ta kẹ vwẹ ejobi, me da vwẹ ovie mu kẹ ovwan.

1 Samuẹl 12:12

Wa vwọ mrẹ nẹ Nahash ovie rẹ ihwo rẹ Ammọn kpare ohọnre vwọ so ovwan, wa da ta kẹ vwẹ, ẹjo, ẹkẹvuọvo ma guọnọ ovie ro sun avwanre, vwẹ ọke rẹ Ọrovwohwo rẹ Ọghẹnẹ rẹ ovwan vwọ hẹ ovie rẹ ovwan.

1 Samuẹl 8:22

Ọrovwohwo da ta kẹ Samuel, Kerhọ rẹ ota rayen na, re wọ vwẹ ovie mu kẹ ayen. Samuẹl da ta kẹ ihwo rẹ Izrẹl, Yanran kpo dohwo dorere rọye.

1 Samuẹl 8:8

Kerẹ emu ejobi rẹ ayen ru kẹ vwẹ na, nẹ ẹdẹ Me vwọ reyọ ayen nẹ otọ rẹ Ijipt rhe rhi te nonẹ, ayen sẹn vwẹ ayen ga edjọ ọtiọye rhe ayen ji ruẹ kẹ wẹ na.