1 Samuẹl 8:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Ẹkẹvuọvo ota na je Samuelu-u rẹ ayen vwọ ta, Kẹ avwanre ovie ro sun avwanre. Samuẹl da nẹ ẹrhovwo kẹ Ọrovwohwo.

1 Samuẹl 8:6 ပူးပေါင်းရင်းမြစ်များ

Une rẹ Ejiro 109:4

Me guọnọ ayen jẹ ayen muẹ kpahe ovwẹ, ye me ghwa nẹ ẹrhovwo kẹ ayen.

Ẹyano 32:21

Etiyin Mosis da ta kẹ Erọn, Didi emu ihwo nana ru we re wọ vwọ rọye umwemwu rode nana vwo rhe ayen?

Ẹyano 32:32

Ẹkẹvuọvo asakiephana, ọ da dianẹ wo vwo umwemwu rayen vwo ghovwo ayen ọ rha dia ọtiọye-e, gbe phoro uvwe, Me rẹ wẹ, nẹ ọbe wẹ na ru wo siri na.

Hosia 13:10

Tivọ ovie wẹn epha, ro sivwi uwe; isun wẹn rhọ, re chọ ochọ wẹ ihwo re wọ ta nẹ; Kẹ vwẹ ovie kugbe isun?

Ukeri 16:15

Ophu de mu Mosis gangan, ọ da ta kẹ Ọrovwohwo, Wọ reyọ izobo rẹ ihwo nana-a, fikiridie me je reyọ ekẹtẹkẹtẹ ọvuọvo mie ayeen, mi ji ru ayen ohwo ọvuọvo obo re chọre dẹvo-o.

Ukeri 16:22

Ayen de she bọvwọn epharo rayen rhu otọ, ayen da ta, E Ọghẹnẹ, Ọghẹnẹ rẹ irhi rẹ ihwo rẹ akpọ na ejobi, kẹ ohwo ọvo de ru umwemwu kọye wo vwo mu ophu kpahe ihwo rẹ ukoko na ejobi?

Ukeri 16:46

Mosis da ta kẹ Erọn, Reyọ ephẹnre wẹn, wọ reyọ erhanre nẹ agbada na phihọ, re wọ ghwẹ ugboduma phihọ, ru wo muo phẹrẹkpẹ rhe ukoko na rere wọ gọ ẹgua nu kẹ ayen, kidie ophu nẹ obọ rẹ Ọrovwohwo rhe, ọtiekọ de mu phihọ.

Filipae 4:6

Wa ro ẹnwan rẹ emuọvo-o, ẹkẹvuọvo vwi kemu kemu orẹ kugbe oyare kugbe ẹkpẹvwẹ ta ọdavwẹ wẹn kẹ Ọghẹnẹ.

Jems 1:5

Ẹkẹvuọvo ohwo ro rhe vwo aghwanre vwẹ usun rẹ ovwa-an, e jọ nọ vwẹ obọ rẹ Ọghẹnẹ, ọye ri se siobọ nẹ kemu kemu kẹ ohwo, ọ ghwọ kuẹ ohwo-o; kọ vwọ kẹ.

1 Samuẹl 10:19

Ẹkẹvuọvo ẹdọke ri nonẹ na wa sen Ọghẹnẹ rẹ ovwan, ro sivwi ovwan nẹ okpetu rẹ ovwan kugbe uvwerhe rẹ ovwan; ovwan da ta, Ẹjo, ẹkẹvuọvo vwẹ ovie mu kẹ avwanre. Asakiephana wa gba vwẹ oma rẹ ovwan phia kẹ Ọrovwohwo vwẹ oruorua rẹ ovwan kugbe ururiori.

1 Samuẹl 12:12

Wa vwọ mrẹ nẹ Nahash ovie rẹ ihwo rẹ Ammọn kpare ohọnre vwọ so ovwan, wa da ta kẹ vwẹ, ẹjo, ẹkẹvuọvo ma guọnọ ovie ro sun avwanre, vwẹ ọke rẹ Ọrovwohwo rẹ Ọghẹnẹ rẹ ovwan vwọ hẹ ovie rẹ ovwan.

1 Samuẹl 12:17

Nonẹ na dia ọke orhọ rẹ oka-a Mi che se Ọrovwohwo rere ọ rhọ osio vẹ agbrara; ku wa riẹn ku wa mrẹ nẹ uvumwemwu rẹ ovwan ghine rho, ru we ruru vwẹ obaro rẹ Ọrovwohwo re wa vwọ nọ ekpẹn rẹ ovie kẹ oma rẹ ovwan.

1 Samuẹl 12:19

Ihwo na ejobi da ta kẹ Samuel, Rẹ Ọrovwohwo Ọghẹnẹ wẹn na kẹ idibo wẹn, rere avwanre vwo je ghwo; kidie avwanre rhoma vwẹ umwemwu nana ba imwemwu rẹ avwanre ri jovwo, rẹ avwanre vwo nọ ekpẹn rẹ ovie kẹ oma rẹ avwanre.

1 Samuẹl 12:23

Ọ rọ marho mi che ru umuemwu kpahe Ọrovwohwo re mi se jẹ ẹrhovwo ẹnẹ kẹ Ọrovwohwo fiki rẹ ovwa-an; ki mi yono ovwan phihọ idjerhe rẹ esiri vẹ ọsoso.

1 Samuẹl 15:11

Ọ davwẹ gangan nẹ mi vwi Sọl mu ovie; kidie ọ chuko ku vwe nure o gbi nene uvwe-e, o ru obo ri mi ji urhi rọye kẹ-ẹ. Ivun de miovwi Samuel; ọda viẹ se Ọrovwohwo vwẹ ason yena ejobi.

1 Samuẹl 7:5

Etiyin Samuẹl da ta, Se Izrẹl ejobi koko vwi Mizpah, re me nẹ ẹrhovwo kẹ Ọrovwohwo vwọ kẹ ovwan.