1 Samuẹl 8:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ rere avwanre dia kerẹ ẹgborho ri chekọ na, rere ovie rẹ avwanre sun avwanre rọ ka obaro kẹ avwanre re phi ofovwi kẹ avwanre.

1 Samuẹl 8:20 ပူးပေါင်းရင်းမြစ်များ

Une rẹ Ejiro 106:35

ẹkẹvuọvo ayen de kuoma kugbe ẹgborho na ayen de ru kirobo re ayen ruru.

Ẹyano 33:16

Kemavo e ru riẹn nẹ Me mrẹ ẹruesiri wẹn, Mẹvwẹ vẹ ihwo wẹn na? Ọ dianẹ enene ri wo nene avwanre ra, rere avwanre vwọ fẹnẹ, Mẹvwẹ vẹ ihwo wẹn, nẹ ihwo ejobi re akpọ na?

Ukeri 23:9

Nẹ obenu rẹ ugbenu rhe me da mrẹ, nẹ obenu rẹ igbenu itete rhe mi de no; nighe, ihwo re dia asan obọ rẹ ayen san. Ri kere oma rọye ba ẹghorho ri chekọ-ọ.

Iyẹnrẹ Esiri ri Jọn 15:19

Ọ da dianẹ ovwan kẹ e rẹ akpọ na, akpọ na ka guọnọ erobọ rọye; ẹkẹvuọvo fikiridie ovwan rha dia e rẹ akpọ na-a na, ẹkẹvuọvo me jẹ ovwan nẹ evun rẹ akpọ na, kọye akpọ na vwo tuoma rẹ ovwan na.

Ọbe ri Pọl si rhe Ihwo ri Rom 12:12

Ghọghọ vwẹ evun rẹ iphiẹrohọ wẹn, chirako vwẹ ukpokpoghọ, wo gbe ẹdẹ rẹ ẹrhovwo-o.

2 Kọrẹnt 6:17

Fiki rẹ ọtiọye na gbe vrẹn nẹ ohri rẹ ayen, gba hẹriẹ oma nẹ ayen, eriyin Ọrovwohwo tare, Wọ vwẹ obọ te emu ogbegbe-e; ki mi dede ovwan reyọ

Urhi Rivẹ 7:6

Kidie ovwan ihwo efuanfon kẹ Ọrovwohwo rẹ Ọghẹnẹ rẹ ovwan na; Ọrovwohwo Ọghẹnẹ wẹn re sanọ owẹ re wọ dia oghẹre rẹ ohwo kẹ omobọ rọye, nọ ihwo rẹ herọ vwẹ evun rẹ akpọ na ejobi.

Filipae 3:20

Ẹkẹvuọvo avwanre kẹ emotọ rẹ odjuvwu, kẹ etiyin avwanre da hẹrhẹ Osivwi, Ọrovwohwo Jesu Kristi,

1 Pita 2:9

Ẹkẹvuọvo ovwan uvwiẹ ra jẹreyọ, uvwiẹ rẹ irherẹn, ẹgborho ọfuanfon, ihwo robọ rẹ Ọghẹnẹ, rere ovwan vwo se dje iruo rẹ igbunu rẹ ohwo ro se ovwan nẹ ebri rhe vwo kpo urhukpẹ rẹ igbunu rode na.

1 Samuẹl 12:12

Wa vwọ mrẹ nẹ Nahash ovie rẹ ihwo rẹ Ammọn kpare ohọnre vwọ so ovwan, wa da ta kẹ vwẹ, ẹjo, ẹkẹvuọvo ma guọnọ ovie ro sun avwanre, vwẹ ọke rẹ Ọrovwohwo rẹ Ọghẹnẹ rẹ ovwan vwọ hẹ ovie rẹ ovwan.

1 Samuẹl 12:2

Asakiephana, gbe nighe, ovie na kọye ri sun ovwan na; me ghwore me djẹ esha re, nighe, emọ mẹ keye vẹ ovwan gba herọ na; ye me vẹ ovwan re gba herọ nẹ imitete mẹ rhe rhi te ẹdẹ ri nonẹ na.

1 Samuẹl 8:5

ayen da ta kẹ, Nighe, wọ ghwore yẹ emọ wẹn yan nene idjerhe wẹ-ẹn: Asakiephana gba vwẹ ovie mu kẹ avwanre ro sun avwanre kerẹ ẹgborho ri chekọ na ejobi