1 Samuẹl 7:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Etiyin Samuẹl da reyọ omogodẹ ro viẹ evie ọ da vwẹ ọsoso rọye ze izobo rẹ ẹtorhẹ kẹ Ọrovwohwo; etiyin Samuẹl de kperi se Ọrovwohwo kẹ Izrẹl, Ọrovwohwo de nyo kẹ.

1 Samuẹl 7:9 ပူးပေါင်းရင်းမြစ်များ

Une rẹ Ejiro 50:15

rere wo se vwe vwe ọke rẹ ukpokpogho, ki mi sivwi uwe, ru wọ da vwẹ urinrin kẹ vwẹ.

Une rẹ Ejiro 99:6

Mosis vẹ Erọn vwẹ ohri rẹ irherẹn rọye, Samuẹl je vwẹ usun re otu ri se odẹ rọye. Ayen kperi se Ọrovwohwo na, o de nyo ke ayen

Jerimaya 15:1

Etiyin Ọrovwohwo da ta kẹ vwẹ, owenẹ Mosis vẹ Samuẹl mudia vwẹ obaro mẹ dede, udu mẹ sa rhẹriẹ bru ihwo nana-a. Si ayen nẹ obaro mẹ, rere wo jẹn ayen yanran.

Livitikọs 22:27

Erhuẹn eyẹ ogodẹ eyẹ ẹvwe de vwiẹ, ọ vẹ ọmọ ro vwiẹri na Me dia kugbe ẹdẹ ighwrẹn, kẹ ẹdẹ ẹrenren yanran yo teri ka sa reyọ vwo ze izobo rẹ ẹtorhẹ kẹ Ọrovwohwo na.

Urhi Rivẹ 9:26

Me nẹ ẹrhovwo kẹ Ọrovwohwo, nẹ, E Ọrovwohwo Ọghẹnẹ, wọ ghwọrọ ihwo wẹn vẹ ukuẹriọ wẹ-ẹn, e rẹ wọ vwẹ ọrho wẹn tan hirhe na, e re wọ vwẹ obọ gangan si nẹ Ijipt rhe na.

Jems 5:16

Ovwan rhọvwe imwemwu rẹ ovwan kẹ ohwohwo, rere ovwan ohwohwo nẹ ẹrhovwo kẹ ohwo, rere e vwo sivwi ovwan. Ẹrhovwo rẹ ọvwata sẹ nọ umuesia.

Iguẹdjọ 6:26

rere wọ so agbada ọvo kẹ Ọrovwohwo rẹ Ọghẹnẹ wẹn na vwẹ enu rẹ asan ọgangan na vwẹ etinẹ, rere wo mu ibieragha na kpahe ohwohwo; vwẹ asan rẹ agbada na epha jovwo na, re wọ reyọ erhuẹn rivẹ na vẹ urhe rẹ Ashera ru wo she ghwiotọ na vwo ze izobo ru torhẹre.

Iguẹdjọ 6:28

Ọke rẹ ihwo rẹ orho na vwọ rhọvwọ vwi urhiọke ride na, nighe, a guọghọ agbada ri Baal te otọ, Ashera rọ kẹrẹ eshere teye otọ, a da reyọ erhuẹn rivẹ rẹ ọshare vwo ze izobo phihọ enu rẹ agbada ra so phihọ na.

1 Samuẹl 10:8

Ku wọ karo kẹ vwẹ kpo Gilgal; nighe, mi bru we cha che ze izobo rẹ ẹtorhẹ kugbe izobo rẹ ufuoma. Ẹdẹ ighwrẹ wọ hẹrhẹ, bẹsiẹ me cha vwọ rhe rhi dje obo wo ru kẹ wẹ.

1 Samuẹl 12:17

Nonẹ na dia ọke orhọ rẹ oka-a Mi che se Ọrovwohwo rere ọ rhọ osio vẹ agbrara; ku wa riẹn ku wa mrẹ nẹ uvumwemwu rẹ ovwan ghine rho, ru we ruru vwẹ obaro rẹ Ọrovwohwo re wa vwọ nọ ekpẹn rẹ ovie kẹ oma rẹ ovwan.

1 Samuẹl 16:2

Samuẹl da ta, mavọ mi ru ra? ọ da dianẹ Sọl nyori, ko hwe vwe. Ọrovwohwo da ta, Reyọ Ọmọ rẹ erhuẹn nene oma, re wọ ta, Mi rhi ze izobo kẹ Ọrovwohwo na.

1 Samuẹl 2:35

Ke me cha vwẹ ọrherẹn esiri vwo mu kẹ oma mẹ, ro che ru kirobo ri mi roro kugbe obo rẹ udu mẹ guọnọre; ke me cha bọn omamọ uwevwi kẹ, kọ ro uwevwi ro otafe vwẹ obaro rẹ ihwo re me vwẹ evwri ghworo na bẹdẹ.

1 Samuẹl 7:17

Ọ mi rhe rhivwi rhe Ramah, kidie etiyin uwevwi rọye epha, kẹ etiyin o de suẹn Izrẹl. Ọ da so agbada kẹ Ọrovwohwo vwẹ Etiyin.

1 Samuẹl 9:12

Ayen da kpahe, ọ herọ; nighe, ọye hẹ obaro rẹ ovwan na. Kpare awọ; nana nana o di kpo obo orere na, fikiridie ihwo na re ze izobo nonẹ na vwẹ obenu rẹ ugbenu.