1 Samuẹl 7:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Etiyin Samuẹl da ta kẹ uwevwi rẹ Izrẹl ejobi, Wa da vwẹ udu rẹ ovwan ejobi kurhẹriẹ bru vwe rhe, we gbe ku edjọ erhorha na kufia kugbe Ashera na nẹ ohri rẹ ovwan, re we hirhe udu rẹ ovwan ku Ọrovwohwo, re wa ga ọye ọvo, ko sivwi ovwan nẹ obọ rẹ ihwo ri Filistia.

1 Samuẹl 7:3 ပူးပေါင်းရင်းမြစ်များ

Jẹnẹsis 35:2

Etiyin Jekọp da ta kẹ evwruwevwi rọye kugbe ekru re vẹ ọye gba herọ, Wa kpare ẹdjọ erhorha ri rhe ovwan ejobi kufia, re we phorho oma rẹ ovwan, re we ku iwun rẹ ovwan phihọ otọ,

1 Ivie 11:33

fikiridie ọ sen vwẹ, ọ da ra gọ Ashera ẹdjọ rẹ ihwo ri Sidọn, Chemosh ẹdjọ ri Moab, kugbe Milkọm ẹdjọ rẹ ihwo rẹ Ammọn, ọ gbe yan nene idjerhe mẹ-ẹ, o rhe ru obo ri yoma vwẹ obaro mẹ-ẹ ọ yọnrọn iji mẹ vẹ ẹgha mẹ-ẹ, kirobo ri Devid ọsẹ rọye ruru.

1 Ivie 8:48

rẹ ayen de kurhẹriẹ nẹ otọ rẹ udu rayen rhe vẹ iroro rayen vwẹ otọ rẹ ivwighrẹ rayen na, ri mu ayen ighuvwu na, re ayen de hirhe aro ku otọ rayen na nẹ ẹrhovwo kẹ wẹ, otọ re wọ vwọ kẹ esẹ rayen, orere ru wọ jẹreyọ na, kugbe uwevwi re me bọn kẹ odẹ wẹn na;

Ivie rẹ Ivẹ 17:39

ẹkẹvuọvo ovwan ke djẹ oshọ rẹ Ọrovwohwo Ọghẹnẹ rẹ ovwan, ko che sivwi ovwan nẹ abọ rẹ ivwighrẹ rẹ ovwan ejobi.

Ivie rẹ Ivẹ 23:15

Ọ rọ marho agbada na rọ hẹ Bẹtẹl agbada ri Jerobaom ọmọ rẹ Nebat, ohwo rọ nẹrhẹ Izrẹl ru umwemwu na vwo vi, agbada yena vẹ egbada efa eye o ghwie she ọ da guọghọ eragha rọye ibribro, ọ da ghwọrọ ayen ivwivwuvwu; ọ da torhẹ Ashera na.

1 Ikun rẹ Ivie 22:19

Asakiephana wa vwẹ iroro vẹ ẹnwẹ rẹ ovwan vwọ guọnọ Ọrovwohwo rẹ Ọghẹnẹ rẹ ovwan. We vrẹn ra bọn ẹshẹ kẹ Ọrovwohwo rẹ Ọghẹnẹ asan re mu ekpeti rẹ ọphọ rẹ Ọrovwohwo na vẹ ekuakua efuanfon rẹ Ọghẹnẹ na phihọ rọ dia uwevwi ra tọn phihọ kẹ odẹ rẹ Ọrovwohwo na.

1 Ikun rẹ Ivie 28:9

Wẹ, Solomọn rẹ ọmọ mẹ, riẹn Ọghẹnẹ rẹ esẹ wẹn, rere wọ ga vwẹ udu wẹn ejobi vẹ udu rẹ ẹguọnọ; kidie Ọrovwohwo re hiẹn ubiudu, ọ me rha riẹn iroro kiroro vẹ ona ejobi. Wọ da guọnọ, ku wọ mrẹ, ẹkẹvuọvo wọ da siọn, kọ djẹ wẹ kufia bẹdẹ.

2 Ikun rẹ Ivie 19:3

Ẹkẹvuọvo a mrẹ ememu esiri vwẹ oma wẹ, kidie wẹ re guọghọ oghriki nẹ otọ na, wọ da rha vwẹ udu wẹn vwọ guọnọ Ọghẹnẹ.

2 Ikun rẹ Ivie 20:33

Ẹkẹvuọvo, asan ri kpenu na, e si ayen no-o; ihwo na je ghwa vwẹ udu rayen kpahe Ọghẹnẹ rẹ esẹ raye-en.

2 Ikun rẹ Ivie 30:19

vwo ghovwo kohwo kohwo rọ vwẹ udu rọye ejobi vwọ guọnọ Ọghẹnẹ, Ọrovwohwo na Ọghẹnẹ rẹ esẹ rọye, owenẹ ọ yọnrọn urhi rẹ ẹfuọn rẹ ẹshẹ eyẹ o jovwo.

Isẹ 16:1

Ohwo ro vwo iroro ọye iroro jẹ, ẹkẹvuọvo ota rẹ ẹrẹnvwe kpahe re obọ rẹ Ọrovwohwo o nẹ cha.

Aizaya 55:7

Jẹn oruimwemwu je imwemwu rọye vwo, re ohwo umwemwu jẹ iroro ọbrabra rọye vwo, jẹn o rhivwi bru Ọrovwohwo, rere o ni arodọvwẹ rọye, bru Ọrovwohwo, kidie evwoghovwo rhere buebu.

Jerimaya 24:7

Me kẹ ayen udu rẹ ayen vwọ riẹn nẹ mẹvwẹ Ọrovwohwo na; ayen cha dia ihwo mẹ ke me dia Ọghẹnẹ rayen, kidie ayen cha vwẹ udu rayen ejobi rhivwi bru uvwe rhe.

Jerimaya 36:3

Siẹvo uwevwi ri Juda mi rhi nyo umiovwo mi roro kpahọ ri mi che ru ayen na, re ayen dohwo didjerhe umwemwu rọye da rhẹriẹ nu, me da vwẹ orukuruku vẹ imwemwu rayen ghovwo ayen.

Jerimaya 4:1

Ọ da dianẹ wo kurhẹriẹ, E Izrẹl, eriyin Ọrovwohwo tare, mẹvwẹ wo kurhẹriẹ bru rhe. Ọ da dianẹ wo si ẹgua wẹn nẹ obaro mẹ ru wọ gbe phariẹ-ẹ.

Izikiẹl 14:6

Fiki rẹ ọtiọye na gba ta kẹ uwevwi rẹ Izrẹl na, Enẹ Ọrovwohwo Ọghẹnẹ tare Kurhẹriẹ ru wo chuko ku ema wẹn na, rere wo si opharo wẹn nẹ emu rẹ ẹgua wẹn ejobi.

Izikiẹl 18:31

Siobọ nẹ ogbigbiru wẹn ejobi ru wo ru kpahe ovwẹ, wọ reyọ udu ọkpokpọ kẹ oma wẹn kugbe erhi ọkpokpọ! Die wọ di vwo ghwu, E uwevwi rẹ Izrẹl?

Hosia 14:1

Rhivwi, E Izrẹl, bru Ọrovwohwo Ọghẹnẹ wẹn kidie wọ kprowọ fiki rẹ orukuruku wẹn.

Matiu 15:8

Ihwo nana de vwẹ ọghọ rẹ unu diodi kẹ vwẹ, Yẹ udu rayen sheri kẹ vwẹ.

Matiu 4:10

Etiyin Jesu da ta kẹ nẹ, Wan nẹ obaro mẹ, Ẹdjo na; Kidie e siro nẹ, Ọrovwohwo Ọghẹnẹ ọye wo shiguẹ kẹ, ọye ọvo wo je ga.

Matiu 6:24

Ohwo sa ga inini ivẹ-ẹ, ọ da dia ọtiọye kọ dia avwebọ kẹ ọvo, ọ me rha dia avwiorọvwe kẹ ọrivẹ; eyẹ ko si kẹre ọvo ko sheri kẹ ọrivẹ; Wọ sa ga Ọghẹnẹ vẹ ẹdjọ kugbe-e.

Iyẹnrẹ Esiri ri Luk 4:8

Jesu da kpahe kẹ, E siro, Ọrovwohwo Ọghẹnẹ wẹn ọvo ọye wọ ga, ọye ọvo wo shiguẹ kẹ.

Iyẹnrẹ Esiri ri Jọn 4:24

Ọghẹnẹ hẹ erhi, otu re ga me ga vwẹ erhi vẹ uyota.

Urhi Rivẹ 10:20

Wọ Me djẹ oshọ rẹ Ọrovwohwo Ọghẹnẹ wẹn na; ọye wọ ga, ọye wọ gba oma mu, odẹ rọye wo vwo ve ive.

Urhi Rivẹ 13:4

Wa Me yan nene Ọrovwohwo rẹ ovwan na, wa Me djẹ oshọ yọnrọn irhi rọye, vwo nyo urhuru rọye, wa Me ga re wa je gba oma muo.

Urhi Rivẹ 4:29

Ẹkẹvuọvo ovwan da dia oboyi guọnọ Ọrovwohwo Ọghẹnẹ rẹ ovwan, ko wa cha mrẹ, ro wọ da vwẹ udu rẹ ovwan kugbe ẹnwẹn ejobi guọnọ.

Urhi Rivẹ 6:13

Wọ Me djẹ oshọ Ọrovwohwo Ọghẹnẹ wẹn na, ọye wọ cha ga, odẹ rọye wo che vwo ve.

Joshua 13:31

kugbe abọvo ri Gilead, kugbe Ashtarọt, vẹ Endrei, irere rẹ uvie rẹ Ọg vwi Bashan; enana keye a ghare ẹkẹnkẹn kẹ ihwo ri Maka ọmọ ri Manasse ra vwọ kẹ abọvo vwẹ ekru ri Maka kirobo rẹ ekru rayen epha.

Joshua 24:14

Asakiephana wa gba djẹ oshọ rẹ Ọrovwohwo, wa vwẹ evun esiri kugbe uyota vwọ ga, siobọ nẹ edjọ rẹ esẹ rẹ ovwan gọre vwẹ obo ovrẹn rẹ Urhie na, kugbe Ijipt, re wa ga Ọrovwohwo na.

Joshua 24:23

Ọ da ta, Vwẹ ọtiọye na we gbe ku edjọ erhorha na re hẹ ohri rẹ ovwan na kufia, re wa vwẹ udu kpotọ kẹ Ọrovwohwo na, Ọghẹnẹ rẹ Izrẹl.

Iguẹdjọ 10:16

Ọtiọye na ayen da kua edjọ erhorha na nẹ oma rayen kufia ayen da ga Ọrovwohwo na; ophu de muo fiki rẹ omẹnaghọ rẹ Izrẹl

Iguẹdjọ 10:6

Ihwo rẹ Izrẹl da rhoma ru emu omiomiovwi vwẹ obaro rẹ Ọrovwohwo na, ayen da gọ Baal kugbe Ashera, te edjọ ri Syria, edjọ ri Sidọn, edjọ ri Mọab, edjọ rẹ ihwo rẹ Ammọn, kugbe edjọ ri Philitia na; ayen da sen Ọrovwohwo na, ayen gbe ga-a.

Iguẹdjọ 2:11

Ihwo rẹ Izrẹl de ru emu umwemwu vwẹ obaro rẹ Ọrovwohwo ayen da ga Baal,

Iguẹdjọ 2:13

Ayen da sen Ọrovwohwo na, ayen da ga Baal kugbe Ashera.

1 Samuẹl 31:10

Ayen da ghwa ekuakua rẹ ofovwi rọye phihọ uwevwi rẹ Ashra; ayen de churu orivwi rọye si igbẹhẹ ri Bẹtshan.