1 Samuẹl 7:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Etiyin a da djẹ ihwo ri Filistia ayen gbe vwẹriẹ otọ rẹ Izrẹl ọfa-a. Obọ rẹ Ọrovwohwo da tua kpahe ihwo ri Filistia vwẹ ọke ri Samuẹl ejobi.

1 Samuẹl 7:13 ပူးပေါင်းရင်းမြစ်များ

2 Samuẹl 8:1

Ọna vwọ wan nu, Devid de phi ihwo ri Fiiistia kparobọ ọ ke ghwọrọ ogangan rẹ ayen; Devid da reyọ Metagamah mie ihwo ri Filistia.

Iguẹdjọ 13:1

Ihwo rẹ Izrẹl na da rhoma ru emu omiomiovwi vwẹ obaro rẹ Ọrovwohwo; Ọrovwohwo de phi ayen phihọ obọ rẹ Philistia ikpe ujuvẹ.

Iguẹdjọ 13:5

kidie karophihọ nẹ, wọ cha mrevun wo che vwiẹ ọmọshare. Wọ vwẹ anrẹn te uyovwi rọye-e, fikiridie ọmọ na Ojigbo rẹ Ọghẹnẹ nẹ evun rhe; kọye cha rhoma sivwi Izrẹl nẹ obọ rẹ Philistia.

Iguẹdjọ 8:28

Ọtiọye na a da vwẹ Midian vwo kpọtọ vwẹ obaro rẹ ihwo rẹ Izrẹl na, ayen gbe kpare uyovwi rẹ ayen kpenu ọfa-a. Otọ na de rovwoma ikpe ujuvẹ vwẹ ọke ri Gidiọn.

1 Samuẹl 12:11

Ọrovwohwo de ji Jerubbaal vi Barak, kugbe Jefta vi Samuel, ayen de sivwi ovwan nẹ obọ rẹ ivwighrẹ rẹ ovwan vwi kabọ kabọ; wa da dia vwẹ ufuoma.

1 Samuẹl 5:9

Ẹkẹvuọvo re vwo muo kpo etiyin nu, obọ rẹ Ọrovwohwo da tua kpahe ihwo rẹ orere na, ọ da jẹ uguegue phihọ ayen oma, ọ da vwa emiavwe mu ihwo rẹ orere na, te ighele te emare, irubeto da rhe varhe vwẹ ayen oma!