1 Samuẹl 7:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Etiyin Samuẹl da reyọ oragha o de vwo vi uvwre ri Mizpah vi Jẹshanah, o de se odẹ rọye Ẹbẹnizar, kidie ọ tare nẹ, Etinẹ na Ọrovwohwo da cha avwanre uko.

1 Samuẹl 7:12 ပူးပေါင်းရင်းမြစ်များ

Jẹnẹsis 22:14

Kọye Ebraham de se odẹ rẹ asan na Ọrovwohwo re sa kẹ: eriyin ọ epha rhi te nonẹ na, Vwẹ enu rẹ ugbenu rẹ Ọrovwohwo Etiyin a da mrẹ.

Jẹnẹsis 35:14

Jekọp da so agbada phihọ asan rọ vọye da ta ota na, agbada rẹ oragha, ọ da je udi kuo, o ki ji ku evwri kuo.

Une rẹ Ejiro 71:17

E Ọghẹnẹ, nẹ emọ rhe wẹ ri yono uvwe, ki mi ghwoghwo uruemu rẹ igbunu wẹn.

Une rẹ Ejiro 71:6

Wẹ me vwẹ oma rẹrẹ nẹ ọke re vwo vwiẹ vwẹ rhe; wọwẹ re reyọ ovwẹ nẹ evun rẹ oni mẹ rhe. Ejiro mẹ kọ wẹn ọ dia kọke kọke.

Ẹyano 17:15

Mosis da so agbada o de se odẹ rọye, Ọrovwohwo aphiana mẹ,

Aizaya 19:19

Vwẹ ẹdẹ yena ka cha so agbada kẹ Ọrovwohwo vwẹ uherevie re otọ rẹ Ijipt na, ka cha ma osusu kẹ Ọrovwohwo vwẹ ughwru rọye.

Iruo rẹ Iyinkọn na 26:22

Rhi te nonẹ na ọchuko ri mi vwori kẹ obọ rẹ Ọghẹnẹ o nurhe, kọye mi vwo mudia vwẹ etinẹ se oseri kẹ ọmọ te ọkpako, tanẹ ọ rha vrẹn emu ọfa-a vwọ nọ obo rẹ emraro na kugbe Mosis tare nẹ e cha phia;

2 Kọrẹnt 1:10

ọ rọ sivwi avwanre nẹ ukpokpogho rẹ ughwu rode na, ko ji sivwi avwanre; ọye me phiẹrọhọ nẹ ọ je rhoma sivwi avwanre.

Joshua 4:9

Joshua de mu ibieragha ihwivẹ na phihọ uherevie ri Jọdan, vwe asan re awọ re irherẹn re ghwa ekpeti rẹ ọphọ na mudia phihọ na, ayen ji hẹ etiyin rhi te nọne na.

1 Samuẹl 14:35

Sọl da so agbada kẹ Ọrovwohwo; ọye agbada rẹ ẹsosuọ rọ so kẹ Ọrovwohwo na.

1 Samuẹl 4:1

Ota ri Samuẹl de bru Izrẹl ejobi rhe. Asakiephana Izrẹl vi Filistia ki phiẹ ofovwi; ayen de mu erhọn phihọ Ebẹnezar ihwo ri Filistia de rhe mu erhọn phihọ Afẹk.

1 Samuẹl 5:1

Ọke rẹ ihwo ri Filistia vwo mu ekpeti rẹ Ọghẹnẹ na, ayen de muo nẹ Ebẹnezar kpo Ashdọd;

1 Samuẹl 7:11

Ihwo rẹ Izrẹl de vrẹn nẹ Mizpah ayen da vwọ tua ihwo ri Filistia, e de hwe ayen, rhiri re te Bẹtkar.