1 Samuẹl 7:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Ri Samuẹl vwọ torhẹ izobo na, ihwo ri Filistia de rhi bi ohọnre na te Izrẹl oma; ẹkẹvuọvo Ọrovwohwo da van ovan ọgangan ku ihwo ri Filistia o de phi ozighi phihọ ohri rayen; ayen da mrẹ Izrẹl djẹ.

1 Samuẹl 7:10 ပူးပေါင်းရင်းမြစ်များ

Une rẹ Ejiro 18:15

Etiyin ọva re he obotọ re ame da va phia, ichivwo rẹ akpọ na da fa phia, vwe ẹghwọ wẹn, E Ọrovwohwo, vwe aghworo re odju re inwe wẹn

Une rẹ Ejiro 29:3

Urhuru rẹ Ọrovwohwo ọ hẹ enu rẹ ame; Ọghẹnẹ rẹ urinrin na ra va, Ọrovwohwo vwe enu rẹ ame buebu.

Une rẹ Ejiro 29:4

Urhuru re Ọrovwohwo ọ vẹ ogangan urhuru rẹ Ọrovwohwo ọ vọnre vẹ ọrho.

Une rẹ Ejiro 78:66

O da nẹrhẹ ukọn rọye vadjẹ; ọ da vwẹ ọmaẹvuọ ri bẹdẹ kẹ ayen

Zekaraya 4:6

Etiyin ọ da ta kẹ vwẹ, Ọnana ota rẹ Ọrovwohwo ta kẹ Zerubabẹl: Ọdia ẹgba-a, yẹrẹ oganga-an, ẹkẹvuọvo Erhi Mẹ, Ọrovwohwo rẹ otuofovwi tarọ.

Urhi Rivẹ 28:7

Ọrovwohwo ko ru ivwighrẹ rẹ ovwan re vwọ so wẹ ejobi she; ayen cha wan idjerhe ọvo bru ovwan rhe ayen ke djẹ wan idjerhe ighwrẹ kpo.

Joshua 10:10

Ọrovwohwo da djẹ uguegue phihọ ayen oma vwẹ obaro rẹ Izrẹl, e de hwe ayen buebu vwi Gibeọn, a da djẹ ayen wan idjerhe rẹ ọghwrọrọ ri Bethọrọn e de hwe ayen rhiri re te Azekah vi Makedah.

Iguẹdjọ 4:15

Ọrovwohwo na da vwẹ ọlọkọ vẹn Sisira kugbe idjighere rọye ejobi vẹ otu ofovwi rọye ejobi vwẹ obaro ri Barak; Sisira de wotọ nẹ idjighere rọye ọ da vwe owọ djẹ yanran.

Iguẹdjọ 5:20

Isio rẹ obo odjuvwu da rhe họnre, ayen da rhe họnre Sisira.

Iguẹdjọ 5:8

Ọke rẹ ayen vwọ jẹn edjọ ekpokpọ reyọ, Etiyin ofovwi de rhi te inurhoro ka mrẹ ekpọfia eyẹ ishuẹ vwẹ ohri rẹ ihwo uriori ujuvẹ vwẹ evun rẹ Izrẹl na?

1 Samuẹl 12:17

Nonẹ na dia ọke orhọ rẹ oka-a Mi che se Ọrovwohwo rere ọ rhọ osio vẹ agbrara; ku wa riẹn ku wa mrẹ nẹ uvumwemwu rẹ ovwan ghine rho, ru we ruru vwẹ obaro rẹ Ọrovwohwo re wa vwọ nọ ekpẹn rẹ ovie kẹ oma rẹ ovwan.

1 Samuẹl 14:15

Uguegue da rhe ro evun rẹ ẹrhọn na, vwẹ evun rẹ udju, kugbe ohri rẹ ihwo na; unuofovwi na kugbe ihwo re rhe imu na ke phariẹ; otọ na de kpogho; o de rhi fi uguegue rode na.

1 Samuẹl 2:10

Ivwighrẹn rẹ Ọrovwohwo ejobi ka ghwọrọ ayen vworo vworo; enu kọ cha van ku ayen. Ọrovwohwo che guẹdjọ rẹ oba rẹ akpọ na; ọ cha vwẹ ogangan kẹ ivie rọye, ọ me rha kpare ogangan rẹ ọ rọ jẹreyọ na kpenu.

1 Samuẹl 7:11

Ihwo rẹ Izrẹl de vrẹn nẹ Mizpah ayen da vwọ tua ihwo ri Filistia, e de hwe ayen, rhiri re te Bẹtkar.