1 Samuẹl 6:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Die nẹrhẹ udu rẹ ovwan gan kirobo rẹ udu rẹ ihwo rẹ Ijipt kugbe Fero ganre? Ọke rẹ ayen vwọ mrẹ emu ọgangan nu ayen rhe siobọ nẹ ayen kpo, rẹ ayen de ghinẹ kpo?

1 Samuẹl 6:6 ပူးပေါင်းရင်းမြစ်များ

ỌBE RẸ JOB 9:4

Ọ ghware vwẹ udu, ọgba vwẹ ogangan, ono re ga udu rọye kpahọ, rọ da kparobọ?

Une rẹ Ejiro 95:8

Wo rhe vwo udu-u, kirobo rọ epha vwi Meriba, kere ẹdẹ ri Massa vwe evun re aghwa,

Ẹyano 10:3

Etiyin Mosis vẹ Erọn de bru Fero, ayen da ta kẹ, Enẹ Ọrovwohwo tare, Ọghẹnẹ ri Hibru, Mavọ o krite wọ vwọ sen nẹ wọ vwẹ oma kpotọ kẹ vwẹ-e? Jẹn ihwo mẹ kpo, rere ayen ra ga vwẹ.

Ẹyano 14:17

Ki mi che ru udu rẹ ihwo rẹ Ijipt na gan, rere ayen ruọ nene ayen ki mi vwo urinrin vwẹ enu ri Fero vẹ urogho rọye, vwẹ enu rẹ akpẹrẹ rọye, vẹ ihwo re gua iyesi rọye.

Ẹyano 14:23

Ihwo rẹ Ijipt na da vwọ tua ayen, ayen de nene ayen ro evun rẹ abadi na, iyesi ri Fero ejobi, akpẹre rọye, vẹ ihwo re gua iyesi rọye.

Ẹyano 4:21

Ọrovwohwo da ta kẹ Mosis, ọke wo de te obo Ijipti, wo mi ru emu rẹ igbunu na ejobi kẹ Fẹro mrẹ, e re me vwẹ ogagan rọye kẹ wẹ nẹ wo ru na. Ẹkẹvuọvo mi che ru udu rọyen gan, ọtiọye o rhe che siobọ nẹ ihwo na kpoo.

Ẹyano 7:13

Jẹ udu ri Fero je gan, ọ gbe je kerhọ raye-en kirobo rẹ Ọrovwohwo tare na.

Ẹyano 7:14

Etiyin Ọrovwohwo da ta kẹ Mosis, Udu ri Fero e ruro gan, ọ sẹnre nẹ ọye siobọ nẹ ibwo na kpo-o.

Ẹyano 8:15

Ẹkẹvuọvo ọke ri Fero vwọ mrẹ nẹ ufuoma hẹ otọ na re, udu rọye da rhoma gan, ọ rha kerhọ raye-en; kirobo rẹ Ọrovwohwo tare na.

Ẹyano 8:32

Ẹkẹvuọvo udu ri Fero je gan obọ nana rhe na, o gbi jẹn ihwo na kpo-o.

Ẹyano 9:16

Ẹkẹvuọvo fiki rẹ ọnana me vwọ yan ju we vwo vwẹ akpọ, rere e vwo dje ogangan mẹ kẹ wẹ, rere a vwẹ odẹ mẹ phia vwẹ akpọ na ejobi.

Ẹyano 9:34

Ẹkẹvnọvo ọke ri Fero vwọ mrẹ nẹ osio rẹ imicho na vẹ agbrara na daji nnre, ọ da rhoma ru umwemwu, o de ru udu rọye gan, te ọye vẹ idibo rọye.

Ọbe ri Pọl si rhe Ihwo ri Rom 2:5

Vwe evun rẹ udu rẹ ovwan na ovwan re koko abe kẹ oma rẹ ovwan vwẹ ẹdẹ ophu rọye vwẹ ọke rẹ ọvwata rẹ Ọghẹnẹ da cha vwẹ orhiebro rọye phia.

Hibru 3:13

Ẹkẹvuọvo ovwan bru ohwohwo uche kẹdẹ kẹdẹ, kirobo ri nonẹ kri te vwẹ akpọ na, rere ophiẹvwe rẹ umwemwu vwo jẹ udu rẹ ovwan eruo gan.