1 Samuẹl 6:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Ku wọ ma oma rẹ irubẹ wẹn kugbe oma re ighresi wẹn ri kpokpo otọ na, re wa vwẹ urinrin kẹ Ọghẹnẹ rẹ Izrẹl; ọkeọvo ko siobọ nu ovwan vẹ edjọ rẹ ovwan kugbe otọ rẹ ovwan.

1 Samuẹl 6:5 ပူးပေါင်းရင်းမြစ်များ

1 Ikun rẹ Ivie 16:28

Wa vwọ kẹ Ọrovwohwo, E uvwiẹ rẹ ihwo, wa vwọ kẹ Ọrovwohwo urinrin vẹ egba!

1 Ikun rẹ Ivie 16:29

Wa vwọ kẹ Ọrovwohwo urinrin ro fori kẹ odẹ rọye vwẹ izobo bro rhe, ru wọ yan bro rhe! Ga Ọrovwohwo na vẹ osẹnvwe ọfuanfon,

Une rẹ Ejiro 18:44

Ayen de ghwe nyo urhuru mẹ ke ayen mu ọghọ kẹ vwẹ erhorha ke gbanọ ovwẹ.

Une rẹ Ejiro 32:4

Te ason te uvo ọye obọ wẹn vwọ họhọ kẹ vwẹ; ogangan mẹ yamu kerẹ oheri vwẹ ọkeuvo.

Une rẹ Ejiro 39:10

Si ophiaphiẹ wẹn na nu vwe oma ro vwẹ fiki re ọche re obọ wẹn.

Une rẹ Ejiro 66:3

Ta kẹ Ọghẹnẹ, Mavọ iruemu wẹn mu udidi te! ọtiọye ogangan wẹn rho te rọ nẹrhẹ ivwighrẹ wẹn siẹ wunrhẹ vwẹ obaro wẹn

Ẹyano 12:12

Kidie me cha wan otọ rẹ Ijipt vrẹn vwẹ ason yena, ke me ghwiẹ emekpako rẹ otọ rẹ Ijipt ejobi hwe te ohwo te eranvwe, ke me vwẹ edjọ rẹ Ijipt ejobi guẹdjọ; Mẹvwẹ Ọrovwohwo na.

Ẹyano 8:17

Ayen de ru ọtiọye, Erọn da riẹn ọkpọ rọ obọ rọye phia, ọ da teye iwurhie rẹ otọ na, ishishi da rhe ro ihwo vẹ eranvwe; lwurhie rẹ otọ na ejobi da rhe vọn vẹ ishishi vwẹ evun rẹ otọ rẹ Ijipt na ejobi.

Ẹyano 8:24

Ọrovwohwo de ghinẹ ru ọtiọye; ekru rẹ iyẹn ride na da rhan ro uwevwi ri Fero vẹ iwevwi rẹ idibo rọye, vwẹ evun rẹ otọ rẹ Ijipt na ejobi iyẹn na da gnọghọ otọ na re.

Ẹyano 8:5

Ọrovwohwo na da ta kẹ Mosis, Ta kẹ Erọn, Riẹn obọ wẹn vẹ ọkpọ wẹn na phihọ irhie na, phihọ igbo na, phihọ etẹrhe na, rere wo se igoro rhe otọ rẹ Ijipt na.

Aizaya 19:1

Ona aroẹmrẹ kpahe Ijipt. Nighe, Ọrovwohwo rọ gua vughu vughu vwẹ ikoro ọ da rhe Ijipt, ema rẹ Ijipt ki che kpogho vwẹ obaro rọye, udu rẹ ihwo rẹ Ijipt ke cha wran vwẹ oma rayen.

Aizaya 42:12

Jẹn ayen vwẹ urinrin kẹ Ọrovwohwo, wo ghwoghwo ejiro rọye vwẹ erhuru na ejobi.

Jerimaya 13:16

Vwẹ urinrin kẹ Ọrovwohwo Ọghẹnẹ wẹn tavwe rọ ke vwẹ ebri rhe, tavwe rẹ awọ wẹn ke yẹghrẹn vwẹ igbenu rẹ urhukpẹ rẹ ovwọvwọn. Ri we ji vwo rhẹro rẹ uvo ọ me rhẹriẹ phihọ ebri o mi hirhe phihọ ebri rode.

Jerimaya 3:13

Takpe rhọvwe abe wẹn ri wo ru kpahe Ọrovwohwo Ọghẹnẹ wẹn re wo ru ẹse wẹn kẹ erhorha re hẹ otọ rẹ urhe ọkpokpọ na.

Joẹl 2:25

Ke Me cha rhan ikpe na rhivwi ikpe re igurube na vwọ ghwọrọ na, ebaka na, eghwọghọ na, emegbọ na unuofovwi mẹ rode na, ri mi ji rhe ohri rẹ ovwan na.

Jona 3:9

Ono sa riẹn sẹ Ọghẹnẹ sa rhẹriẹ nẹ ophu ọgangan ro muo na, rere avwanre vwo je ghwo?

Malakae 2:2

Wa gbe rha kerhọ-ọn, wa gbe vwẹ udu roro-o re wa da vwẹ urinrin kẹ odẹ mẹ-ẹ, eriyin Ọrovwohwo rẹ otuofovwi na tare, ke me cha harhe ovwan ekan ki mi che duvwu iyori phihọ ebruphihọ rẹ ovwan, uyota me tobọ harhe ovwan nure, kidie wa vwẹ udu rẹ ovwan roro-o.

Ukeri 33:4

vwẹ ọke rẹ ihwo rẹ Ijipt vwo shi emekpako rayen, rẹ Ọrovwohwo hweri vwẹ ohri rẹ ayen; kugbe edjọ rayen rẹ Ọrovwohwo ji brorhiẹ hwe.

Iyẹnrẹ Esiri ri Jọn 9:24

Ọtiọye ayen da rhoma se ọ ro rhuẹro jovwo na, ayen da ta kẹ, Gba vwẹ ejiro kẹ Ọghẹnẹ; avwanre riẹnre nẹ ohwo nana oruimwemwu.

Joshua 7:19

Etiyin Joshua da ta kẹ Ekan, Ọmọ mẹ, vwẹ urinrin kẹ Ọrovwohwo Ọghẹnẹ rẹ Izrẹl, rere wo jiro; gba ta kẹ vwẹ asakiephana obo wo ruru; wo sionẹ kẹ vwẹ-ẹ.

Ẹvwọphia 11:13

Vwẹ ọke yena otọ de mu kpogho gangan, ẹkẹne rẹ orere na de ghwie she; ihwo uriori ighwrẹ de ghwu vwẹ otọ ro kpoghori na, uguegue da ro i ri chekọ oma ayen da vwẹ urinrin kẹ Ọghẹnẹ rẹ Odjuvwu.

Ẹvwọphia 14:7

ọ da van gangan ta, Djẹ oshọ rẹ Ọghẹnẹ re a vwẹ urinrin kẹ kidie ọke rẹ ẹdjọeguo rọye tere; gọ ohwo rọ ma odjuvwu vẹ akpọ, abadi na kugbe igbugbu rẹ ame na.

Ẹvwọphia 16:9

ọrhorhorho rọye da ya ihwo mu, ayen ke harha Ọghẹnẹ rọ vwo vwo ogangan vwẹ enu rẹ ọtiekọ nana, yẹ ayen kurhẹriẹ re da vwẹ urinrin kẹ-ẹ.

1 Samuẹl 5:11

Ayen de ji ikọn re se ehọnvwọre ri Filistia ejobi koko, ayen da ta, E mu ekpeti rẹ Ọghẹnẹ rẹ Izrẹl na yanran, rere o rhivwi kpo asan rọye, rere o jẹ avwanre vẹ ihwo rẹ avwanre ehwe. Kidie uguegue rode rhe ro orere na ejobi oma. Obọ rẹ Ọrovwohwo pha tuatua vwẹ etiyin;

1 Samuẹl 5:9

Ẹkẹvuọvo re vwo muo kpo etiyin nu, obọ rẹ Ọrovwohwo da tua kpahe ihwo rẹ orere na, ọ da jẹ uguegue phihọ ayen oma, ọ da vwa emiavwe mu ihwo rẹ orere na, te ighele te emare, irubeto da rhe varhe vwẹ ayen oma!

1 Samuẹl 6:8

Gbe reyọ ekpeti rẹ Ọrovwohwo na re wo muo kpahe enu rẹ ẹkpẹre na, re wo phi oma rẹ oro ru wo ruru phihọ evun rẹ ekpeti rọ hẹ akakọ rọye, ru wo muẹ rhivwi rhe na rọ dia izobo rẹ abe. Gbe muo yanran, rere o kpo obo rọ ra.