1 Samuẹl 6:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ayen da ta, ọ da dianẹ ovwan vwẹ ekpeti rẹ Ọghẹnẹ rẹ Izrẹl na kpo, we vwo kpo ababọ-ọ, ẹkẹvuọvo a vwẹ izobo rẹ abe vwo nene. Ke sivwi ovwan, ovwan ke riẹn obo re sorọ rẹ obọ rọye vwo jẹ ovwan oma eno.

1 Samuẹl 6:3 ပူးပေါင်းရင်းမြစ်များ

ỌBE RẸ JOB 10:2

Me ta kẹ Ọghẹnẹ nẹ wo brẹhwe vwe-e; ju vwe riẹn obo re sorọ wọ vwọ họnra ovwẹ.

Ẹyano 23:15

Wa re orẹ rẹ ikara ro jephuo; kirobo ri mi ji urhi kẹ wẹ na, wọ re ikara ro jephuo ẹdẹ ighwrẹn vwẹ ọke re bru phihọ na vwẹ emeranvwe rẹ Abib, kidie vwẹ evun rọye wo vwo nẹ Ijipt rhe. Ohwo ọvuọvo cha vwẹ oma phia kẹ vwẹ ababọ-ọ.

Ẹyano 34:20

Ọmọ rẹ ekẹtẹkẹtẹ rẹ rẹsosuọ, wọ me vwẹ ọmọ rẹ ogodẹ tan hirhe, ọ da dianẹ wọ guọnetọ tan hirhe-e wo mi vwirhi ohọre rọye. Emekpako wẹn ejobi a tan ayen hirhe. We jẹ ọvuọvo bru vwe cha vẹ abọ diodi-i.

Ẹyano 8:15

Ẹkẹvuọvo ọke ri Fero vwọ mrẹ nẹ ufuoma hẹ otọ na re, udu rọye da rhoma gan, ọ rha kerhọ raye-en; kirobo rẹ Ọrovwohwo tare na.

Livitikọs 5:6

Kọ vwẹ izobo rẹ abe rọye vwọ rhe Ọrovwohwo fiki rẹ imwemwu ro ruru, ẹvwe aye eyẹ omogodẹ aye, kẹ ọye o vwo ze izobo rẹ umwemwu; orherẹn na kọ gọ ẹgua rẹ umwemwu rọye na no oma rọye.

Livitikọs 6:6

Kọ vwẹ emu re izobo rẹ abe rọye vwo rhe Orherẹn na ro ze kẹ Ọrovwohwo, egbo ro vwo eka-an vwẹ usun rẹ uchuru na, ro mu uwan rẹ izobo rẹ abe na,

Urhi Rivẹ 16:16

Asiarha ẹgbukpe eshare ejobi rẹ ovwan vwẹ oma phia kẹ Ọrovwohwo rẹ Ọghẹnẹ rẹ ovwan vwẹ asan rọ sanọre; vwẹ orẹ rẹ ikara ro jephuo, vwẹ orẹ rẹ ẹdidjala kugbe orẹ rẹ egarivi. Wa vwẹ abọ ofefe phia vwẹ obaro rẹ Ọrovwohwo-o;

1 Samuẹl 5:11

Ayen de ji ikọn re se ehọnvwọre ri Filistia ejobi koko, ayen da ta, E mu ekpeti rẹ Ọghẹnẹ rẹ Izrẹl na yanran, rere o rhivwi kpo asan rọye, rere o jẹ avwanre vẹ ihwo rẹ avwanre ehwe. Kidie uguegue rode rhe ro orere na ejobi oma. Obọ rẹ Ọrovwohwo pha tuatua vwẹ etiyin;

1 Samuẹl 5:7

Ọke rẹ ihwo rẹ Ashdọd rhe vwọ mrẹ obo rẹ emu na epha re, ayen da ta, ekpeti rẹ Ọghẹnẹ rẹ Izrẹl na vẹ avwanre gbe cha dia etinẹ-ẹ; kidie obọ rọye tua kpahe avwanre kugbe Dagọn ẹdjọ rẹ avwanre.

1 Samuẹl 5:9

Ẹkẹvuọvo re vwo muo kpo etiyin nu, obọ rẹ Ọrovwohwo da tua kpahe ihwo rẹ orere na, ọ da jẹ uguegue phihọ ayen oma, ọ da vwa emiavwe mu ihwo rẹ orere na, te ighele te emare, irubeto da rhe varhe vwẹ ayen oma!

1 Samuẹl 6:8

Gbe reyọ ekpeti rẹ Ọrovwohwo na re wo muo kpahe enu rẹ ẹkpẹre na, re wo phi oma rẹ oro ru wo ruru phihọ evun rẹ ekpeti rọ hẹ akakọ rọye, ru wo muẹ rhivwi rhe na rọ dia izobo rẹ abe. Gbe muo yanran, rere o kpo obo rọ ra.

1 Samuẹl 6:9

Gbe rhẹrẹ; ọ da ghene vwọ kpahe idjerhe kpo otọ rẹ obọ rọye, kpo Bẹt-shẹmẹsh, yẹ ọye re so emiavwe rode nana; ẹkẹvuọvo ọ rha dia ọtiọye-e, avwanre ke riẹn nẹ ọ dia ọye re vwẹ obọ fa avwanre-e, irhevwa diodi kọye phia kẹ avwanre na.