1 Samuẹl 6:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ O de hwe ihwo ri Bẹt-shẹmẹsh evo, fikiridie ayen ni evun rẹ ekpeti rẹ Ọrovwohwo na; o de hwe ihwo ujorha gbe ihwe vwẹ ohri rẹ ayen, ihwo na de mu oma phihọ fikiridie Ọrovwohwo hwe ihwo buebu vwẹ ohri rẹ ayen.

1 Samuẹl 6:19 ပူးပေါင်းရင်းမြစ်များ

2 Samuẹl 6:7

Ophu de mu Ọrovwohwo kpahe Uzza; Ọghẹnẹ da ghwiẹ etiyin kidie ọ vwẹ obọ rọye te ekpeti na; o de ghwu vwẹ etiyin vwẹ oma rẹ ekpeti rẹ Ọghẹnẹ na.

2 Ikun rẹ Ivie 25:21

Etiyin Joash ovie rẹ Izrẹl da yanran; te ọye te Amazaya ovie re Juda da rhe gbare oma vwẹ ofovwi vwi Bẹtshemesh, vwẹ otọ ri Juda.

Ẹyano 19:21

Ọrovwohwo da ta kẹ Mosis, Wotọ wọ ra ta kẹ ihwo na, ọ dia ọtiọye-e ayen me ra shariẹ ughwru na vrẹn re ni Ọrovwohwo ayen buebu da rhe ghwọrọ kufia.

Ẹyano 33:4

Ọke rẹ ihwo na vwo nyo iyẹnrẹn ọbrabra nana, ayen de muoma phihọ, ohwo ọvuọvo gbe ghwẹ ekuakua rẹ osẹvwe rọye phihọ-ọ.

Ukeri 1:51

Ọke rẹ ọgarivi na de che mu oyan, ihwo ri Livae na ye gbe muo; ọke ra da cha gba ọgarivi na phihọ, ihwo ri Livae na re gba phihọ. Ohwo ọfa de si kẹrẹ ke hwe ohwo yena.

Ukeri 4:15

Ọke rẹ Erọn vẹ emeshare rọye de rhurhu ẹshẹ na nu kugbe ekuakua rẹ ẹshẹ na ejobi nu, kirobo rẹ erhọn na de che mu oyan phihọ, rẹ emọ ri Kohat de mu enana ghwa nu, ẹkẹvuọvo ayen vwẹ obọ te ekuakua efuanfon na-a, ayen de rhe ghwu. Enana keye ekuakua rẹ utughẹ ra da vwa oma na rẹ emeshare ri Kohat cha ghwa na.

Ukeri 4:18

E jẹn a ghwọrọ ekru vẹ orua rẹ ihwo ri Kohat nẹ ohri rẹ ihwo ri Livae-e;

Ukeri 4:20

ẹkẹvuọvo wo jẹn ayen ra re ni ekuakua efuanfon na-a, siẹvo ki gbe fovwo ẹro no-o, ayen de rhe ghwu.

Urhi Rivẹ 29:29

Imu re djahere ejobi e rẹ Ọrovwohwo rẹ Ọghẹnẹ rẹ avwanre; ẹkẹvuọvo imu ra vwọ phia na ke rha ọ rẹ avwanre vẹ emọ rẹ avwanre bẹdẹ, rere avwanre vwọ yọnrọn eta rẹ urhi nana.

Kolose 2:18

We jẹ ohwo ọvuọvo brorhiẹ hwe ovwan vwẹ ota rẹ omaevwokpoto ofefe-e, kugbe emakashe ra ga-a, rere wa davwerhon rẹ ihwo ifefe ri mu oma kpenu-u,

1 Pita 4:17

Kidie ọke na tere rẹ ẹdjọeguo na che vwo muhọ vwẹ evwruwevwi rẹ Ọghẹnẹ re; ọ da dia avwanre o vwo muhọ, komavọ oba rẹ ayen otu ri mu ọghọ kẹ iyẹnrẹ esiri rẹ Ọghẹnẹ na-a cha dia?