1 Samuẹl 6:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Ọke rẹ ehọnvwọre iyori rẹ ihwo ri Filistia na vwọ mrẹ, ayen de rhivwi ẹdẹdẹ yena kpo Ekrọn.

1 Samuẹl 6:16 ပူးပေါင်းရင်းမြစ်များ

Joshua 13:3

(Nẹ Shihọr rọ he obaro ọnre re Ijipt, vwe obọhwere ọnre rhiri re te Ekron, e kere phihọ kẹ ihwo ri Kenan, isun iyori ihwo ri Filistia vwori, osun ri Gaza, Ashdọd, Ashkelọn, Gat, kugbe Ekron), ọ vẹ e re Avvim,

Iguẹdjọ 16:5

Etiyin ihwo ride ri Filistia da rhe ta kẹ aye na nẹ, Gha riẹriẹ, rere wọ riẹn asan rẹ ogangan rọye rode na epha, kugbe ogangan rẹ avwanre vwo muo, rere avwanre mrẹ asan rhe nyẹ muotọ gba; avwanre ọhwo ọvuọvo ke cha kẹ wẹ ibro rẹ igho efuanfon ujori uhwọvo.

Iguẹdjọ 3:3

Enana ẹgborho na: ehọnvwọnre iyori rẹ ihwo ri Filistia, kugbe ihwo ri Kenan na ejobi, kugbe ihwo ri Sidọn, kugbe ihwo ri Hiv re dia ugbenu rode ri Lẹbanọn, nẹ obo ugbenu rode ri Baal-hermọn re te asan ra wan ruọ Hamat.

1 Samuẹl 5:10

Etiyin ayen de mu ekpeti rẹ Ọghẹnẹ na kpo Ekrọn. Ẹkẹvuọvo ọke rẹ ekpeti rẹ Ọghẹnẹ mi rhi vwo te Ekrọn, ihwo rẹ Ekrọn de bunu, Ayen mu ekpeti rẹ Ọghẹnẹ rẹ Izrẹl bru avwanre rhe obonẹ re ọ rhi hwe avwanre vẹ ihwo rẹ avwanre.

1 Samuẹl 6:12

Irhuẹn na da ghwa yan phiọnphiọn kpo Bẹt-shẹmẹsh nene iro kprokpro ọvo na, ayen re kperẹ jẹ ayen yanran; ayen rhẹrioma kpo obọrhe eyẹ obọhwẹre-e, ehọnvwọre ri Filistia da vwo kpahe ayen rhiri re te ughwru ri Bẹt-shẹmẹsh.

1 Samuẹl 6:4

Ayen da ta, Didi oghẹre rẹ izobo rẹ abe avwanre vwo nene? Ayen da kpahe, Irubẹ rẹ oro iyori kugbe ighresi rẹ oro iyori, kirobo rẹ unu rẹ ehọnvwọre ri Filistia bute; kidie oghẹre rẹ emiavwe ọvuọvo na ri mu ovwan vẹ ehọnvwọre rẹ ovwan.