1 Samuẹl 6:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Ẹkpẹre na de rhi te udju ri Joshua ohwo ri Bẹt-shẹmẹsh, o de mudje vwẹ etiyin. Oragha rode ọvo hẹ etiyin; ayen da bẹre irhe rẹ ẹkpẹre na ayen da vwẹ irhuẹn na ze izobo rẹ ẹtorhẹ kẹ Ọrovwohwo.

1 Samuẹl 6:14 ပူးပေါင်းရင်းမြစ်များ

2 Samuẹl 24:18

Gad da rhe ẹdẹ yena bru Devid, ọ da ta kẹ, Yanran kpenu wọ tọn agbada phihọ kẹ Ọrovwohwo vwẹ asan uwevwi rẹ ewunye rẹ Araunah ohwo ri Jebu.

2 Samuẹl 24:22

Araunah da ta kẹ Devid, Jẹn ọrovwovwe reyọ rọ torhẹ izobo obo ro jere, irhuẹn vwọ torhẹ izobo na, vẹ ekpẹrẹ vẹ irhuẹn vwọ ghwa irhe kẹ ena.

2 Samuẹl 24:25

Devid da so agbada phihọ etiyin kẹ Ọrovwohwo, o de ze izobo rẹ ẹtorhẹ vẹ ọ rẹ ufuoma kẹ. Ọye Ọrovwohwo da rhọvwe orẹ vwọ kẹ otọ na, o de si ọga na nẹ Izrẹl.

1 Ivie 19:21

O de rhivwi jovwo, ọ da reyọ ekru rẹ irhuẹn na, o de hwe ayen, o de chere ekru rẹ irhuẹn na, ọ da vwẹ ayen kẹ ihwo na, ayen da re. Etiyin ọ de vrẹn o de nene Ilaija, o de gbe odibo kẹ.

Ẹyano 20:24

Agbada rẹ ekpẹn ọye wo so kẹ vwẹ kẹ enu rọye we de ze izobo rẹ ẹtorhẹ vẹ izobo rẹ ufuoma, igodẹ wẹn vẹ irhuẹn wẹn; vwi kasan kasan re me da tanẹ a karohọ odẹ mẹ ejobi ki mi bru uwe rhe ki mi bruba kẹ wẹ.

Iguẹdjọ 21:4

Vwẹ ẹdẹ rivẹ ihwo na da fobọ vrẹn, ayen da ra bọn agbada ọvo vwẹ oboyi, ayen de ze izobo ra torhẹre kugbe izobo rẹ ufuoma.

Iguẹdjọ 6:26

rere wọ so agbada ọvo kẹ Ọrovwohwo rẹ Ọghẹnẹ wẹn na vwẹ enu rẹ asan ọgangan na vwẹ etinẹ, rere wo mu ibieragha na kpahe ohwohwo; vwẹ asan rẹ agbada na epha jovwo na, re wọ reyọ erhuẹn rivẹ na vẹ urhe rẹ Ashera ru wo she ghwiotọ na vwo ze izobo ru torhẹre.

1 Samuẹl 11:5

Ọke yena Sọl re nẹ aghwa cha ọ vwọ kpahe irhuẹn na ukuko; Sọl da nọ, Die ri ruẹ ihwo na, rẹ ayen vwọ viẹ? Etiyin e de gbe ikun rẹ ovuẹ rẹ ihwo ri Jabesh na kẹ.

1 Samuẹl 20:29

ọ tare, Ju vwe kpo; kidie orua mẹ re ze izobo vwẹ obo orere, oniọvo mẹ da vuẹ rhe vwe nẹ me rhe. Asakiephana, ivun mẹ da vwerhe owẹ, gbe ju vwe yanran, re me ra mrẹ iniọvo mẹ. Fiki rẹ ọnana na ọ gbe sa rhe imẹjẹ rẹ ovie-e.

1 Samuẹl 6:13

Ọke yena ihwo ri Bẹt-shẹmẹsh ra kọrọ eka vwẹ evun rẹ iyara na; ọke rẹ ayen vwọ kparo mrẹ ekpeti na, ayen da ghọghọ rẹ ayen vwọ mrẹ.

1 Samuẹl 6:18

ji te ighresi rẹ oro na, kirobo rẹ unu rẹ irere rẹ ihwo ri Filistia epha rẹ ehọnvwọre iyori na vwori na, te irere ra gba ogba riariẹ kugbe eko ri jẹ ogba evwo. Oragha rode na, rẹ ayen mu ekpeti rẹ Ọrovwohwo kẹrẹ na, ji iseri rhi te nonẹ na vwẹ evun rẹ udju ri Joshua ohwo ri Bẹt-shẹmẹsh.