1 Samuẹl 5:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Etiyin ayen de ji ikọn re se ehọnvwọre ri Filistia ejobi koko, ayen da ta, Mavọ e ru ekpeti rẹ Ọghẹnẹ rẹ Izrẹl na? Ayen da kpahe, E jẹn e mu ekpeti rẹ Ọghẹnẹ rẹ Izrẹl na rhivwi kpo Gat. Etiyin ayen de mu ekpeti rẹ Ọghẹnẹ rẹ Izrẹl na rhivwi kpo oboyi.

1 Samuẹl 5:8 ပူးပေါင်းရင်းမြစ်များ

1 Ikun rẹ Ivie 7:21

Zabad rẹ ọmọ rọye, Shutlah rẹ ọmọ rọye kugbe Eza kugbe Elead, rẹ ihwo ri Gat re vwiẹri vwẹ otọ na hweri fikiridie ayen rhere rhi gborho irhuẹn rayen.

Emọs 6:2

Wanvrẹn kpo Kalneh, re wọ mrẹ, nẹ etiyin re wo kpo Hamat rode na, wo rhe kpo Gat ri Filistia. Ayen yovwi nọ uvie nana? Yẹrẹ ubrakpọ rayen rho nọ ubrakpọ rẹ ovwan?

Zekaraya 12:3

Vwẹ ẹdẹ yena mi che ru Jerusalẹm oragha ọhọhọ kẹ ihwo na ejobi; ihwo re kpaerọ ejobi ke wọma rayen brabra. Ẹgborho na ejobi ki che koko oma vwọ suọ.

Joshua 13:3

(Nẹ Shihọr rọ he obaro ọnre re Ijipt, vwe obọhwere ọnre rhiri re te Ekron, e kere phihọ kẹ ihwo ri Kenan, isun iyori ihwo ri Filistia vwori, osun ri Gaza, Ashdọd, Ashkelọn, Gat, kugbe Ekron), ọ vẹ e re Avvim,

Joshua 15:11

ughwru na de rhe duvwu rhue vwẹ asan eghwabọ re ugbenu rẹ Ekron, ughwru na de rhe gunu re te Shikkerọn, re te ugbenu ri Baalah, re duvwu rhue vwi Jahneel; ughwru na de rhi vwo oba vwẹ obo abadi na.

1 Samuẹl 17:4

Etiyin ọgba ọvo de nẹ erhọn rẹ ihwo ri Filistia rhe re se odẹ rọye Golayat, ri Gat, rẹ ugrogro rọye dia kubit esan gbe esabọ.

1 Samuẹl 17:52

Ihwo rẹ Izrẹl kugbe Juda de vrẹn va iroghwo ayen da vwọ tua ihwo ri Filistia na rhiri re te Gat vẹ ughere rẹ Ekrọn, ọtiọye na ihwo ra woma vwẹ usun rẹ ihwo ri Filistia na de she teye idjerhe nẹ Shaaraim rhiri re te Gat vẹ Ekrọn.

1 Samuẹl 29:6

Etiyin Akish de se Devid ọ da ta kẹ,, Kirobo rẹ Ọrovwohwo herọ na, wẹwẹ ohwo ọsoso, vwọ kẹ vwẹ me guọnọre nẹ wọ vẹ ovwẹ kanre edje rẹ ofovwi na; kidie me mrẹ obo re chọre vwẹ oma wẹn nẹ ẹdẹ wo vwo bru vwe rhe rhi te nonẹ na-a. Yẹ ẹkẹvuọvo na igbuyovwi na sen wẹ.

1 Samuẹl 5:11

Ayen de ji ikọn re se ehọnvwọre ri Filistia ejobi koko, ayen da ta, E mu ekpeti rẹ Ọghẹnẹ rẹ Izrẹl na yanran, rere o rhivwi kpo asan rọye, rere o jẹ avwanre vẹ ihwo rẹ avwanre ehwe. Kidie uguegue rode rhe ro orere na ejobi oma. Obọ rẹ Ọrovwohwo pha tuatua vwẹ etiyin;

1 Samuẹl 5:7

Ọke rẹ ihwo rẹ Ashdọd rhe vwọ mrẹ obo rẹ emu na epha re, ayen da ta, ekpeti rẹ Ọghẹnẹ rẹ Izrẹl na vẹ avwanre gbe cha dia etinẹ-ẹ; kidie obọ rọye tua kpahe avwanre kugbe Dagọn ẹdjọ rẹ avwanre.

1 Samuẹl 6:2

Ihwo ri Filistia de se irherẹn na kugbe eboepha na tanẹ, Kidie avwanre ru ekpeti rẹ Ọrovwohwo na? Ta kẹ avwanre kidie avwanre vwo suo kpo asan rọye?