1 Samuẹl 5:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Ọke rẹ ihwo rẹ Ashdọd rhe vwọ mrẹ obo rẹ emu na epha re, ayen da ta, ekpeti rẹ Ọghẹnẹ rẹ Izrẹl na vẹ avwanre gbe cha dia etinẹ-ẹ; kidie obọ rọye tua kpahe avwanre kugbe Dagọn ẹdjọ rẹ avwanre.

1 Samuẹl 5:7 ပူးပေါင်းရင်းမြစ်များ

2 Samuẹl 6:9

Oshọ rẹ Ọrovwohwo de rhi mu Devid vwẹ ẹdẹ yena, ọ da ta, Mavọ ekpeti rẹ Ọrovwohwo na se vwo bru vwe rhe?

1 Ikun rẹ Ivie 15:13

Fikiridie we muro ẹsosuọ-ọ, ọye Ọrovwohwo Ọghẹnẹ rẹ avwanre na vwo mu ophu kpahe avwanre, fikiridie ma vwẹ ẹro te kirobo rọ guọnọre-e.

Ẹyano 10:7

Idibo ri Fero da ta kẹ, Mavọ ohwo nana dia ufi kẹ avwanre krite? Jẹn ihwo na vwo ri kpo, rere ayen ra ga Ọrovwohwo Ọghẹnẹ rayen; wọ je mrẹ vughe nẹ Ijipt ejobi ghwrure?

Ẹyano 12:33

Ihwo rẹ Ijipt na ki bru ihwo na okpakpa, rere ayen vrẹn nẹ otọ na kpatakpata, kidie ayen tare, Avwanre na ejobi kẹ irivwi re.

Ẹyano 8:28

Ọtiọye na Fero da ta, Mi jẹn uwe kpo, re ze izobo kẹ Ọrovwohwo Ọghẹnẹ wẹn vwẹ evun rẹ aton; jokpa nẹ wa gbe yan sheri-i. Rẹ kẹ vwẹ.

Ẹyano 8:8

Etiyin Fero de se Mosis vẹ Erọn, ọ da ta, Wa rẹ Ọrovwohwo rere o si igoro na nẹ uvwe oma vẹ oma rẹ ihwo mẹ; ki mi siobọ nẹ ihwo na re ze izobo kẹ Ọrovwohwo.

Ẹyano 9:28

Rẹ Ọrovwohwo na, kidie osio rẹ imicho na vẹ agbrara na teri; mi jẹn uwe kpo, we gbi rhe mudia ọfa-a.

Jerimaya 46:25

Ọrovwohwo rẹ otuofovwi Ọghẹnẹ rẹ Izrẹl, tare nẹ: Nighe, mi che hwe Amọn ri Tibis, vi Fẹro, te Ijipt vẹ edjọ rọye kugbe ivie rọye, vwẹ enu ri Fẹro vẹ ihwo re vwẹ ẹro suọ.

Jerimaya 48:7

Kidie, fikirobo wa vwọ vwẹ ẹro so ogba ọgangan vẹ efe rẹ ovwan na, e ji che mu ovwan rhe; Chemosh ji che kpo imu rhe, te irherẹn rọye kugbe isun rọye.

1 Samuẹl 4:8

Ekan kẹ avwanre! Ono se sivwi avwanre nẹ ogangan rẹ edjọ ride nana? Enana edjọ re vwẹ oghẹre rẹ emiavwe buebu ghwọrọ ihwo rẹ Ijipt vwẹ evun rẹ aton na.

1 Samuẹl 5:6

obọ rẹ Ọrovwohwo da rhe tua kpahe ihwo rẹ Ashdọd, ọ da djẹ oshọ mu ayen ọ da vwẹ irubeto mu ayen, te Ashdọd vẹ aghwa rọye ejobi.

1 Samuẹl 5:8

Etiyin ayen de ji ikọn re se ehọnvwọre ri Filistia ejobi koko, ayen da ta, Mavọ e ru ekpeti rẹ Ọghẹnẹ rẹ Izrẹl na? Ayen da kpahe, E jẹn e mu ekpeti rẹ Ọghẹnẹ rẹ Izrẹl na rhivwi kpo Gat. Etiyin ayen de mu ekpeti rẹ Ọghẹnẹ rẹ Izrẹl na rhivwi kpo oboyi.

1 Samuẹl 6:20

Etiyin ihwo ri Bẹt-shẹmẹsh da ta, ono re sa hẹrhẹ Ọrovwohwo Ọghẹnẹ ọfuanfon nana? Kono avwanre muo rhe ro bi nẹ avwanre oma?