1 Samuẹl 5:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ obọ rẹ Ọrovwohwo da rhe tua kpahe ihwo rẹ Ashdọd, ọ da djẹ oshọ mu ayen ọ da vwẹ irubeto mu ayen, te Ashdọd vẹ aghwa rọye ejobi.

1 Samuẹl 5:6 ပူးပေါင်းရင်းမြစ်များ

Jẹnẹsis 41:31

ororo na a gbe karophihọ-ọ fiki re owẹvwe ọgangan ro che nene na, kidie ọ cha gan gangan.

ỌBE RẸ JOB 31:3

Ọ dianẹ uyovwemiovwo she vwa oruimwemwu, umiovwo ke rhe vwa otu ri ruẹ orukuruku?

Une rẹ Ejiro 145:20

Ọrovwohwo sẹro rayen otu re guọnerọ ejobi; ẹkẹvuọvo ihwo umwemwu ejobi ka ghwọrọ ayen.

Une rẹ Ejiro 147:6

Ọrovwohwo kpara ohwo re chiyi muotọ vrẹn, ọ vwẹ ohwo umwemwu phiotọ

Une rẹ Ejiro 32:4

Te ason te uvo ọye obọ wẹn vwọ họhọ kẹ vwẹ; ogangan mẹ yamu kerẹ oheri vwẹ ọkeuvo.

Une rẹ Ejiro 78:66

O da nẹrhẹ ukọn rọye vadjẹ; ọ da vwẹ ọmaẹvuọ ri bẹdẹ kẹ ayen

Ẹyano 9:3

nighe, obọ rẹ Ọrovwohwo na kọ che she tuatua vẹ ọtiekọ kpahe uchuru wẹn ri evun rẹ aghwa, iyesi na, ekẹtẹkẹtẹ na, kamẹl na, ekru rẹ irhuẹn, vẹ ekru rẹ igodẹ na.

Iruo rẹ Iyinkọn na 13:11

Asakiephana, nighe, Ọrovwohwo mu kpahe owẹ re, wo che rhuẹro wọ gbe cha sa mrẹ orẹ-ẹ. Siẹvuọvo na ubigho da ghwa kpahọ ẹro kọ guọnọ ohwo rọ yọnrọn obọ.

Urhi Rivẹ 28:27

Ọrovwohwo na cha vwẹ irubẹ rẹ Ijipt, kugbe ikpera vẹ okpe kugbe okpọ, rẹ ovwan se sivwi-i vwo mu ovwan.

1 Samuẹl 5:11

Ayen de ji ikọn re se ehọnvwọre ri Filistia ejobi koko, ayen da ta, E mu ekpeti rẹ Ọghẹnẹ rẹ Izrẹl na yanran, rere o rhivwi kpo asan rọye, rere o jẹ avwanre vẹ ihwo rẹ avwanre ehwe. Kidie uguegue rode rhe ro orere na ejobi oma. Obọ rẹ Ọrovwohwo pha tuatua vwẹ etiyin;

1 Samuẹl 5:7

Ọke rẹ ihwo rẹ Ashdọd rhe vwọ mrẹ obo rẹ emu na epha re, ayen da ta, ekpeti rẹ Ọghẹnẹ rẹ Izrẹl na vẹ avwanre gbe cha dia etinẹ-ẹ; kidie obọ rọye tua kpahe avwanre kugbe Dagọn ẹdjọ rẹ avwanre.

1 Samuẹl 5:9

Ẹkẹvuọvo re vwo muo kpo etiyin nu, obọ rẹ Ọrovwohwo da tua kpahe ihwo rẹ orere na, ọ da jẹ uguegue phihọ ayen oma, ọ da vwa emiavwe mu ihwo rẹ orere na, te ighele te emare, irubeto da rhe varhe vwẹ ayen oma!