1 Samuẹl 5:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ọke rẹ ihwo rẹ Ashdọd vwo vrẹn vwẹ irhiọke ride vwẹ ẹdẹ rivẹ, nighe, Dagọn she bọvwọ opharo rhuotọ vwẹ obaro rẹ ekpeti rẹ Ọrovwohwo na. Etiyin ayen da rhoma mu Dagọn phihọ asan rọ epha jovwo.

1 Samuẹl 5:3 ပူးပေါင်းရင်းမြစ်များ

1 Ivie 18:26

Ayen da reyọ erhuẹn na, ayen da va, ayen de se odẹ ri Baal nẹ irhiọke te oghẹruvo, tanẹ, E Baal nyo avwanre Ẹkẹvuọvo e nyo urhuru ọvuọvo-o, ohwo ọvuọvo nyori-i. Ayen de pho kreikrei riariẹ agbada rẹ ayen soro na.

Une rẹ Ejiro 115:7

Ayen vwo abọ, ẹkẹvuọvo ayen sa yọnra-an, awọ, ẹkẹvuọvo ayen sa ya-an, ayen sa vwẹ upho rayen ta ota-a.

Une rẹ Ejiro 97:7

Ihwo re gọ ema ejobi oma cha vo ayen, re vwe erharhe re ema vwọ yan eyan; ẹdjọ na ejobi shiguẹ vwẹ obaro rọye

Ẹyano 12:12

Kidie me cha wan otọ rẹ Ijipt vrẹn vwẹ ason yena, ke me ghwiẹ emekpako rẹ otọ rẹ Ijipt ejobi hwe te ohwo te eranvwe, ke me vwẹ edjọ rẹ Ijipt ejobi guẹdjọ; Mẹvwẹ Ọrovwohwo na.

Aizaya 19:1

Ona aroẹmrẹ kpahe Ijipt. Nighe, Ọrovwohwo rọ gua vughu vughu vwẹ ikoro ọ da rhe Ijipt, ema rẹ Ijipt ki che kpogho vwẹ obaro rọye, udu rẹ ihwo rẹ Ijipt ke cha wran vwẹ oma rayen.

Aizaya 40:20

Ohwo rọ dia ogbere ko jẹ izobo ke oma rọye, urhe ro je gbo, ọ me guọnọ omamọ rẹ ọwena rọ nabọ kare oma ro jẹ yan.

Aizaya 41:7

Ọwena na phi udu phihọ oduvwiro awọ, ohwo rọ vwẹ ubrogba teyan ọye sa riẹriẹ ọ ta kẹ ohwo ro gbe orhọnrhe nẹ, o yoma, a me vwẹ ubibe hwe re o je phieghe.

Aizaya 46:7

Ayen mi muo phahe igabọ, ayen mẹ ghwa, ayen me rhuẹrẹ phihọ asan o mi mudia, etiyin o sa yan nẹ asan rọ epha na-a, Ohwo de kperi se, o se nyo-o eyẹ o se sivwi oma rọye nẹ ukpokpogho-o.

Jerimaya 10:8

Ayen pha djidji gheghẹ, Uyono ra mrẹ nẹ oma rayen rhe gbe vrẹn urhe-e.

Zẹfanaya 2:11

Ọrovwohwo na cha vwẹ oshọ mu ayen, eriyin ọ cha vwẹ owẹvwe hwe edjọ rẹ otọ na, kọye ayen che shiguẹ kẹ, dohwo dasan rọye, etọ rẹ ẹgbọrho na ejobi.

Iyẹnrẹ Esiri ri Mak 3:11

Ọke rẹ irhi ri jẹfuọn vwọ mrẹ ayen de she vwọ hẹ obaro rọye kperi ta nẹ, wọwẹ hẹ ọmọ rẹ Ọghẹnẹ na.

1 Samuẹl 6:1

Ekpeti rẹ Ọrovwohwo na da dia orho rẹ ihwo ri Filistia na emeranvwe ighwrẹ.

1 Samuẹl 6:5

Ku wọ ma oma rẹ irubẹ wẹn kugbe oma re ighresi wẹn ri kpokpo otọ na, re wa vwẹ urinrin kẹ Ọghẹnẹ rẹ Izrẹl; ọkeọvo ko siobọ nu ovwan vẹ edjọ rẹ ovwan kugbe otọ rẹ ovwan.