1 Samuẹl 5:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Etiyin ayen de mu ekpeti rẹ Ọghẹnẹ na kpo Ekrọn. Ẹkẹvuọvo ọke rẹ ekpeti rẹ Ọghẹnẹ mi rhi vwo te Ekrọn, ihwo rẹ Ekrọn de bunu, Ayen mu ekpeti rẹ Ọghẹnẹ rẹ Izrẹl bru avwanre rhe obonẹ re ọ rhi hwe avwanre vẹ ihwo rẹ avwanre.

1 Samuẹl 5:10 ပူးပေါင်းရင်းမြစ်များ

2 Samuẹl 7:9

Me vẹ owẹ da herọ vwi kasan kasan wọ rare ejobi, Me da djẹ ivwighrẹ wẹn na we oma; Mi ru odẹ wẹn rho, kerẹ odẹ rẹ ihwo re rhoro vwẹ akpọ na.

Ivie rẹ Ivẹ 1:2

Ọke nana Ahazaya de fi wan ọdjẹvwe rẹ uvun rẹ egedege rọye rọ hẹ Sameria she, kọ hovwan; o de ji ikọn, ọ da ta kẹ ayen nẹ, Ovwan yanran, ovwan ra nọ vwẹ obọ rẹ Bẹlzibọb, ẹdjọ rẹ Ekrọn, sẹ mi se nẹ ọga nana.

1 Ikun rẹ Ivie 7:21

Zabad rẹ ọmọ rọye, Shutlah rẹ ọmọ rọye kugbe Eza kugbe Elead, rẹ ihwo ri Gat re vwiẹri vwẹ otọ na hweri fikiridie ayen rhere rhi gborho irhuẹn rayen.

Emọs 1:8

Ki mi bru ihwo re dia Ashdọd kufia, kugbe ohwo rọ rẹ uvie vwẹ Ashkẹlọn, ki mi gbekpae Ekrọn; umuku rọ chekọ vwi Filistia ko ghwu kufia, Ọrovwohwo Ọghẹnẹ na tarọ.

Emọs 6:2

Wanvrẹn kpo Kalneh, re wọ mrẹ, nẹ etiyin re wo kpo Hamat rode na, wo rhe kpo Gat ri Filistia. Ayen yovwi nọ uvie nana? Yẹrẹ ubrakpọ rayen rho nọ ubrakpọ rẹ ovwan?

Joshua 13:3

(Nẹ Shihọr rọ he obaro ọnre re Ijipt, vwe obọhwere ọnre rhiri re te Ekron, e kere phihọ kẹ ihwo ri Kenan, isun iyori ihwo ri Filistia vwori, osun ri Gaza, Ashdọd, Ashkelọn, Gat, kugbe Ekron), ọ vẹ e re Avvim,

Joshua 15:11

ughwru na de rhe duvwu rhue vwẹ asan eghwabọ re ugbenu rẹ Ekron, ughwru na de rhe gunu re te Shikkerọn, re te ugbenu ri Baalah, re duvwu rhue vwi Jahneel; ughwru na de rhi vwo oba vwẹ obo abadi na.

Joshua 15:45

Ekrọn, vẹ irho rọye vẹ eko rayen,

Iguẹdjọ 1:18

Juda da je reyọ Gaza kugbe otọ rọye ejobi, kugbe Ashkẹlọn kugbe otọ rọye, kugbe Ekrọn vẹ otọ rọye.

1 Samuẹl 17:52

Ihwo rẹ Izrẹl kugbe Juda de vrẹn va iroghwo ayen da vwọ tua ihwo ri Filistia na rhiri re te Gat vẹ ughere rẹ Ekrọn, ọtiọye na ihwo ra woma vwẹ usun rẹ ihwo ri Filistia na de she teye idjerhe nẹ Shaaraim rhiri re te Gat vẹ Ekrọn.

1 Samuẹl 5:11

Ayen de ji ikọn re se ehọnvwọre ri Filistia ejobi koko, ayen da ta, E mu ekpeti rẹ Ọghẹnẹ rẹ Izrẹl na yanran, rere o rhivwi kpo asan rọye, rere o jẹ avwanre vẹ ihwo rẹ avwanre ehwe. Kidie uguegue rode rhe ro orere na ejobi oma. Obọ rẹ Ọrovwohwo pha tuatua vwẹ etiyin;

1 Samuẹl 5:9

Ẹkẹvuọvo re vwo muo kpo etiyin nu, obọ rẹ Ọrovwohwo da tua kpahe ihwo rẹ orere na, ọ da jẹ uguegue phihọ ayen oma, ọ da vwa emiavwe mu ihwo rẹ orere na, te ighele te emare, irubeto da rhe varhe vwẹ ayen oma!

1 Samuẹl 6:1

Ekpeti rẹ Ọrovwohwo na da dia orho rẹ ihwo ri Filistia na emeranvwe ighwrẹ.