1 Samuẹl 4:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Ekan kẹ avwanre! Ono se sivwi avwanre nẹ ogangan rẹ edjọ ride nana? Enana edjọ re vwẹ oghẹre rẹ emiavwe buebu ghwọrọ ihwo rẹ Ijipt vwẹ evun rẹ aton na.

1 Samuẹl 4:8 ပူးပေါင်းရင်းမြစ်များ

Ẹyano 15:14

Ihwo na nyori, ayen kpoghori; Anegbe da ra teye ihwo ri Filistia.

Ẹyano 7:5

Ihwo rẹ Ijipt na ke cha riẹn nẹ Mẹvwẹ ọye Ọrovwohwo vwẹ ọke rẹ me da vwẹ ogagan mẹ vwọ phia kẹ ayen, ke me reyọ ihwo rẹ Izrẹl nẹ ohri rayen rhe.

Ẹyano 9:14

Kidie vwẹ ọke nana me cha vwẹ ọtiekọ mẹ ejobi teyọ udu wẹn, te idibo wẹn, vẹ ihwo wẹn, rere wọ vwọ riẹn nẹ ohwo ọvuọvo rọ họhọ ovwẹ vwẹ otọ rẹ akpọ na herọ-ọ.

Ẹvwọphia 11:6

Ayen vwo ogangan ra vwọ kanre obenu na gbe, rere osio vwo jẹ rhọ vwẹ ẹdẹ rẹ aroẹmrẹ rayen, ayen ji vwo ogangan ra vwọ rhẹriẹ ame phihọ ọbara, rẹ ayen vwọ vwẹ ọtiekọ kọtiekọ hwe akpọ na, phẹrephẹre kirobo rẹ ayen guọnọre.

1 Samuẹl 4:7

oshọ de mu ihwo ri Filistia kidie ayen tare nẹ, eghẹnẹ na rhe obo erhọn na re. Ayen da ta, Ekan kẹ avwanre! Kidie emu ọtiọna je phia dẹvo-o.

1 Samuẹl 4:9

We yivwaro, we ru oma kerẹ eshare E Filistia, ovwan da rhe dia eviẹn rẹ ihwo ri Hibru kirobo rẹ ayen epha kẹ ovwan; we dje oma kerẹ eshare rere wa họnre.

1 Samuẹl 5:7

Ọke rẹ ihwo rẹ Ashdọd rhe vwọ mrẹ obo rẹ emu na epha re, ayen da ta, ekpeti rẹ Ọghẹnẹ rẹ Izrẹl na vẹ avwanre gbe cha dia etinẹ-ẹ; kidie obọ rọye tua kpahe avwanre kugbe Dagọn ẹdjọ rẹ avwanre.