1 Samuẹl 4:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Ọke rẹ ekpeti rẹ ọphọ rẹ Ọrovwohwo na rhi vwo te evun rẹ erhọn na, Izrẹl ejobi de mu kperi gangan, ọtiọye na otọ na de kpogho.

1 Samuẹl 4:5 ပူးပေါင်းရင်းမြစ်များ

2 Samuẹl 15:24

Abiata da rhe, nighere, Zadọk kugbe ihwo ri Livae ejobi vọye he usun, ayen de mu ekpeti rẹ ọphọ rẹ Ọghẹnẹ na; ayen de mu ekpeti rẹ ive rẹ Ọghẹnẹ na te otọ, bẹsiẹ rẹ ihwo na ejobi rhe vwọ yan nẹ orho na re.

1 Ivie 1:40

Ihwo na ejobi de tue nene, ri hworo urephe, re ghọghọ gangan, ọtiọye na edo rayen da bẹre otọ na.

ỌBE RẸ JOB 20:5

nẹ aghọghọ rẹ ohwo umwemwu pha krẹkrẹ, nẹ aghọghọ rẹ ohwo rọ riẹn Ọghẹnẹ-ẹ tọ-ọn?

Jerimaya 7:4

Wo se eta rẹ ephiẹvwẹ nana gbuyota-a: Ọnana uwevwi rẹ Ọrovwohwo, uwevwi rẹ Ọrovwohwo na, uwevwi rẹ Ọrovwohwo na.

Emọs 6:3

E wẹ ro bie ẹdẹ umwemwu kpo obaro, wo mi rhe si agbara rẹ ozighi kẹrẹ?

Maika 2:11

Ohwo de vrẹn kpo otafe ra ta eta ifefe vẹ efian, tanẹ, me ta ota rẹ udi vẹ udi ọgangan kẹ ovwan, kọye re cha ta ota kẹ ihwo nana.

Joshua 6:20

Ọtiọye na ihwo na de kuvwie, e de hworo ewanre na. Rẹ ihwo na ghwe vwo nyo umri rẹ ewanre na, ihwo na ejobi de ghwe kuvwie ghwrọrọrọ, igbẹhẹ na de ghwe ghwie she re kpae, ihwo na da ghwa họrhọ ro evun rẹ orere na, ohwohwo vwọ kpahe ohwo, ayen da reyọ orere na.

Joshua 6:5

Ọke re ayen de hworo ighoro rẹ egbo na re ayen de dje ofu krekri, re ovwan de ghwe nyo edo rẹ owanre na, etiyin ihwo na ejobi ki mu kuvwie; igbẹhẹ ri Jeriko na ko che ghwie she totọ, ihwo na ọvuọvo ke cha vẹn ruọ.

Iguẹdjọ 15:14

Ọke ro vwo te Lẹhi, ihwo rẹ Filistia de kuvwie bro rhe; etiyin Erhi rẹ Ọrovwohwo de muo gangan irihrẹ ra vwo gba abọ na kẹ lẹ tutu kerẹ emu ra vwẹ erhanrẹ torhẹ, irihrẹ na da rha nẹ abọ ghwrọnrọn she phihọ otọ.

1 Samuẹl 4:6

Ọke ri Filistia vwo nyo edo rẹ ekperẹ na, ayen da ta, ọna didi ekpere rhe nẹ erhọn rẹ ihwo ri Hibru na cha? Ọke rẹ ayen vwo nyo nẹ ekpeti rẹ Ọrovwohwo na rhi te erhọn na re,