1 Samuẹl 4:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Etiyin ihwo na de ji ikọn kpo Shiloh, ayen de re mu ekpeti rẹ ọphọ rẹ Ọrovwohwo rẹ ofuofovwi na rhe, ro tidia ekete vwẹ enu ri chẹrobim; emeshare rẹ Eli ivẹ na, Hofni vẹ Finihas, vẹ ekpeti rẹ ive rẹ Ọghẹnẹ na vwẹ etiyin.

1 Samuẹl 4:4 ပူးပေါင်းရင်းမြစ်များ

2 Samuẹl 15:24

Abiata da rhe, nighere, Zadọk kugbe ihwo ri Livae ejobi vọye he usun, ayen de mu ekpeti rẹ ọphọ rẹ Ọghẹnẹ na; ayen de mu ekpeti rẹ ive rẹ Ọghẹnẹ na te otọ, bẹsiẹ rẹ ihwo na ejobi rhe vwọ yan nẹ orho na re.

2 Samuẹl 6:2

Devid de vrẹn ọ vẹ ihwo na ejobi da yan kpo Baale-juda, ra reyọ ekpeti rẹ Ọghẹnẹ ra vwẹ odẹ rẹ Ọrovwohwo rẹ otuofovwi se ro tidia enu ri chẹrobim.

Ivie rẹ Ivẹ 19:15

Hẹzikaya da nẹ ẹrhovwo vwẹ obaro rẹ Ọrovwohwo na, ọ da ta, E Ọrovwohwo Ọghẹnẹ rẹ Izrẹl,– tidia ekete vwẹ ohri rẹ chẹrobim, Wọwẹ ọvo ọye Ọghẹnẹ rẹ ivie rẹ akpo na ejobi; We re ma odjuvwu vẹ akpo.

Une rẹ Ejiro 80:1

Kerhọn, E Osuigegede rẹ Izrẹl, wọwẹ rọ sun Josẹf kerẹ ekru rẹ igodẹ! Wọwẹ rọ tidia ekete vwẹ enu ri chẹrobim, gbe lo phia.

Une rẹ Ejiro 80:2

vwẹ obaro re Ifrem, vi Bẹnjamin kugbe Manasse! Kpare egba wẹn kpenu, ru wọ yanrhe rhi Sivwi avwanre!

Une rẹ Ejiro 99:1

Ọrovwohwo na ria uvie, jẹn ihwo na phariẹ! O tidia phihọ ekete rọ hẹ enu ri cherubim, jẹn akpọ na kpogho!

Aizaya 37:16

E Ọrovwohwo rẹ otuofovwi na, Ọghẹnẹ rẹ Izrẹl, wẹ ro tidia ekete vwẹ obenu ri chẹrobim, wọwẹ Ọghẹnẹ na; wẹ ọvo sogono, vwẹ usun rẹ ivie rẹ akpọ na; wẹ re ma odjuvwu vẹ akpọ.

Malakae 1:9

Asakiephana gba guọnọ aroesiri rẹ Ọghẹnẹ, rere o ni arodọvwẹ rẹ avwanre. Wa da vwẹ emu ọtiọye na yọnrọn obọ rhe ko ni arodọvwẹ rẹ ovwan we roro? eriyin Ọrovwohwo rẹ otuofovwi na tare.

Ukeri 4:15

Ọke rẹ Erọn vẹ emeshare rọye de rhurhu ẹshẹ na nu kugbe ekuakua rẹ ẹshẹ na ejobi nu, kirobo rẹ erhọn na de che mu oyan phihọ, rẹ emọ ri Kohat de mu enana ghwa nu, ẹkẹvuọvo ayen vwẹ obọ te ekuakua efuanfon na-a, ayen de rhe ghwu. Enana keye ekuakua rẹ utughẹ ra da vwa oma na rẹ emeshare ri Kohat cha ghwa na.

Ukeri 4:5

Ọke rẹ erhọn na de che mu oyan, Erọn vẹ emeshare rọye ke ra ro evun rọye ra ghwiẹ oga ra vwọ gharọ na, ayen mi vwo rhurhu ekpeti rẹ iseri na.

Ukeri 7:89

Ọke ri Mosis vwọ ro evun rẹ utughẹ ra da vwa oma na ra ta ota kẹ Ọrovwohwo, o de nyo urhuru rọ ta ota kẹ nẹ obenu rẹ akpanurhe rẹ arodọvwẹ rọ hẹ enu rẹ ekpeti rẹ iseri na, vwẹ uvwre ri chẹrobim ivẹ na; ọda ta ota kẹ.

1 Samuẹl 1:24

Ọke ro vwo brevie nu, o de muo, ọ da reyọ erhuẹn ọshare rẹ ikpe erha, iputusẹ rẹ ọka ra nọre, kugbe ọgọ rẹ udi; ọ da reyọ rhe uwevwi rẹ Ọrovwohwo vwi Shiloh; yẹ ọmọ na je hẹ omotete.

1 Samuẹl 14:3

Ahijah rẹ ọmọ rẹ Ahitub, oniọvo rẹ Ikabod, rẹ ọmọ ri Finihas, rẹ ọmọ rẹ Eli, orherẹn rẹ Ọrovwohwo vwi Shiloh, o de ku ibuluku phihọ. Ihwo na rha riẹn nẹ Jonatan yanra-an.

1 Samuẹl 2:22

Asakiephana Eli ghworo gangan, o de nyo obo rẹ emọ rọye ruẹ vwẹ Izrẹl ejobi, obo rẹ ayen vẹ eya ri gbe odibo vwẹ anurhoro rẹ utughẹ ra da vwa oma na shẹvwerhẹ.