1 Samuẹl 4:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Ro ghwe vwo se odẹ rẹ ekpeti rẹ Ọghẹnẹ na, Eli de ghwe she kpo obuko nẹ aga ro tidia na rọ hẹ oma rọ anurhoro na; o de vwirhi ohọre o de ghwu, kidie ọmare o ruẹ, yọ vẹ ọnyẹ. O guẹdjọ rẹ Izrẹl ikpe ujuvẹ.

1 Samuẹl 4:18 ပူးပေါင်းရင်းမြစ်များ

Une rẹ Ejiro 26:8

E Ọrovwohwo, me guọnọ asan re uwevwi wẹn epha kugbe asan rẹ urinrin wẹn dia.

Une rẹ Ejiro 42:10

Kerẹsiẹ re okpora da dia oma mẹ, ukọn mẹ na ke vwẹ ovwẹ jehwẹ, ye ayen ta kẹ vwẹ kọke kọke nẹ Tivọ Ọghẹnẹ wẹn epha?

Une rẹ Ejiro 42:3

Oviẹ mẹ ọye he emuọre mẹ te ason te uvo, ye ihwo ra ta kẹ vwẹ kọke ne, Tivọ Ọghẹnẹ wẹn epha?

Une rẹ Ejiro 69:9

Kidie oruru rẹ erhuvwu rẹ uwevwi wẹn mu vwe rọ, ekan rẹ ayen otu re harhe owẹ mẹvwẹ i she teye.

Livitikọs 10:3

Etiyin Mosis da ta kẹ Erọn nẹ, Ọnana obo rẹ Ọrovwohwo tare, Mi dje oma mẹ phia fuanfon vwẹ ohri rẹ ihwo ri si kẹrẹ ovwẹ, kugbe obaro rẹ ihwo ejobi a da vwẹ urinrin kẹ vwẹ. Erọn de fotovwi gbiẹi.

Iguẹdjọ 15:20

O de guẹdjọ rẹ Izrẹl ikpe uje vwẹ ọke rẹ ihwo ri Filistia.

1 Samuẹl 4:13

Rọ vwọ rhe, Eli tidia aga rọye vwẹ oma rẹ idjerhe rọ rhẹrẹ, kidie udu re bro fiki rẹ ekpeti rẹ Ọghẹnẹ na. Ọke rẹ ohwo na vwo te orere na rhe nẹ iyẹnrẹn, orere ejobi de mu kperi.

1 Samuẹl 4:17

Ohwo rọ ghwa iyẹnrẹn nana rhe da ta, Izrẹl mrẹ Filistia djẹ, Ihwo buebu ọye ehweri vwẹ ohri rẹ ihwo na; emọ wẹn ivẹ na rhe, Hofni kugbe Finihas, ighwuru, ekpeti rẹ Ọghẹnẹ na e muro reyọ.

1 Samuẹl 4:19

Asakiephana aye rẹ ọmọ rọye aye ri Finihas, yọ mrevun, kọ chuẹ uvwiẹ. Ro vwo nyo ikun nẹ e mu ekpeti rẹ Ọghẹnẹ na, nẹ ọsorọvwe rọye vẹ ọshare rọye ghwuru, o ghwe, gbe uyovwi hẹ otọ o de vwiẹ; kidie evun rẹ uvwiẹ muro.