1 Samuẹl 4:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Ọtiọye ihwo ri Filistia na da họnre, ayen da kparobọ, Izrẹl da djẹ, dohwo duwevwi rọye da ra; e de hwe ihwo buebu, ihwo ri ghwuru vwẹ Izrẹl ẹdẹ yena da dia uriori ọgban rẹ ihwo re vwẹ owọ yan.

1 Samuẹl 4:10 ပူးပေါင်းရင်းမြစ်များ

2 Samuẹl 18:17

Ayen de mu Absalọm phihọ ọgọdọ rode vwẹ evun rẹ egbo, ayen da vwẹ eragha ma osusu rhurhu, Ihwo rẹ Izrẹl ejobi dohwo duwevwi rọye da djẹ ra.

2 Samuẹl 18:7

Idibo ri Devid de hwe ihwo rẹ Izrẹl, ihwo re hweri da dia uriori uje.

2 Samuẹl 19:8

Etiyin ovie de vrẹn o de tidia anurhoro. A da ta kẹ ihwo ejobi nẹ, Nighere, ovie tidia anurhoro ihwo na ejobi da rhe obaro rẹ ovie. Kidie Izrẹl ejobi dohwo duwevwi rọye djẹ ra.

2 Samuẹl 20:1

Asakiephana orharhe rẹ ohwo ọvo da herọ, re se Sheba, ọmọ Bichri ohwo ri Bẹnjamin; o de hworo owanre ọ da ta, Avwanre vwo ẹkẹ vwi Devidi-i, avwanre vwo uku vwẹ ọmọ ri Jesse-e; dohwo dutughẹ rọye ra, E Izrẹl.

1 Ivie 12:16

Ọke rẹ Izrẹl ejobi vwọ mrẹ nẹ ovie na rha davwerhọ raye-en, ihwo na da kpahe kẹ ovie na, Didi ẹkẹn ri te avwanre vwẹ oma ri Devid? Avwanre vwo uku vwẹ oma rẹ ọmọ ri Jesse-e. ọ vuẹ uwevwi rọye ra, E Izrẹl, Gbe sun uwevwi wẹn ri Devid, na ọvo Ọtiọye na Izrẹl de kpo uwevwi rayen.

1 Ivie 22:36

Rẹ ọnre vwo she re e de kudje se unuofovwi na, Dohwo dorere rọye da ra, dohwo dorho rọye da ra.

Ivie rẹ Ivẹ 14:12

Izrẹl de phi Juda kparobọ, eshare na dohwo durhuẹn rọye da djẹ ra.

2 Ikun rẹ Ivie 13:17

Abijah vẹ ihwo rọye de hwe ayen ehwe rode gangan; ọtiọye na ihwo rẹ Izrẹl re hweri ri sheri da dia uriori ujori iyori rẹ ihwo ra sanọre.

2 Ikun rẹ Ivie 25:22

Izrẹl de phi Juda kparobọ, dohwo duwevwi rọye da djẹ ra.

Une rẹ Ejiro 78:9

Ihwo rẹ Ifrem, re vwẹ umurhabọ choma, ayen de chuko ku vwẹ ẹdẹ rẹ ofovwi.

Jerimaya 7:12

Ke yanran kpo ẹdia mẹ rọ hẹ Shiloh, asan rẹ odẹ mẹ diare vwẹ ẹsosuọ, re wa mrẹ obo mi ruro fiki rẹ orukuruku rẹ ihwo mẹ Izrẹl.

Livitikọs 26:17

ki mi che hirhe opharo mẹ ku ovwan, ivwighrẹn rẹ ovwan ke vwẹ ovwan chiyi awọ; ihwo ri mu kpahe ovwan ki che sun ovwan, ke ovwan che muẹ dje ye ohwo ọvuọvo djẹ ovwa-an.

Urhi Rivẹ 28:15

Ẹkẹvuọvo ọ da dianẹ ovwan rhe nyo urhuru rẹ Ọrovwohwo rẹ Ọghẹnẹ rẹ ovwan na eyẹ vwẹ oma kpotọ vwọ yọnrọn irhi rọye ejobi vẹ ẹgha rọye ri mi ji urhi rọye kẹ ovwan nonẹ na-a, ekan nana ejobi ki bru ovwan rhe ke je vwa ovwan.

Urhi Rivẹ 28:25

Ọrovwohwo kọ nẹrhẹ ivwighrẹ rẹ ovwan phi ovwan kparobọ; ovwan da vwọ so ayen vwẹ idjerhe ọvo, idjerhe ighwrẹ kọye ovwan djẹ wan kpo; ovwan ke dia utuoma kẹ ivie rẹ akpọ na ejobi.

1 Samuẹl 3:11

Etiyin Ọrovwohwo da ta kẹ Samuel, Nighe, mi che ru emu vwẹ lzrẹi na, rẹ erhọn rẹ ohwo kohwo ro nyoro ko che shegbe.

1 Samuẹl 4:2

Ihwo ri Filistia vẹ Izrẹl da rhe karedje rẹ ofovwi, ọke re vwo mu ofovwi na dje ihwo ri Filistia da djẹ Izrẹl, e de hwe ihwo rẹ ayen oma rẹ uriori ẹne vwẹ obo unuofovwi na.