1 Samuẹl 31:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Ọke rẹ ihwo rẹ Izrẹl rẹ hẹ abọ oboyi rẹ iyara na kugbe e re hẹ abọ oboyi ri Jọdan vwọ mrẹ nẹ ihwo rẹ Izrẹl djẹrẹ nẹ Sọl vẹ emeshare rọye ghwuru, ayen da vẹn jẹ irere rayen vwo ayen da djẹ; ihwo ri Filistia da kua rhe re dia ayen.

1 Samuẹl 31:7 ပူးပေါင်းရင်းမြစ်များ

Livitikọs 26:32

Ki mi che miovwi otọ na, rere ivwighrẹ re ovwan re dia vwẹ otọ na o vwo se gbe ayen unu.

Livitikọs 26:36

Ovwan otu ra kua chekọ vwe otọ na, oma ko che bruro ovwan vwẹ otọ rẹ ivwighrẹ re ovwan na, edo re ọbe rẹ odju djuẹ ghevweghe kọ nẹrhẹ ayen mu onẹ dje, ke ayen cha djẹ kere ihwo ra vwe ọlọkọ vwọ tua, ke ayen che muẹ she ghwiotọ yẹ ohwo ovuọvo vwọ tua aye-en.

Urhi Rivẹ 28:33

Ẹgborho ru wo vugherei-i cha re emamọ rẹ otọ wẹn vẹ owia rọ wọ wianre ejobi; ke shenyẹ wẹ guọghọ owẹ te otọ kọke kọke;

Iguẹdjọ 6:2

Midian de phi Izrẹl kparobọ, ifiki ri Midian na ihwo rẹ Izrẹl da ra tọn inu phihọ evun rẹ igbenu ride na kugbe evun rẹ emwa kugbe asan egangan kokoroko vwọ kẹ oma rẹ ayen ọvo.

1 Samuẹl 13:6

Ọke rẹ ihwo rẹ Izrẹl vwọ mrẹ nẹ ayen hẹ ahwarha (kidie ohọnre na ganre gangan), ihwo na de siona nu vwẹ ẹmwa vẹ egbogho vẹ etọ rẹ eragha kugbe ishi vẹ iphrophro rẹ ame,

1 Samuẹl 13:7

evo de shue ame ri Jordan vrẹn kpo otọ ri Gad vi Gilead. Vi Sọl je hẹ Gilgal, ihwo na ejobi ri nenire ke phariẹ.

1 Samuẹl 31:6

Kẹnẹ Sọl ghwuru, ọ vẹ emeshare rọye erha; ọvẹ ohwo rọ ghwa ekuakua rẹ ofovwi rọye, vẹ ihwo rọye ejobi, vwẹ ukpẹdẹ ọvuọvo na.

1 Samuẹl 31:8

Vwẹ irhiọke, rẹ ihwo ri Filistia rhe vwọ ban irivwi na phihọ, ayen da mrẹ Sọl vẹ emeshare rọye erha ri ghwuru vwẹ ugbenu ri Gilboa.