1 Samuẹl 31:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Ọke rẹ ohwo ro ghwa ekuakua rẹ ofovwi rọye vwọ mrẹ nẹ Sọl ghwuru, o da je vwẹ oda rọye duvwu oma rọye hwe ọ vẹ ọye de ghwu.

1 Samuẹl 31:5 ပူးပေါင်းရင်းမြစ်များ

1 Ivie 16:18

Ri Zimri vwọ mrẹ nẹ a reyọ orere na nure, o de kpo uwevwi ohẹrhẹ rẹ ovie, ọ da torhẹ uwevwi rẹ ovie ghene, o de ghwu,

1 Ikun rẹ Ivie 10:5

Ọghwekpo rọye vwọ mrẹ nẹ Sọl ghwu nure, ọ da vwẹ ọlọkọ ro obọ rọye vwo hwe oma rọye.

Iguẹdjọ 9:54

Etiyin o de bru okpakpa se emeghene rẹ ọshare rọ ghwa ewun rẹ ofovwi rọye, ọ da ta kẹ nẹ. Yoro ọlọkọ wẹn rere wo hwe vwe, rere ihwo vwo jẹ ta kpahe ovwẹ nẹ, Aye ri hwe re. Emeghene na da vwẹ egba nyẹ, o de ghwu

1 Samuẹl 31:4

Etiyin Sọl da ta kẹ ohwo rọ ghwa ekuakua rẹ ofovwi rọye, Yoro ọlọkọ wẹn ru wo duvwu uvwe fi, ọ rha dia eriyi-in otu rẹ upheruphe ki che duvwu uvwe fi, kẹ ayen cha vwẹ ovwẹ jodẹ. Ẹkẹvuọvo ọ rọ ghwa ekuakua rẹ ofovwi rọye na gbi yivwi ruo-o; kidie oshọ muro gangan. Ọtiọye na Sọl reyọ oda rẹ obọ rọye o de vwo duvwu oma rọye hwe.

1 Samuẹl 31:6

Kẹnẹ Sọl ghwuru, ọ vẹ emeshare rọye erha; ọvẹ ohwo rọ ghwa ekuakua rẹ ofovwi rọye, vẹ ihwo rọye ejobi, vwẹ ukpẹdẹ ọvuọvo na.