1 Samuẹl 31:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Ayen da reyọ esuanso rayen ayen de sho ayen phihọ otọ rẹ oghriki vwi Jabẹsh, ayen de chiri ewẹvwe ẹdẹ ighwrẹn.

1 Samuẹl 31:13 ပူးပေါင်းရင်းမြစ်များ

Jẹnẹsis 35:8

Deborah, rẹ ọyọrọmọ ri Rebeka, de ghwu, e de sho vwọ otọ rẹ ọhahe rọ otọ ri Bẹtẹl; kọye o de se odẹ rẹ asan na Allan-bakuth.

Jẹnẹsis 50:10

Rẹ ayen rhi vwo te uwevwi rẹ ewunye rẹ Atad, rọ abọ oboyi ri Jọdan, Etiyin ayen da viẹ oviẹ rode, oviẹ rẹ uvwerhe, o de muomahọ urhughwrẹ soso vwọ ke ọsẹ rọye.

2 Samuẹl 1:12

Ayen de muomahọ, ayen da viẹ, ayen de chiri owẹvwe re duvwu ovwọnvwọn vwọ kẹ Sọl vẹ Jonaran rẹ ọmọ rọye kugbe ihwo rẹ Ọrovwohwo, kugbe vwọ kẹ uwevwi rẹ Izrẹl, kidie a vwẹ ọlọkọ hwe ayen.

2 Samuẹl 11:26

Ọke rẹ aye rẹ Uraya vwo nyo nẹ ọshare rọye ghwuru, o de muomahọ, ọ da viẹ ọshare rọye.

Iyẹnrẹ Esiri ri Jọn 11:19

ihwo ri Ju buebu bru Mata kugbe Meri rhe rhi bru ayen uche fiki rẹ oniọvo rayen na.

1 Samuẹl 22:6

Asakiephana Sọl de rhe nyo nẹ a mrẹ Devid, kugbe ihwo re vẹ ọye gba herọ. Yi Sọl tidia vwi Gibeah, vwẹ otọ rẹ oghriki vwẹ enu rẹ ugbenu, vẹ ubiri rọye vwẹ obọ, idibo rọye ejobi de mudia riariẹ phihọ.