1 Samuẹl 31:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Ayen da ghwa ekuakua rẹ ofovwi rọye phihọ uwevwi rẹ Ashra; ayen de churu orivwi rọye si igbẹhẹ ri Bẹtshan.

1 Samuẹl 31:10 ပူးပေါင်းရင်းမြစ်များ

Joshua 17:11

Vwẹ evun rẹ otọ rẹ Issaka vẹ Asha na Manasse de rhe vwo Betshean vẹ ẹko rọye, kugbe Ibleam vẹ ẹko rọye, kugbe ihwo re dia. Dọ vẹ ẹko rọye, kugbe ihwo re dia Endor vẹ ẹko rọye, kugbe ihwo re dia Taanak vẹ ẹko rọye, kugbe ihwo re dia Megiddo vẹ eko rọye; ọrerha ki Nafat.

Iguẹdjọ 1:27

Manasse djẹ ihwo ri Bẹtshean kugbe ẹko rọye no-o, eyẹrẹ Taanak kugbe ẹko rọye, eyẹrẹ ihwo ri Dọr kugbe ẹko rọye, eyẹrẹ ihwo rẹ Ibleam kugbe ẹko rọye, eyẹrẹ ihwo ri Megiddo kugbe ẹko rọye; ẹkẹvuọvo ihwo ri Kenan rhọvwe kua nẹ otọ na-a.

Iguẹdjọ 2:13

Ayen da sen Ọrovwohwo na, ayen da ga Baal kugbe Ashera.

1 Samuẹl 21:9

Orherẹn na da ta, Ọlọkọ ri Golayat rẹ ohwo ri Filistia, ru wo hweri vwẹ iyara rẹ Elah na, nighe, a phaero phihọ amwa vwẹ obuko rẹ adagba rẹ ibuluku na; wọ da sa reyọ ọyena, gba reyọ, kidie ọfa gbe hẹ etinẹ-ẹ jokpa rẹ ọyena ọvo. Devid da ta, Ọfa rha họhọ ọyena ọruẹ; vwọ kẹ vwẹ.

1 Samuẹl 31:12

ihwo ri yivwaro vwọ ejobi de vrẹn, vwẹ evun rẹ ason, ra reyọ orivwi ri Sọl kugbe ọ rẹ emọ rọye nẹ lgbẹhẹ ri Bẹtshan rhe; ayen rhi vwo te Jabẹsh ayen da torhẹ ayen vwe etiyin.

1 Samuẹl 7:3

Etiyin Samuẹl da ta kẹ uwevwi rẹ Izrẹl ejobi, Wa da vwẹ udu rẹ ovwan ejobi kurhẹriẹ bru vwe rhe, we gbe ku edjọ erhorha na kufia kugbe Ashera na nẹ ohri rẹ ovwan, re we hirhe udu rẹ ovwan ku Ọrovwohwo, re wa ga ọye ọvo, ko sivwi ovwan nẹ obọ rẹ ihwo ri Filistia.