1 Samuẹl 30:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Devid de duotọ rọye vwẹ obọ rẹ Ọrovwohwo, Ke Me vwọ tua ihwo na? Me je sa yan mu ayen? ọ de nyo kẹ, Vwọ tua ayen; kidie wọ sa djẹ mu ayen wo ghine ji se sivwi ayen.

1 Samuẹl 30:8 ပူးပေါင်းရင်းမြစ်များ

Jẹnẹsis 14:16

Etiyin o de mie ayen eyenre na ejobi, ọ da reyọ Lọt omoni rọye vẹ eyenre rọye, kugbe eya na vẹ ihwo na ejobi.

2 Samuẹl 5:19

Devid da nọ vwẹ obọ rẹ Ọrovwohwo, Mi nene Filistia họnre? Wo phi ayen phihọ obọ mẹ? Ọrovwohwo da ta kẹ Devid, Ra họnre ayen, kidie mi ghine phi Filistia phihọ obọ wẹn nure.

2 Samuẹl 5:23

Ọke ri Devid vwọ nọ vwẹ obọ rẹ Ọrovwohwo, Mi nene ayen họnre, Ọ da ta nẹ, Wọ ra-a; yanran kpo obuko rayen rere wo re vwrẹ ayen aro phihọ vwẹ obaro rẹ urhe ri Balsam na.

Une rẹ Ejiro 50:15

rere wo se vwe vwe ọke rẹ ukpokpogho, ki mi sivwi uwe, ru wọ da vwẹ urinrin kẹ vwẹ.

Une rẹ Ejiro 91:15

Ọke ro de se vwe, ke me kpahe kẹ, Mi nene dia vwẹ ọke rẹ ukpokpogho, ki mi yoro no ri mi de mu ọghọ kẹ.

Ẹyano 15:9

Ivwighrẹ na da ta, Me vwọ tua, re me korẹ, me ghare ughwẹ na, ẹguọnọ mẹ kọ wan oma rayen gba. Mi che yoro ọlọkọ mẹ obọ mẹ kọ guọghọ ayen.

Ukeri 27:21

Ko che mudia vwẹ obaro rẹ Ẹlẹazar rẹ orherẹn na, kọ cha vwẹ Utẹ vwọ guọnọ otọ rẹ ẹdjeguo kẹ vwẹ obaro rẹ Ọrovwohwo na; vwẹ oma rẹ ota rọye kẹ ayen ro otafe, vwẹ oma rẹ ota rọye kẹ ayen ro uwevwi, te ọye te ihwo rẹ Izrẹl ejobi re vọye gba berọ, ukoko na ejobi.

Iguẹdjọ 20:18

Ihwo rẹ Izrẹl na de vrẹn yanran kpo Bẹtẹl, ra nọ Ọghẹnẹ nẹ, Kono vwẹ usun rẹ avwanre na re cha ka yanran ra họnre ihwo ri Bẹnjamin na? Etiyin Ọrovwohwo da tanẹ, Juda re cha ka yanran.

Iguẹdjọ 20:23

Etiyin ihwo rẹ Izrẹl na da ra viẹ vwẹ obaro rẹ Ọrovwohwo na re te ọke rẹ ovwọnvwọn; ayen da ra nọ Ọrovwohwo nẹ, kẹ avwanre rhoma kpo ofovwi ra họnre imoni rẹ avwanre ihwo ri Bẹnjamin na? Ọrovwohwo da tanẹ, Ovwan ra họnre ayen.

Iguẹdjọ 20:28

Etiyin Finihas rẹ ọmọ rẹ Eleaza, ọmọ rẹ Erọn ri gbe odibo vwẹ obaro rọye vwẹ ọke yena), ọ da tanẹ, kẹ avwanre rhoma ra họnre ihwo ri Bẹnjamin imoni rẹ avwanre na, gbenẹ avwanre jovwo? Etiyin Ọrovwohwo da tanẹ, Ovwan yanran; kidie Mi phi ayen pliihọ obọ rẹ ovwan vwẹ odẹ rọ cha na.

Iguẹdjọ 8:4

Gidiọn da rhe obi Jọdan ọ da wanvrẹn ọ vẹ eshare ujori erha re vẹ ọye gba herọ, rẹ ayen vwọ tua ihwo na dede na yẹ oma rhọ aye-en.

1 Samuẹl 10:22

Ayen da rhoma duotọ rọye vwẹ obọ rẹ Ọrovwohwo, Ohwo na rhe etinẹ na? Ọrovwohwo da ta, Nighe, o sioma nu vwẹ ohri rẹ aghwa na.

1 Samuẹl 14:37

Sọl de duotọ rọye vwẹ obọ rẹ Ọghẹnẹ, Mi bru ihwo ri Filistia na? ku wo phi ayen phihọ obọ rẹ ihwo rẹ Izrẹl? Ẹkẹvuọvo ọ kpahe kẹ vwẹ ẹdẹ yena-a.

1 Samuẹl 23:2

Devid de re duotọ rọye vwẹ obọ rẹ Ọrovwohwo, Me ra mi re phi ihwo ri Filistia na? Ọrovwohwo da ta kẹ Devid, Yanran re phi ihwo ri Filistia na rere wo sivwi Keilah.

1 Samuẹl 23:4

Devid da rhoma duotọ rọye vwẹ obọ rẹ Ọrovwohwo. Ọrovwohwo da kpahe kẹ, Vrẹn, yanran kpo Keilah; kidie mi che phi ihwo ri Filistia na phihọ owẹ obọ.

1 Samuẹl 28:6

Ọke ri Sọl vwo duotọ rọye vwẹ ọbọ rẹ Ọrovwohwo, Ọrovwohwo kpahe kẹẹ, vwẹ ẹvwerhẹ, eyẹ Utẹ, eyẹ emraro-o.

1 Samuẹl 30:18

Devid da rhoma ghwẹ emu ejobi rẹ ihwo rẹ Amalẹk ghwẹ reyọ; Devid da reyọ eya rọye ivẹ.

1 Samuẹl 30:19

Emu ọvuọvo ghwruru-u, Ọhavwere eyẹ ọrhoro, emeshare yẹrẹ emetẹ, ekuakua yẹrẹ emuọfa ta ayen ghwe reyọ; Devid da ghwẹ ayen ejobi reyọ.