1 Samuẹl 30:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Oma da ghwọrọ Devid gangan; kidie ihwo na ayen che phio, fikiridie ivun re ghwie ihwo vwẹ udu rayen, ohwo ọvuọvo fiki rẹ emọ rọ rẹ eshare vẹ emetẹ. Ẹkẹvuọvo fiki rẹ Ọrovwohwo Ọghẹnẹ rọye udu rẹ Devid da gan.

1 Samuẹl 30:6 ပူးပေါင်းရင်းမြစ်များ

Jẹnẹsis 32:7

Oshọ de mu Jekọp oma de ron, ọ da ghare ihwo ri rhere, te uchuru na te iyesi na, ẹko ivẹ,

2 Samuẹl 17:8

Hushai da je kpahọ, Wọ riẹnre nẹ ọsẹ wẹn vẹ ihwo rọye na egba, gangan, yẹ ivun dja ayen kerẹ okpohrokpo re mie ọmọ; ọ rọ vwọ kpahọ, ọsẹ wẹn ọwena rẹ ofovwi gangan; ọ vẹ ihwo na che wo phihọ asan ọvo vwẹ ason na-a.

Ivie rẹ Ivẹ 4:27

Ọke ro rhi vwo te ugbenu na asan rẹ ohwo rẹ Ọghẹnẹ na, ọ da gbanọ awọ rọye, Gehazi da rhe rhe karhiẹn no. Ẹkẹvuọvo ohwo rẹ Ọghẹnẹ na da ta, Yan jovwo, fikiridie ivun miovwo gangan; Ọrovwohwo de sionu kẹ vwẹ, O sa ta kẹ vwẹ-ẹ.

ỌBE RẸ JOB 13:15

Nighe, o che hwe vwe ghwu, mi gbi vwo iphiẹrohọ-ọ dede na mi mudia gu ẹkunu mẹ kẹ nyo.

Une rẹ Ejiro 116:10

Me yọnrọn esegbuyota mẹ, vwe ọke me da tanẹ. Me hẹ ọdjarhe rode na;

Une rẹ Ejiro 138:3

Vwẹ ẹdẹ ri mi vwo se, wo dẹ nyo vwe, ogangan rẹ ẹnwẹ mẹ wo ruro bu.

Une rẹ Ejiro 18:2

Ọrovwohwo na oragha mẹ, kugbe egbe mẹ, kugbe osivwi mẹ, Ọghẹnẹ mẹ, oragha mẹ, evun wẹn me da djahe, ekpọfia mẹ, kugbe ighoro re esivwo mẹ, asan ọgangan mẹ.

Une rẹ Ejiro 18:6

Vwẹ evun rẹ ọdjarhe mẹ mi de se Ọrovwohwo; Ọghẹnẹ mẹ mi kperi se nẹ ọ rhe chuko Vwẹ evun rẹ uwevwi rọye o de nyo urhuru mẹ, oviẹ re me viẹ hwe de rhi te erhọn rọye.

Une rẹ Ejiro 25:17

Si ukpokpogho rọ udu mẹ no, wọ reyọ ovwẹ nẹ evun rẹ ọdjarhe mẹ.

Une rẹ Ejiro 27:14

Hẹrhẹ Ọrovwohwo na; gan oma, re wo jẹn udu wẹn yivwaro, uyota, hẹrhẹ Ọrovwohwo na.

Une rẹ Ejiro 31:24

Gan oma, re wo jẹn udu wẹn yivwaro, ovwan ejobi re hẹrhẹ Ọrovwohwo na.

Une rẹ Ejiro 42:11

Die oma vwọ rhọ wẹ, E ẹnwẹ mẹ, kugbe die oma vwọ vwranvwran owẹ vwẹ evun mẹ? Phiẹro phihọ Ọghẹnẹ, kidie me cha rhoma jiro, ọchuko mẹ kugbe Ọghẹnẹ mẹ

Une rẹ Ejiro 42:5

Die oma vwọ rhọ wẹ, E ẹnweẹ mẹ, kugbe die wọ vwọ pharha vwẹ evun mẹ? Phiero phihọ Ọghẹnẹ, kidie me cha rhoma jiro, ọchuko mẹ kugbe Ọghẹnẹ mẹ.

Une rẹ Ejiro 42:7

Ekodo kperẹ se ekodo vwẹ ighrighri asan rẹ ọkere de shotọ; te omimi ejobi kugbe ukori rẹ ame wẹn ayen ejobi phoro uvwe.

Une rẹ Ejiro 56:11

Ọghẹnẹ me vwẹ ẹro so mi de jẹ oshọ ẹdjẹ. Kidie ohwo rẹ akpọ se ru vwe?

Une rẹ Ejiro 62:1

Kidie Ọghẹnẹ ọvo ọye ẹnwẹ mẹ fọre gbiẹi hẹrhẹ; ọye esivwo mẹ nẹ obọ rọye cha.

Une rẹ Ejiro 62:5

Kidie Ọghẹnẹ ọvo ọye ẹnwẹ mẹ fọre gbiẹi hẹrhẹ, kidie iphiẹrohọ mẹ obọ rọye o nẹ cha.

Une rẹ Ejiro 71:4

Yọro uvwe no, E Ọghẹnẹ mẹ, nẹ obọ rẹ ihwo umwemwu na, nẹ ẹgbanọ rẹ ohwo egbẹlẹke kugbe ohwo umwemwu na

Une rẹ Ejiro 71:5

Kidie wẹ, E Ọrovwohwo, ọye iphiẹrohọ mẹ, ẹro ẹvwo suọ mẹ, E Ọrovwohwo, nẹ ọke emọ mẹ rhe.

Ẹyano 17:4

Etiyin Mosis de kperi se Ọrovwohwo, Die me vwẹ ihwo nana ru? Ayen choma re ayen vwo phi vwe hwe.

Isẹ 18:10

Odẹ rẹ Ọrovwohwo na ọye ohẹrhe rode, ọvwata da djẹ ruọ kọ rhọ.

Aizaya 25:4

Kidie wẹ hẹ odjahọ ọgangan kẹ ivwiogbere, odjahọ ọgangan kẹ otu rọ bẹn re hẹ ukpokpogho, odjahọ nẹ ogiribo ophie nẹ oheri, kidie ovan rẹ ohwo ogbarogba họhọ ogiribo rọ teyọ igbẹhẹ,

Jerimaya 16:19

E Ọrovwohwo, ogagan mẹ vẹ odjahọ mẹ, adjẹrhọ mẹ vwẹ ẹdẹ rẹ ukpokpogho, wọwẹ ẹgborho na ejobi che bre cha nẹ oba re akpo rhe tanẹ: Esẹ rẹ avwanre reuku rẹ emu ọvuọvo-o jokpa rẹ efian ọvo, erharhe rẹ emu ri fi erere-e?

Jona 2:2

tanẹ, Mi kperi se Ọrovwohwo, vwẹ evun rẹ uvwerhe mẹ, o de nyo kẹ vwẹ, vwẹ evun rẹ Erivwi mi de kperi, wo de ghine nyo urhuru mẹ.

Ukeri 14:10

Ẹkẹvuọvo ukoko na ejobi ke tanẹ e phi ayen hwe. Etiyin urinrin rẹ Ọrovwohwo da vwẹ oma phia vwẹ asan utughẹ ra da vwa oma na vwọ kẹ ihwo rẹ Izrẹl na ejobi.

Matiu 21:9

Usun rẹ ihwo ri nenire vwẹ obaro vẹ obuko, de kuvwie, Hozana kẹ Ọmọ ri Devid; Ebruphihọ kẹ ohwo rọ rhere vwẹ odẹ rẹ Ọrovwohwo; Hozana vwẹ asan ro kpenu.

Matiu 27:22

Pailet da ta kẹ ayen nẹ, Komavọ mi ru ọ rẹ ovwan se Kristi na? Ayen da ta nẹ, e ja karọ mu agbagba.

Iyẹnrẹ Esiri ri Jọn 8:59

Ọtiọye ayen de tọrọ elalọ nẹ ayen vwo phio; ẹkẹvuọvo Jesu de sioma nu, ọ da yan nẹ uwevwi rẹ ẹga na.

Ọbe ri Pọl si rhe Ihwo ri Rom 4:18

Vwẹ iphiẹrohọ o de segbuyota jo rhẹro, rere ọ rhe vwọ dia ọsẹ rẹ ẹgborho buebu; kirobo ra ta kẹ jovwo, Ọtiọye uvwiẹ wẹn cha dia.

Ọbe ri Pọl si rhe Ihwo ri Rom 4:20

Udu rọye rhe yeghe kpahe ive rẹ Ọghẹnẹ vẹ kẹ-ẹ, ẹkẹvuọvo esegbuyota rọye da rhe gan phihọ ọ da vwẹ urinrin kẹ Ọghẹnẹ.

Ọbe ri Pọl si rhe Ihwo ri Rom 8:31

Kidie a mre ta kpahe ọnana? Ọ da dianẹ Ọghẹnẹ vẹ avwanre obọ, kono se mukpahe avwanre?

2 Kọrẹnt 1:6

Ọ da dianẹ avwanre hẹ ukpokpogho, yẹ fiki rẹ uchebro vẹ esivivo rẹ ovwan, ọ da dianẹ avwanre vwo uchebro, ye fiki rẹ uchebro rẹ ovwan, rẹ ovwan mrẹre vwẹ ọke rẹ ovwan vwo vwo odiri vwo chirako rẹ oja ọvuọvo rẹ ovwan rere.

2 Kọrẹnt 4:8

A lagha avwanre vwẹ idjerhe kidjerhe, ẹkẹvuọvo yẹ a pẹtiẹ avwanre-e; ofu dje avwanre, ẹkẹvuọvo ye siẹro nu-u;

2 Kọrẹnt 7:5

Kidie rẹ avwanre vwo te Masidonia, oma fu avwanre-e ẹkẹvuọvo ukpokpogho vwi kabọ kabọ–ohọnre vwẹ otafe kugbe oshọ vwẹ obo evun.

Hibru 13:6

Kẹ avwanre sa vwẹ obọ saudu nẹ, Ọrovwohwo hẹ ọchuko mẹ, oshọ gbi mu uvwe-e; kidie ohwo se ru kẹ vwẹ?

Iguẹdjọ 18:25

Ihwo ri Dan na da ta kẹ nẹ, Wo rhe bunu kpahe avwanre-e, ọ da nẹrhẹ otu ri mu ophu rhe họnre owẹ, wo de rhe ku arhọ wẹn kugbe arhọ rẹ uwevwi wẹn kufia.

Iguẹdjọ 20:22

Ẹkẹvuọvo ihwo na eshare rẹ Izrẹl na da gan udu, ayen da rhoma ra tẹrẹ urhiẹ rẹ ofovwi vwẹ asan rẹ ayen de ke phi ofovwi vwẹ edẹ rẹ ẹsosuọ na.

1 Samuẹl 1:10

Ivun miovwiro hwe kọ nẹ ẹrhovwo kẹ Ọrovwohwo, jọ viẹ pata pata.

1 Samuẹl 23:16

Jonatan, ọmọ ri Sọl, vrẹnri, o de bru Devid rhe vwi Horẹsh, O de phi udu phihọ awọ vwẹ odẹ rẹ Ọghẹnẹ.

1 Samuẹl 28:15

Etiyin Samuẹl da ta kẹ Sọl, Die wo rhi vwo kpokpo uvwe ru wo vwo se vwe rhe? Sọl da kpahe, Me hẹ djarhe rode na; kidie ihwo ri Filistia kpare ofovwi rhe vwọ so vwẹ, yẹ Ọghẹnẹ chuko kẹ vwẹ ọ gbe kpahe kẹ vwẹ ọfa-a, vwẹ oma rẹ emraro eyẹ ẹvwerhẹ-ẹ; fiki rẹ ọtiọye na mi vwo se we rhe re wọ ta kẹ vwẹ obo ri mi ru.