1 Samuẹl 30:26 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁶ Ri Devid rhi vwo te Ziklag, ọ da vwẹ abọvo rẹ emu ro gborhori na vwo rhe igbeyan rọye, ekpako ri Juda, tanẹ, ọna ọko re me phare rhe ovwan vwẹ usun rẹ emu na rẹ ivwighrẹ rẹ Ọrovwohwo gborhori,

1 Samuẹl 30:26 ပူးပေါင်းရင်းမြစ်များ

Jẹnẹsis 33:11

Reyọ, Me rẹ wẹ, ọko nana re Me phare rhe we na, kidie Ọghẹnẹ ru ẹse kẹ vwẹ gangan, fikiridie ọ ri mi vwori na te kẹ vwẹ. Ọtiọna kọye ọ rẹrẹ, ọ da reyọ.

2 Samuẹl 1:1

Ri Sọl vwo ghwu nu, ọke ri Devid vwo rhivwi nẹ ihwehwe rẹ Amalẹk rhe, Devid da daji Ziglag ẹdẹ ivẹ.

Ivie rẹ Ivẹ 5:15

Etiyin o de rhivwi bru ohwo rẹ Ọghẹnẹ na ra, te ọye te usun rọye o de rhi mudia obaro rọye; ọ da ta Nighe, Me riẹnre nẹ Ọghẹnẹ hẹ akpọ na ejobi-i jokpa rẹ Izrẹl, ọtiọye gbe rhie abọ wọ reyọ okẹ nana mie odibo wẹn.

Une rẹ Ejiro 35:27

Jẹn ayen otu re guọnọ ase mẹ kperi ukperi rẹ aghọghọ rẹ oma vwerhe ayen, re ayen ta kọke kọke, Ọrovwohwo rhoro gangan, ro vwo omavwerhe vwẹ erhuvwu rẹ odibo rọye!

Une rẹ Ejiro 68:18

Wọwẹ ghine yere ugbenu ro kpenu na, wo re siẹ ighuvwu nene oma, e re ru ẹse kẹ wẹ vwẹ ohri rẹ ihwo, mrẹmrẹ vwẹ ohri rẹ ihwo re vwọ so wẹ, rere Ọrovwohwo Ọghẹnẹ vwọ sa dia etiyin.

Aizaya 32:8

Ẹkẹvuọvo omamọ ohwo omamo iroro o roro oma re emu esiri o mudia phihọ.

2 Kọrẹnt 9:5

Ọtiọye na mi rori nẹ o fori mi vwo ji imoni na bru ovwan rhe re me ke rhe, rere we toro arhọghọ na phihọ otọ kirobo rẹ ovwan veri na, rere ọ vwọ choma bẹsiẹye ọ dianẹ kirobo ra kanrhie mie ohwo-o ẹkẹvuọvo kirobo ra vwẹ ọhọrobọ rẹ ohwo kẹ.

1 Samuẹl 18:17

Etiyin Sọl da ta kẹ Devid, ọmọtẹ mẹ rẹ ọkpako Merab na; Me vwọ kẹ wẹ vwọ rọvwọ; ku wo yivwaro rere wọ họnre ofovwi rẹ Ọrovwohwo na kẹ vwẹ. Kidie Sọl rori nẹ, E jẹn obọ mẹ dia-a, ẹkẹvuọvo e jẹn obọ rẹ ihwo ri Filistia na te.

1 Samuẹl 25:27

Biko gbe je a vwẹ ọmọko nana rẹ odibo wẹn phare rhe ọrovwovwe na kẹ imighele ri nene ọrovwovwe na.

1 Samuẹl 25:28

Biko vwo ghovwo oruchọ rẹ ọmọtẹ wẹn; vwọ ọ rẹ uyota Ọrovwohwo cha kẹ wẹ uwevwi re bẹdẹ, fikiridie ofovwi ri wo phiẹ na Ọrovwohwo wo phio kẹ; a rha sa mrẹ umwemwu vwẹ evun wẹn uchọke wọ dia akpọ na krite-e.

1 Samuẹl 30:20

Devid da je ghwẹ igegede na ejobi vẹ uchuru na ejobi reyọ; ihwo na de sun uchuru na ka obaro kẹ, ayen da ta, Enana obo ri Devid gborhori.

1 Samuẹl 30:25

Nẹ ẹdẹ yena yanran o de vwo ru iji vẹ urhi vwọ kẹ ihwo rẹ Izrẹl rhi te nonẹ.