1 Samuẹl 30:24 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁴ Ono a kerhọn rẹ ovwan vwẹ oma rẹ ota nana? Kidie uche obo ri te ohwo ro kpo ofovwi ọtiọye ri ji te ohwo ri tidia kẹrẹ oghwa; abavo ẹkẹ rayen cha dia.

1 Samuẹl 30:24 ပူးပေါင်းရင်းမြစ်များ

Une rẹ Ejiro 68:12

Ivie re otuofovwi na, ayen dje, ayen dje! eya re he uwevwi ra ghare ekuakua,

Ukeri 31:27

gba ghare eyere na ẹko ivẹ, vwọ kẹ ihwo ri kpo ofovwi na kugbe ukoko na.

Joshua 22:8

ọ da ta kẹ ayen, We rhivwi kpo uwevwi rẹ ovwan vẹ efe buebu kugbe uchuru buebu, vẹ idọnọ efuanfon, oro, ẹrovwo, vẹ emwa buebu; wa vẹ imoni rẹ ovwan ghare ekuakua ru we gborho mie ivwighrẹn rẹ ovwan na.

1 Samuẹl 22:2

Kohwo kohwo rọ hẹ ukpokpogho, kohwo kohwo rọ re esa, kugbe kohwo kohwo rẹ ofu djeri, da ghwiẹ bro ra; ọda rhe dia onotu rẹ ayen. Ihwo ri nenire joma te ujori ẹne.

1 Samuẹl 25:13

Devid da ta kẹ ihwo rọye, ọ vuẹ ọlọkọ rọye reyọ, dohwo dọlọkọ rọye da reyọ; Devid da je reyọ ọlọkọ rọye; ihwo ujori ẹne de nene Devid, ujori ivẹ de tidia kẹrẹ eghwa.

1 Samuẹl 30:23

Ẹkẹvuọvo Devid da ta, Ovwan ruẹ ọtiọye-e, imoni mẹ, vwọ kpahe obo rẹ Ọrovwohwo vwọ kẹ avwanre; ọsẹro rẹ avwanre o de rhe phi ihwo ri rhi gborho avwanre na phihọ avwanre obọ.

1 Samuẹl 30:25

Nẹ ẹdẹ yena yanran o de vwo ru iji vẹ urhi vwọ kẹ ihwo rẹ Izrẹl rhi te nonẹ.