1 Samuẹl 30:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² ayen da vwẹ ikara ri fig vwọ kẹ kugbe erheghe rẹ emamọ ivẹ. Rọ vwọ re nu, o de gogo aro vi; kidie vwẹ ẹdẹ erha kugbe ason erha ọ je re emu-u ọ je da ame-e.

1 Samuẹl 30:12 ပူးပေါင်းရင်းမြစ်များ

Ẹsta 4:16

Yanran, re koko ihwo ri Ju ejobi ra mrẹ vwi Susa, re we chiri owẹvwe kẹ vwẹ, wa ria-a, wa je da-a vwẹ ẹdẹ erha te ason te uvo. Mẹvwẹ vẹ emetẹ mẹ ji chiri owẹvwe kirobo ri wo ruru na. Ọke yena ki mi bru ovie na, jẹ ọna vẹ urhi she phihọ-ọ, ọ da dianẹ me ghwọrọ, me ghwọrọ.

Uvwerhe 1:11

Ihwo rọye ejobi herọ guan re ayen vwọ guọnọ emu; ayen vwẹ efe rayen vwo wene emuọre rere ayen vwo vwo ẹgba Nighere, E Ọrovwohwo, kidie a phọphọ ovwẹ.

Jona 1:17

Ọrovwohwo de ji eri rode ọvo rhe rọ Jona; Jona da dia evun rẹ eri na uvo erha kugbe ason erha.

Matiu 27:63

Nẹ, Ọga, avwanre karohọ rẹ ọvworofian na, vwọ hẹ akpọ tare nẹ, Ẹdẹ erha da wan nu ki mi vrẹn nẹ ughwu.

Iguẹdjọ 15:19

Ọghẹnẹ da bẹrẹ ukpotọ ọvo rhie phihọ vwi Lẹhi; ame da djẹ nẹ evun rọye rhe; ọke rọ vwọ da ame na nu, erhi rọye de bro rhe, oma rọye de rherhevi. Eriyin na e de mu odẹ kẹ asan na nẹ Enhakkọre; asan na je herọ vwi Lẹhi rhi te nonẹ na.

1 Samuẹl 14:27

Ẹkẹvuọvo Jonatan nyori vwẹ ọke rẹ ọsẹ rọye vwo duvwu iyori kẹ ihwo na-a; etiyin ọ da reyọ ẹroro rẹ ọkpọ ro rhere vwẹ obọ na, o de duvwo phihọ ẹho rẹ ọnyọn na, ọ da vwẹ obọ rọye te unu; opharo rọye da rhe sasa.

1 Samuẹl 30:11

Ayen da mrẹ ohwo rẹ Ijipt vwẹ obo uphephẹ, ayen da reyọ vwo rhe Devid; ayen da vwẹ emu kẹ ọ da re, ayen da vwẹ ame kẹ da,

1 Samuẹl 30:13

Devid da ta kẹ, Wẹ ohwo ri tivọ? Ki tivọ wo nẹ cha? ọ da ta, Mẹvwẹ emeghele rẹ Ijipt, odibo rẹ ohwo rẹ Amalẹk; onini mẹ da yan ju vwe vwo fikiridie Me mwe ọga kerẹ ẹdẹ erha re.