1 Samuẹl 3:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Asakiephana yi Samuẹl je riẹn Ọrovwohwo na-a, ya je vwẹ ota rẹ Ọrovwohwo phia kẹ-ẹ.

1 Samuẹl 3:7 ပူးပေါင်းရင်းမြစ်များ

Jerimaya 9:24

ẹkẹvuọvo ọ rọ yoma gba vwẹ ọna yoma, nẹ ọye vughe uvwe ọye je riẹn vwẹ, nẹ mẹvwẹ Ọrovwohwo ro nẹ ẹguọnọ ro jẹrhẹriẹ, rọ guọnọ uyota kugbe ọvwata vwẹ akpọ na, kidie imu nana ri je vwe eriyin Ọrovwohwo na tare:

Iruo rẹ Iyinkọn na 19:2

Ọ da nọ ayen, Ovwan vwo Erhi Ọfuanfon na rẹ ovwan vwo segbuyota na re? Ayen da kpahe, Ẹjo, avwanre tobọ nyo sẹ Erhi Ọfuanfon herọ-ọ.

1 Kọrẹnt 13:11

Ọke me vwọ hẹ omotete, me da ta ota kerẹ omotete, mi de roro kerẹ omotete, me da nọ enanọ kerẹ omotete; ọke mi rhi vwo te omiragua re, mi de siobọ nẹ ekuakua rẹ emọ.

1 Samuẹl 3:6

Ọrovwohwo da rhoma se, Samuẹl Etiyin Samuẹl de vrẹn ọ da yan bru Eli, ọ da ta, Mẹvwẹ na, kidie wo se vwẹ. Ẹkẹvuọvo ọ da ta, Mi seri-i, ọmọ mẹ; rhoma shevwerhẹ.

1 Samuẹl 3:8

Ọrovwohwo da rhoma se Samuẹl obọ rerha. ọ de vrẹn bru Eli, ọ da ta, Mẹvwẹ na, kidie wo se vwe. Etiyin Eli de rhi vughe nẹ Ọrovwohwo ri se ọmọ na.