1 Samuẹl 3:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Vwẹ ọke yena Eli, rẹ ẹro rọye hiro dje, rọ gbe sa mrorẹ-ẹ na, yo shevwerhẹ ehwa rọye;

1 Samuẹl 3:2 ပူးပေါင်းရင်းမြစ်များ

Jẹnẹsis 27:1

Ọke rẹ Aizik vwọ ghwọ re rẹ ẹro rọye vwo dje rọ gbe mrẹ orẹ-ẹ, o de se Isọ rẹ ọmọkpako rọye, ọ da ta kẹ, Mọmẹ, ọ da kpahe kẹ, Mẹvwẹ na.

Jẹnẹsis 48:10

Asakiephana ẹro rẹ Izrẹl djeri fiki rẹ oghwo, o gbi jọ mrẹrẹ-ẹ. Etiyin Josẹf da reyọ ayen kẹrẹ; ọ da fiọnfiọn ayen unu ọ da gbanọ ayen.

Jẹnẹsis 48:19

Ẹkẹvuọvo ọsẹ rọye da sen tanẹ, Me riẹnre mọmẹ, Me riẹnre, okpuyovwi rọye je cha dia ohwo rhe, ọ je cha rho; dede na oniọvo rọye rẹ otete na cha rhonọ, uvwiẹ rọye che hirhe ẹgborho rode.

1 Ivie 14:4

Aye ri Jeroboam de ru ọtiọye, o vrẹnri o de kpo Shilo, o de rhi te uwevwi re Ahija. Asakiephana Ahija gbe sa mrẹ orẹ-ẹ, kidie ẹro rọye djeri flklridie ọ ghworo.

Une rẹ Ejiro 90:10

Ikpe rẹ akpọ rẹ avwanre ujorha gbe ihwe, eyẹ ọkeọvo ugbegangan o vwo te ujọne, dede na ẹdẹ rẹ akpọ rayen vọnre vẹ omaesuo vẹ ukpokpogho; nananana ayen wanvrẹn nure, avwanre ke rhan yanran

Aghwoghwo 12:3

vwẹ ẹdẹ rẹ ihwo re sẹro rẹ uwevwi na da phariẹ, rẹ egba da cha suawurhun, rẹ ihwo ri wuye da cha fọ fikiridie ayen buru-u, kugbe ẹro rẹ ihwo re wan evakpo nughe de che muegho,

1 Samuẹl 2:22

Asakiephana Eli ghworo gangan, o de nyo obo rẹ emọ rọye ruẹ vwẹ Izrẹl ejobi, obo rẹ ayen vẹ eya ri gbe odibo vwẹ anurhoro rẹ utughẹ ra da vwa oma na shẹvwerhẹ.

1 Samuẹl 4:15

Asakiephana Eli ghwu te ikpe ujọne gbẹ ihwe gbẹ ẹrenre yẹ ẹro rọye ji djere, ọtiọye na ọ gbe sa mrorẹ-ẹ.