1 Samuẹl 3:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Samuẹl da rho, Ọrovwohwo vẹ ọye da herọ o gbi jẹ ota rọye ọvuọvo she kufia-a.

1 Samuẹl 3:19 ပူးပေါင်းရင်းမြစ်များ

Jẹnẹsis 21:22

Vwẹ ọke yena, Abimẹlẹk vi Fikol rẹ onotu rẹ ofovwi rọye da ta kẹ Ebraham, Ọghẹnẹ vẹ owẹ herọ vwẹ emu kemu ri wo ruẹ ejobi,

Jẹnẹsis 28:15

Nighe, Me vẹ owẹ herọ ke Me sẹro wẹ vwi kasan kasan wọ rare ejobi, ke Me vwẹ owẹ rhe otọ nana, kidie Me sa yan ju we vwo-o bẹsiẹ mi vwo ru eta nana re Me ta kẹ wẹ na ejobi gba.

Jẹnẹsis 39:2

Ọrovwohwo vi Josẹf herọ, ọ da rhe dia omamọ rẹ ohwo kẹ uwevwi rẹ onini rọye rẹ ohwo rẹ Ijipt na.

Jẹnẹsis 39:3

Onini rọye da mrẹ vughe nẹ Ọrovwohwo vọye herọ, nẹ Ọrovwohwo re jabọ rẹ obo rọye ruẹ ejobi vwo yovwi kẹ.

1 Ivie 8:56

Ebruba kẹ Ọrovwohwo rọ vwẹ omaerovwo kẹ ihwo rọye Izrẹl, kirobo ro veri ejobi; o vwo ọvuọvo ro she kufa vwẹ ive esiri rọye ejobi na-a, rọ wan oma ri Mosis odibo rọye ta.

Ivie rẹ Ivẹ 10:10

Gba riẹn nẹ ota rẹ Ọrovwohwo tare che se ghwru phihọ otọ-ọ. Ọ rọ tare kpahe uwevwi rẹ Ehab; Ọrovwohwo ko ruru kirobo rọ wan oma Ilaija rẹ odibo rọye ta.

Ivie rẹ Ivẹ 15:12

(Ọnana ive rẹ Ọrovwohwo re vwọ kẹ Jehu, Emọ wẹn che tidia ekete rẹ Izrẹl re te uvwiẹ rẹne. Ọ da ghinẹ phia.)

Ivie rẹ Ivẹ 22:16

Enẹ Ọrovwohwo tare, Nighe, Me cha ghwa umiovwo rhe etinẹ na vẹ ihwo re dia, eta ejobi re ọbe na rẹ ovie ri Juda seri na.

Aizaya 43:2

Ọke wọ da wan ame vrẹn ye Me vẹ owẹ herọ, Ọ da dia evun rẹ urhie dede, o che re we-e, wọ da yan erhanre vrẹn ọ cha torhẹ owẹ-ẹ, ogidi erhanre na cha ghwọrọ owẹ-ẹ.

Aizaya 44:26

Ono ri ru ota rẹ odibo rọye gan, ro ru iroro rẹ iyinkọn rọye, ono re ta kpahe Jerusalẹm, nẹ, A cha rhoma dia kugbe irere ri Juda nẹ, A cha rhoma bọn ayen, ke me kpare igbẹhẹ ri sheri na vrẹn mudia;

Aizaya 55:11

ọtiọye ota Mẹ ro ne unu Mẹ rhe; che se fiabọ-ọ, ẹkẹvuọvo o ru obo ri mi jiro gba, obo mi jiro no ru ko yovwi.

Matiu 1:23

Nighe, ọmọtobẹ cha mrevun, ko vwiẹ ọmọshare, ke se odẹ rọye Immanuẹl, otọ rọye Ọghẹnẹ vẹ avwanre herọ.

Iyẹnrẹ Esiri ri Luk 1:28

Ọ de bro rhe ọ da ta, Do wẹ rọ vọnre vẹ ẹserọphẹ, Ọrovwohwo vẹ owẹ herọ.

Iyẹnrẹ Esiri ri Luk 1:80

Ọmọ na da rhe rho ọ da rhe vọn vẹ erhi, ọ da dia evun rẹ aghwa bẹsiẹ rọ ke vwẹ oma phia kẹ Izrẹl.

Iyẹnrẹ Esiri ri Luk 2:40

Ọmọ na da rho vẹ omaẹga, vẹ aghwanre; ẹroesiri rẹ Ọghẹnẹ vẹ ọye da herọ.

Iyẹnrẹ Esiri ri Luk 2:52

Jesu da rhe vọn vẹ aghwanre, ọ da rho ugboma, o de vwo ẹroesiri vwẹ obọ rẹ Ọghẹnẹ vẹ obọ rẹ ihwo.

2 Kọrẹnt 13:11

Ọ rọ ka oba, imoni, kẹ ẹdẹfa. Wa rhuẹrẹ idjerhe rẹ ovwan, wa kerhọn rẹ ota mẹ, ovwan ohwohwo ro ohwo, wa dia vwẹ ufuoma, Ọghẹnẹ rẹ ẹguọnọ kugbe ufuoma ko nene ovwan dia.

2 Kọrẹnt 13:14

Ẹserọphẹ rẹ Ọrovwohwo Jesu Kristi kugbe ẹguọnọ rẹ Ọghẹnẹ kugbe ugbeyan rẹ Erhi Ọfuanfon nene ovwan ejobi dia.

Urhi Rivẹ 18:22

Ọke rẹ ọmraro da ta ota vwẹ odẹ rẹ Ọrovwohwo, rẹ ota na gbe phia-a eyẹ ọ gbe sẹ-ẹ yẹ Ọrovwohwo ta ota yena-a; ọmraro yena bruruọ ta, wọ djẹ oshọ rọye-e.

2 Timoti 4:22

Ọrovwohwo nene erhi wẹn dia. Ẹserọphẹ nene nwe dia.

Joshua 21:45

Ọvuọvo rẹ ive esiri rẹ Ọrovwohwo veri kẹ uwevwi rẹ Izrẹl ro je ruo gba herọ-ọ, ayen ejobi ru ghare kpae.

Iguẹdjọ 13:24

Aye na de vwiẹ ọmọshare, o de se odẹ rọye Samsin; ọmọ na da rhe rho, Ọrovwohwo de bruba kẹ.

1 Samuẹl 10:7

Ọke rẹ eka nana da vwa wẹ, gbe ru obo ra tani wo ru, kidie Ọghẹnẹ vẹ owẹ herọ.

1 Samuẹl 12:2

Asakiephana, gbe nighe, ovie na kọye ri sun ovwan na; me ghwore me djẹ esha re, nighe, emọ mẹ keye vẹ ovwan gba herọ na; ye me vẹ ovwan re gba herọ nẹ imitete mẹ rhe rhi te ẹdẹ ri nonẹ na.

1 Samuẹl 16:18

Emeghele na ọvo da kpahe, Nighere, me mrẹ ọmọ ri Jesse ohwo ri Bẹtlẹhẹm, rọ riẹn hworo gangan, ọ gba, ohwo rẹ ofovwi, ọ vẹ ọhọ rẹ ota, ohwo vẹ erhuvwu; Ọrovwohwo vẹ ọye herọ.

1 Samuẹl 18:12

Oshọ ri Devid ko mui Sọl, fikiridie Ọrovwohwo vẹ ọye herọ ẹkẹvuọvo yọ kua nẹ oma ri Sọl.

1 Samuẹl 18:14

Devid de phi kparobọ vwẹ ofovwi rọ rare ejobi; kidie Ọrovwohwo vẹ ọye herọ.

1 Samuẹl 18:5

Etiyin Devid da yanran kpo kasan kasan ri Sọl jiro ra ejobi o de phi kparobọ; Sọl de vwo mu phihọ enu rẹ ihwo rẹ ofovwi na. Ọnana dẹ ji ihwo ejobi kugbe idibo ri Sọl rhe.

1 Samuẹl 2:21

Ọrovwohwo de bru Hanah rhe, ọ da mrevun o de vwiẹ emeshare erha kugbe emetẹ ivẹ. Ọmọ re se Samuẹl da rhe rho vwẹ obaro rẹ Ọrovwohwo.

1 Samuẹl 2:26

Asakiephana ọmọ re se Samuẹl na ro rhua vwẹ ugboma vẹ aroesiri vwẹ obọ rẹ Ọrovwohwo vẹ ihwo rẹ akpọ.

1 Samuẹl 9:6

Ẹkẹvuọvo ọ da ta kẹ, Nighe, ohwo rẹ Ọghẹnẹ ọvo hẹ evun rẹ orere na, ọ da dia ohwo re mu ọghọ kẹ; obo rọ tare ejobi sẹ. Jẹn e kpo etiyin; ọkeọvo ọ sa ta kẹ avwanre obo ma vwi fiki rọye yan.