1 Samuẹl 3:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Etiyin Samuẹl da ta emu ejobi kẹ o si emuọvo nu kẹ-ẹ. ọ da ta, ọye Ọrovwohwo, e jo ru obo ri jere.

1 Samuẹl 3:18 ပူးပေါင်းရင်းမြစ်များ

Jẹnẹsis 18:25

A gha e se ru emu ọtiọye-e, rẹ e vwo hwe evwata kugbe iruimwemwu, re evwata vwọ họhọ iruimwemwu, A sa mrẹ-ẹ; Obrorhiẹ rẹ akpọ na rhe se ru obo re gbare?

2 Samuẹl 10:12

Yivwaro, je ru oma kerẹ eshare vwọ kẹ ihwo rẹ avwanre; kugbe irere rẹ Ọghẹnẹ rẹ avwanre; e gbe jẹn Ọrovwohwo ru obo ri jere.

2 Samuẹl 15:26

Ẹkẹvuọvo ọ da dianẹ ọ tare, Mi vwo omavwerhe kpahe owẹ-ẹ, nighere, mẹvwẹ na, jo ru vwe obo ri jere.

Ivie rẹ Ivẹ 20:19

Etiyin Hẹzikaya da ta kẹ Aizaya, Ota rẹ Ọrovwohwo wọ tare na ọ yoma. Kidie o rori nẹ, Ufuoma vẹ ofuvwegbe herọ vwẹ ọke mẹ na?

1 Ikun rẹ Ivie 19:13

We yivwaro, rere avwanre dia ọshare kẹ ihwo rẹ avwanre, kugbe irere rẹ Ọghẹnẹ rẹ avwanre; e jẹn Ọrovwohwo ru obo ri jere.

ỌBE RẸ JOB 1:21

Ọ da ta, Ẹbẹba mi vwo nẹ uwevwievwiẹ rẹ oni mẹ rhe, ẹbẹba me che vwo hirhe, Ọrovwohwo re kerẹ, Ọrovwohwo re je reyọ, ebruphihọ kẹ odẹ rẹ Ọrovwohwo na.

ỌBE RẸ JOB 2:10

Ẹkẹvuọvo ọ da ta kẹ, Wọ ta ota kirobo rẹ ọvo vwẹ usun rẹ eya ri djidji na ta. Avwanre da reyọ emu esiri vwẹ obọ rẹ Ọghẹnẹ, a rha reyọ omiomiovwi vwọ? Vwẹ evun rẹ enana ejobi na Job vwẹ ẹbẹrunu rọye ru umwemwu-u.

Une rẹ Ejiro 39:9

Mi diunu, mi gbi se rhie unu mẹ-ẹ; kidie wọwẹ ri ruro.

Ẹyano 34:5

Etiyin Ọrovwohwo de won rhe vwẹ egho na ọ vẹ ọye de mudia etiyin, o de ghwoghwo odẹ rẹ Ọrovwohwo na.

Aizaya 39:8

Etiyin Hẹzikaya da ta keẹ Aizaya, ota rẹ Ọrovwohwo wọ tare na ọ yoma. Kidie o rori nẹ, Ufuoma vẹ ofuvweghe sa dia vwẹ ọke mẹ.

Jerimaya 34:6

Jerimaya rẹ ọmraro na da ta eta nana kẹ Zẹdikaya ovie ri Juda, vwi Jerusalẹm,

Jerimaya 38:14

Ovie Zedikaya de ji ikọn re se Jerimaya rẹ ọmmro na a da reyọ vwọ wan unu rẹ erha rẹ uwevwi rẹ Ọrovwohwo na. Ovie da ta kẹ Jerimaya, Me nọ wẹ ono, wọ djahẹ emuọvo kẹ vwẹ-ẹ.

Jerimaya 42:4

Jerimaya rẹ omraro na da ta kẹ ayen, Mi nyo ovwanvwan, nighe, kirobo rẹ wa nọre na me cha rẹ Ọrovwohwo Ọghẹnẹ rẹ ovwan na, emu kemu rẹ Ọrovwohwo kpahe kẹ ovwan me cha vuẹ ovwan, me sa djahe emu ọvuọvo kẹ ovwa-an.

Uvwerhe 3:39

Die ohwo ọkpokpọ vwo brenu, rẹ ohwo vwọ ta ota rẹ ehwe fiki rẹ imwemwu rọye?

Livitikọs 10:3

Etiyin Mosis da ta kẹ Erọn nẹ, Ọnana obo rẹ Ọrovwohwo tare, Mi dje oma mẹ phia fuanfon vwẹ ohri rẹ ihwo ri si kẹrẹ ovwẹ, kugbe obaro rẹ ihwo ejobi a da vwẹ urinrin kẹ vwẹ. Erọn de fotovwi gbiẹi.

1 Pita 5:6

Vwẹ ọtiọye na vwẹ oma wẹn kpotọ kẹ obọ, ọgangan rẹ Ọghẹnẹ, rere vwẹ ọke ro fori kọ kpare owẹ kpenu.

Iguẹdjọ 10:15

Ihwo rẹ Izrẹl da ta kẹ Ọrovwohwo na nẹ Avwanre ru umwemwu nure; ru avwanre obo ri je we, gbe di sivwi avwanre, avwanre rẹ wẹ, vwẹ ẹdẹ ri nonẹ.