1 Samuẹl 3:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Ke me ta kẹ ni mi che hwe uwevwi rọye bẹdẹ, fiki rẹ orukuruku rọ riẹnre jovwo, fikiridie emọ rọye na ra phọphọ Ọghẹnẹ, yọ sa ghwọ ku aye-en.

1 Samuẹl 3:13 ပူးပေါင်းရင်းမြစ်များ

1 Ivie 1:6

Ọsẹ rọye ji ruo bra dẹvo-o ro da nọ nẹ, Die wo vwo ruẹ enẹ vẹ enẹ? Je vwẹ ohwo vẹ erhuvwu gangan; e vwiẹrẹ kpahe Absalọm.

1 Ivie 2:44

Ovie da je ta kẹ Shimẹi, Wọ riẹn vwẹ udu wẹn emu umwemwu ru wo ru kpahe ọsẹ mẹ Devid; ọtiọye na Ọrovwohwo ko kru oghwa rẹ umwemwu wẹn nyẹ wẹ uyovwi.

2 Ikun rẹ Ivie 20:12

E Ọghẹnẹ re avwanre, wo rhe brorhiẹ hwe aye-en? Kidie avwanre vwo ogangan ro te urogho rode nana re kpare ohọnre bru avwanre cha na-a. Avwanre riẹn obo rẹ avwanre ru-u, ẹkẹvuọvo ẹro rẹ avwanre ri ni we.

Isẹ 19:18

Nabọ si ọmọ wẹn orhọn rẹ iphiẹrohọ vwọ herọ na; wọ vwẹ udu kpahe ẹghwọrọ rọye-e.

Isẹ 29:15

Ophiaphia vẹ ẹghwọkuo vwẹ aghwanre kẹ ohwo, ẹkẹvuọvo ọmọ re ku aro fia kẹ cha nẹrhẹ oma vo oni rọye.

Aghwoghwo 7:22

wọ riẹnre vwẹ udu wẹn nẹ ọke buebu re wo je harhẹ ihwo efa.

Izikiẹl 18:30

Fiki rẹ ọtiọye na ke me cha vwẹ o wẹ gu ẹdjọ, E uwevwi rẹ Izrẹl, ohwo ọvuọvo kirobo rẹ idjerhe rọye epha, eriyin Ọrovwohwo Ọghẹnẹ tare. Kurhẹriẹ rere wo siobọ nẹ ogbigbiru wẹn ejobi, ọ dia ọtiọye-e orukuruku wẹn de rhi si ughwu hwe we.

Izikiẹl 7:3

Asakiephana oba na bru we rhire, ki mi che siobọ nẹ ophu mẹ bru we rhe, ki mi hwe we fiki rẹ ẹgua wẹn.

Joẹl 3:12

Gbe jẹn ẹgborho na jẹjẹ oma rayen, rere ayen rhe iyara ri Jẹhoshafat, kidie etiyin mi de che tidia de gu ẹdjọ rẹ ẹgborho re riariẹ ovwan phihọ na.

Matiu 10:37

Ohwo ro guọnọ ọsẹ eyẹ oni nọ vwẹ, yo fo vwe-e; ọ rọ guọnọ ọmọshare eyẹ ọmọtẹ rọye nọ vwẹ, yo ji fo vwe-e.

Urhi Rivẹ 17:12

Ohwo ro phuoma ro gbi mu ọghọ kẹ orherẹn rọ mudia vwẹ obaro rẹ Ọrovwohwo rẹ Ọghẹnẹ rẹ ovwan na-a, eyẹ oguẹdjọ na-a; ohwo yena ko ghwu; eriyin ovwan vwọ hworhẹ umwemwu nẹ Izrẹl na.

Urhi Rivẹ 21:18

Ọ da dianẹ ohwo vwo ọmọ rọ gan udu ro gbe urhi, ro nyo urhuru rẹ ọsẹ eyẹ urhuru rẹ oni rọye-e, owenẹ ayen farọ dede, ọ kerhọ raye-en,

1 Jọn 3:20

yẹ udu rẹ avwanre ji ghwe brẹhwe avwanre; kidie Ọghẹnẹ rhonọ udu rẹ avwanre, ọ ke rha je riẹn emu ejobi re.

1 Samuẹl 2:12

Asakiephana emọ rẹ Eli kẹ erharhe rẹ ihwo; ayen se Ọrovwohwo gbe emu-u.

1 Samuẹl 2:17

Enẹ kọye umwemwu rẹ imighele na rhe vwọ rho gangan vwẹ obaro rẹ Ọrovwohwo. Kidie ihwo na da vwẹ izobo rẹ Ọrovwohwo na gbotọ.