1 Samuẹl 3:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Etiyin Ọrovwohwo da ta kẹ Samuel, Nighe, mi che ru emu vwẹ lzrẹi na, rẹ erhọn rẹ ohwo kohwo ro nyoro ko che shegbe.

1 Samuẹl 3:11 ပူးပေါင်းရင်းမြစ်များ

Ivie rẹ Ivẹ 21:12

Fiki rẹ ọtiọye na enẹ Ọrovwohwo Ọghẹnẹ rẹ Izrẹl na tare, Nighe, Me vwẹ umiovwo rode cha Jerusalẹm vi Juda, erhọ rẹ ohwo kohwo ro nyoro ko che shegbe.

ỌBE RẸ JOB 41:9

Nighe, obo rẹ ohwo phiẹro phihọ ọye re phiẹn, oma me ghwrọrọ vwẹ ọke rọ da kparo mrẹ.

Aizaya 28:19

Kọke kọke rọ vwọ wan vrẹn ejobi kọ vwẹ owẹ boma, kirhiọke kirhiọke ọ cha vwọ wan vrẹn, te ason te uvo, kọ dia oshọ rode ra vwọ riẹn otọ rẹ ovuẹ na.

Aizaya 29:14

fiki rẹ ọtiọye na, nighe, me cha rhoma vwẹ ihwo nana ru emu rẹ igbunu, emu rẹ igbunu rode, aghwanre rẹ ọvwaghwanre rayen na ejobi ke guọghọ, evughe rẹ ihwo re mrẹ emu vughe ejobi ke che sionu.

Jerimaya 19:3

Wọ me tanẹ, Nyo ota rẹ Ọrovwohwo na, E ivie ri Juda kugbe ihwo re dia Jerusalẹm, Enẹ Ọrovwohwo rẹ ofovwi na tare, Ọghẹnẹ rẹ Izrẹl, Nighe, me ghwa umiovwo cha etinẹ na rẹ erhọn kerhọn ro nyoro ejobi de shegbe.

Habakọk 1:5

Ni ohri rẹ ẹgborho na, re wọ mrẹ; jo gbe we unu re ofu dje we. Kidie mi re ru iruo vwẹ ọke wẹn ra da ta kẹ wẹ wọ che segbuyota-a.

Iyẹnrẹ Esiri ri Luk 21:26

ihwo ki sherua vẹ oshọ kugbe ẹnwan rẹ obo re cha vwẹ akpọ na; kidie ogangan rẹ idjuvwu na ki che kpogho.

Iruo rẹ Iyinkọn na 13:41

Nighe, ovwan ejejefian, jo gbe ovwan unu, re ovwan ghwọrọ kidie mi ru iruo vwẹ ọke rẹ ovwan, iruo rẹ ovwan che se segbuyota-a, ọ da dianẹ ohwo djere kẹ ovwan.

1 Samuẹl 3:10

Ọrovwohwo da rhe rhi mudia, ro se kerẹ ọke ri jovwo, Samuel! Samuel! Samuẹl de nyo, Ta, kidie odibo wẹn nyo.

1 Samuẹl 4:10

Ọtiọye ihwo ri Filistia na da họnre, ayen da kparobọ, Izrẹl da djẹ, dohwo duwevwi rọye da ra; e de hwe ihwo buebu, ihwo ri ghwuru vwẹ Izrẹl ẹdẹ yena da dia uriori ọgban rẹ ihwo re vwẹ owọ yan.