1 Samuẹl 3:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Ọrovwohwo da rhe rhi mudia, ro se kerẹ ọke ri jovwo, Samuel! Samuel! Samuẹl de nyo, Ta, kidie odibo wẹn nyo.

1 Samuẹl 3:10 ပူးပေါင်းရင်းမြစ်များ

Joshua 5:14

Ọ da ta, Ẹjo, ẹkẹvuọvo kerẹ onotu rẹ ofovwi rẹ Ọrovwohwo me vwo rhe na. Joshua de she bọvwọ opharo rọye rhuotọ, ọ da ga, ọ da ta kẹ, Kidie Ọrovwohwo guọnọre nẹ odibo rọye ru?

1 Samuẹl 12:2

Asakiephana, gbe nighe, ovie na kọye ri sun ovwan na; me ghwore me djẹ esha re, nighe, emọ mẹ keye vẹ ovwan gba herọ na; ye me vẹ ovwan re gba herọ nẹ imitete mẹ rhe rhi te ẹdẹ ri nonẹ na.

1 Samuẹl 3:11

Etiyin Ọrovwohwo da ta kẹ Samuel, Nighe, mi che ru emu vwẹ lzrẹi na, rẹ erhọn rẹ ohwo kohwo ro nyoro ko che shegbe.

1 Samuẹl 3:15

Samuẹl de shevwerhẹ re te irhiọke; etiyin o de rhie ẹchẹ rẹ uwevwi rẹ Ọrovwohwo na. Oshọ rhe ji Samuẹl ta emramrẹ na kẹ Eli-i.

1 Samuẹl 3:21

Ọrovwohwo da rhoma vwẹ oma phia vwi Shiloh, kidie Ọrovwohwo vwẹ oma rọye phia kẹ Samuẹl vwi Shiloh vwẹ oma rẹ ota rẹ Ọrovwohwo na.

1 Samuẹl 3:8

Ọrovwohwo da rhoma se Samuẹl obọ rerha. ọ de vrẹn bru Eli, ọ da ta, Mẹvwẹ na, kidie wo se vwe. Etiyin Eli de rhi vughe nẹ Ọrovwohwo ri se ọmọ na.

1 Samuẹl 3:9

Vwọ ọtiọye na Eli da ta kẹ Samnel, Yanran, re shevwerhẹ; ọda dianẹ o ji se we, ku wọ ta, Ta, Ọrovwohwo, kidie odibo wẹn nyo. Etiyin Samuẹl da yanran re shevwerhẹ vwẹ asan rọye.