1 Samuẹl 29:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Etiyin Akish de se Devid ọ da ta kẹ,, Kirobo rẹ Ọrovwohwo herọ na, wẹwẹ ohwo ọsoso, vwọ kẹ vwẹ me guọnọre nẹ wọ vẹ ovwẹ kanre edje rẹ ofovwi na; kidie me mrẹ obo re chọre vwẹ oma wẹn nẹ ẹdẹ wo vwo bru vwe rhe rhi te nonẹ na-a. Yẹ ẹkẹvuọvo na igbuyovwi na sen wẹ.

1 Samuẹl 29:6 ပူးပေါင်းရင်းမြစ်များ

Jẹnẹsis 16:6

Ẹkẹvuọvo Ebram da ta kẹ Serai, Nighe, ogangan rẹ ọmọtẹ wẹn o rhe we, vwo ru obo ri je we. Etiyin Serai da djoma kpahọ, ọ da djẹ nẹ obọ rọye.

2 Samuẹl 3:25

Wọ riẹnre nẹ Abner ọmọ rẹ Ner rhere rhe phiẹn wẹ, vwọ mrẹ obo wọ epha.

Ivie rẹ Ivẹ 19:27

Ẹkẹvuọvo me riẹn etidia otọ wẹn Vẹ ada ẹra vẹ uwevwi ẹcha wẹn, Vẹ ophu wo muẹ kpahe ovwẹ.

Une rẹ Ejiro 121:8

Ọrovwohwo sa sẹro wẹn ro otafe ro uwevwi nẹ ọke nana yanran rhiri bẹdẹ.

Aizaya 37:28

Me riẹn etidia otọ wẹn ẹyanran rọye kugbe erhivwi cha rọye, kugbe ẹhọnrọ ru wọ họnre kpahe ovwẹ.

Aizaya 65:16

Vwẹ ọtiọye na ohwo rọ nẹ ẹrhovwo kẹ oma rọye vwẹ otọ na kọ nẹ ẹrhovwo kẹ oma rọye vwẹ oma rẹ Ọghẹnẹ rẹ uyota na, ohwo ro duvwu iyori vwẹ otọ na kẹ odẹ rẹ Ọghẹnẹ rẹ uyota na o vwo duvwo, kidie ukpokpogho rẹ awanre na chọẹro re i sioma nu kẹ ibiẹro mẹ re.

Jerimaya 12:16

Ọke che te, ọ da dianẹ ayen vwẹ erhiọri yono idjerhe re ihwo mẹ, rẹ ayen da vwẹ odẹ mẹ ve ive tanẹ, Obo rẹ Ọrovwohwo epha na, ọtiobo rẹ ayen yono ihwo mẹ vwọ reyọ odẹ ri Baal vwo duvwu iyori na, ke me bọn ayen phihọ uherevie rẹ ihwo mẹ.

Ukeri 27:17

rọ ka obaro kẹ ayen ro sun ayen ra ro ji sun ayen rhe ro sun ayen ro otafe kugbe re ọ je reyọ ayen rhe uwevwi; rere ukoko rẹ Ọrovwohwo vwo jẹ dia kerẹ igodẹ ri vwo osu-un.

Matiu 5:16

Eriyin na gbe jẹ urhukpẹ wẹn la vwọ kẹ ihwo, rere ayen mrẹ iruo esiri wẹn rere ayen vwẹ ejiro kẹ ọsẹ wẹn rọ hẹ obo odjuvwu.

Urhi Rivẹ 10:20

Wọ Me djẹ oshọ rẹ Ọrovwohwo Ọghẹnẹ wẹn na; ọye wọ ga, ọye wọ gba oma mu, odẹ rọye wo vwo ve ive.

Joshua 22:30

Ọke ri Finehas rẹ orherẹn na kugbe ehọnvwọre rẹ ukoko na, igbuyovwi rẹ ekru rẹ Izrẹl re vẹ ọye gba herọ, vwo nyo eta rẹ ihwo ri Rubẹn na kugbe ihwo ri Gad kugbe ihwo ri Manasse tare, o de je ayen gangan.

1 Pita 2:12

Ru omamọ rẹ uruemu vwẹ ohri ri Keferi na, o da dianẹ ayen mu ọfian rẹ oruchọ bara owẹ jovwo, re ayen sa mrẹ iruo esiri rẹ ovwan ra vwẹ ejiro kẹ Ọghẹnẹ vwẹ ẹdẹ rẹ okpetu na.

1 Pita 3:16

jẹ evun wẹn fon, rere, ọke ra da harhe owẹ, ayen otu re harhe uruemu esiri ru wo ru kẹ Kristi oma vwọ vo ayen.

1 Samuẹl 20:3

Ẹkẹvuọvo Devid da kpahe, ọsẹ wẹn riẹnre nẹ ivun mẹ vwerhe owẹ; o de roro nẹ, e jẹn Jonatan riẹn ọnana-a, ivun de rhe miovwo. Ẹkẹvuọvo uyota, kirobo rẹ Ọrovwohwo herọ na ji kugbe obo rẹ erhi wẹn herọ na, me da je owọ ọko vwẹ ẹtinẹ na ye me ro ughwu.

1 Samuẹl 28:10

Ẹkẹvuọvo Sọl da vwẹ odẹ rẹ Ọrovwohwo duvwu iyori kẹ nẹ, Kirobo rẹ Ọrovwohwo herọ na, emu ọvuọvo che ru we fiki rẹ emu nana-a.

1 Samuẹl 29:3

inotu rẹ ihwo ri Filistia da ta, Die ihwo ri Hibru nana ruẹ vwẹ etinẹ? Akish da ta kẹ inotu rẹ ihwo ri Filistia, Ọnana dia Devid, rẹ odibo ri Sọl, ovie rẹ Izrẹl, rọ vẹ ovwẹ gba herọ rhabaye rhe, rhawẹ ọke rọ vwọ kua bru vwe rhe na me je mrẹ oruchọ vwẹ obọ rọye rhi te nonẹ na-a.

1 Samuẹl 29:7

Vwẹ ọtiọye na gbe rhivwi asakiephana; re wo kpo egbẹrhẹnẹdẹ, rere ophu wẹn vwo jẹ igbuyovwi ri Filistia na emuo.

1 Samuẹl 5:8

Etiyin ayen de ji ikọn re se ehọnvwọre ri Filistia ejobi koko, ayen da ta, Mavọ e ru ekpeti rẹ Ọghẹnẹ rẹ Izrẹl na? Ayen da kpahe, E jẹn e mu ekpeti rẹ Ọghẹnẹ rẹ Izrẹl na rhivwi kpo Gat. Etiyin ayen de mu ekpeti rẹ Ọghẹnẹ rẹ Izrẹl na rhivwi kpo oboyi.