1 Samuẹl 29:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Ẹkẹvuọvo ophu rọye de mu inotu rẹ ihwo ri Filistia na; inotu ri Filistia na da ta kẹ, Djẹ ohwo na kpo, rere o rhivwi kpo asan ri wo dje kẹ; o che nene avwanre kpo ofovwi na-a, ọ da rhe dia ukọ kẹ avwanre vwẹ evun rẹ ofovwi na. Mavọ ohwo nana vwọ sa rhuẹrẹ oma rọye vẹ ọrovworo kugbe? ọ rha je dia oma rẹ ovwan igbuyovwi rẹ etinẹ na-a?

1 Samuẹl 29:4 ပူးပေါင်းရင်းမြစ်များ

1 Ikun rẹ Ivie 12:19

Evo vwẹ ihwo ri Manasse sa djẹ bru Devid rọ vẹ Filistia rhi vwo phi Sọl (Dede jẹ ọ cha ayen uko-o, fikiridie isun ri Filistia jẹ irọro ayen da djẹ kpo tanẹ, ọ de rhi miovwi kẹ avwanre kọ djẹ jẹ avwanre vwo bru onini rọye, Sọl)

1 Ikun rẹ Ivie 12:20

Rọ vwọ yanran kpo Ziklag ihwo ri Manasse nana da djẹ bro: Adna, Jozabad, Jediael, Makaẹl, Jozabad, Elihu vẹ Zilletai, inotu rẹ uriori vwi Manasse.

Ẹyano 1:10

Ovwan gba yanrhe, rere avwanre vwẹ aghwanre ru ayen, ọ dia ọtiọyee ayen ki bu phiyọ, ofovwi da rhe, ayen ki ku oma gbe ivwighrẹn rẹ avwanre vwọ họnre avwanre ayen ke djẹ nẹ otọ na.

Iyẹnrẹ Esiri ri Luk 16:8

Onini na de jiri odibo umwemwu na fiki rẹ aghwanre rọye; kidie emọ rẹ akpọ nana vwẹ evun rẹ uvwiẹ rayen ghwanre nọ emọ rẹ urhukpẹ na.

1 Samuẹl 14:21

Kọye rẹ ihwo ri Hibru evo re djẹ bru ihwo ri Filistia ra jovwo re vẹ ayen gbe mu erhọn jovwo, da rhoma kuoma gbe ihwo rẹ Izrẹl ri vi Sọl kugbe Jonatan gba herọ.

1 Samuẹl 27:6

Kọye vwẹ ẹdẹ yena Akish da vwi Ziklag kẹ; fiki rẹ ọtiọye na Ziklag vwo dia ọ rẹ ivie ri Juda rhi te nonẹ na.

1 Samuẹl 29:9

Akish da kpahe kẹ Devid, Me riẹnre nẹ wọ re abe kaka vwẹ obọ mẹ-ẹ kerẹ amakashe rẹ Ọghẹnẹ; ye ẹkẹvuọvo igbuyovwi ri Filistia tare nẹ, O che nene avwanre kpo ofovwi na-a.

1 Samuẹl 30:1

Vwẹ ọke ri Devid vẹ ihwo rọye vwo te Ziklag vwẹ ẹdẹ rerha, ihwo Amalẹk kpo imu vwẹ obo Nẹgẹb kug Ziklag. Ayen de phi Ziklag kparobọ, ayen vwẹ erhanre torhẹ,